mánadagur 31. oktober 2005síða 30

30 Nr. 208 - 31. oktober 2005 Søkt verður eftir leiðara og starvsfólki til Barnaverndartænastuna Kommunurnar koma at yvirtaka barnaverndarøki 1. januar og fer barnaverndartænastan at virka frá 1. januar 2006. Miðvágs-, Sørvágs-, Sandavágs-, Vestmanna- og Kvívíkar kommunur hava gjørt samstarvsavtalu um felags barnaverndartænastu. Við hesum verður lýst eftir leiðara og einum starvsfólki í hálva tíð. Leiðari til Barnaverndartænastuna: Starvið sum leiðari fyri barnaverndartænastuni verður at seta 1. januar 2006, ella sum hóskandi til uppsagnarfreistina í einum verandi starvi . Uppgávur og avbjóðingar: Leiðarin kemur at hava dagligu leiðsluna á barnaverndartænastuni. Hann skal frá byrjan verða við til at mynda og skapa ein vælvirkandi tænastudepil. Førleikakrøv: Leiðarin kann hava hóskandi ástøðiliga útbúgving og hava hollan kunnleika til sosiala økið,kommunal viðurskifti og fyrisitingarrætt. Tað er ein fyrimunir, um leiðarin hevur leiðsluroyndir. Leiðarin skal vera virkisfúsur, hava evni at arbeiða sjálvstøðugt og duga at samskipa og samstarva tvørtur um faklig mørk. Setunarviðurskifti: Starvið verður lønt í samsvari við fakligan førleika og royndir. Starvsfólk til Barnaverndartænastur Starvið sum starvsfólk í hálva tíð fyri barnaverndar- tænastuni verður at seta 1.januar 2006,ella sum hósk- andi til uppsagnarfreistina í einum verandi starvi. Uppgávur: Starvsfólkið fer í tøttum samstarvi við leiðaran at mynda Barnaverndartænastuna. Førleikakrøv: Starvsfólkið kann hava sosialfakliga útbúgving. Viðkomandi skal hava góð samstarvsevnir og duga væl at samskipa og raðfesta arbeiðið. Setanarviðurskifti: Starvið verður lønt sambært sáttmála við avvarðandi fakfelag. Fyri bæði størvini er galdandi: Starvsstaður: Skrivstovan kemur at liggja í Sandavági. Roknast má við, at nakað av ferðing verður í starvinum. Barnaverndarstovan er byrja at geva skeiðfrálæru so møguleiki er at fáa skeið áðrenn byrja verður í arbeiðinum í nov og des.mdr. Umsókn: Umsóknir verða viðgjørdar í trúnaði og skulu saman við avriti av prógvum v.m. sendast til. Barnaverndartænastan Hammerheimbsvegur 1 FO-360 Sandavágur Umsóknarfreistin er 14. nov. 2005 kl. 10.00 og skal viðmerkjast á brævbjálvanum: starvsfólk Nærri upplýsingar um størvini fáast við at venda sær til ein av borgarstjórunum.