mikudagur 2. november 2005síða 25

Nr. 210 - 2. november 2005 25 Starvið Í Landsmiðstøðini er eitt starv sum lærugreina- ráðgevi í føroyskum fyri vinnu-, miðnáms- og hægri útbúgvingar leyst at søkja til setanar frá 1. januar 2006. Talan er um eitt fjølbroytt og áhugavert starv, har lærugreinaráðgevin í samstarvi við avarandi partar m.a. skal: • virka fyri fagligari og námsligari menning í læru- greinini føroyskt • ráðgeva viðvíkjandi undirvísingarmiðlum og arbeiðshættum í lærugreinini • ráðgeva og vegleiða í fakligum spurningum og fremja fakligar eftirmetingar • hava leiðsluna av skrivligu uppgávunevndunum í føroyskum á vinnu- og miðnámsskúlunum • vera Próvstovuni til hjálpar í ymiskum høpi • luttaka í verkætlanum, serliga á tí námsfrøðiliga økinum og innan KT Lærugreinaráðgevin skal tryggja, at nevndu upp- gávur verða loystar á einum høgum fakligum stigi, og at mannagongdirnar eru í samsvari við nútímans krøv. Ráðgevin skal, umframt omanfyri nevndu uppgávur, eisini vera til reiðar at átaka sær aðrar uppgávur í Landsmiðstøðini Førleikakrøv Vit vænta okkum m.a., at umsøkjari hevur • kandidatprógv frá universiteti við prógvi í før- oyskum • verkliga og ástøðiliga námsfrøðiliga útbúgving • undirvísingarroyndir á miðnámsstigi • áhuga fyri námsfrøðiligum arbeiði og fyri nýtslu av KT í undirvísingarhøpi • góð samstarvsevni og hug at arbeiða í bólkum • førleika at menna samstarvið við starvsfelagar, stovnar, lærarar og áhugafelagsskapir • vera ein virkin partur av toymisumhvørvinum í Landsmiðstøðini og samstundis kunna arbeiða sjálvstøðugt • áhuga fyri avbjóðingum og vilja til at royna nýggjar leiðir Vit bjóða • eitt spennandi starv við skiftandi uppgávum og við nógvum samskifti inn- og úteftir • arbeiði á einum høgum fakligum stigi og góðar møguleikar fyri bæði persónligari og fakligari menning Setanar- og lønartreytir Starvið verður lønt sambært sáttmála millum Fíggj- armálaráðið og avvarðandi yrkisfelag. Setanartíðin fyri lærugreinaráðgevan er í fyrstu atløgu 3 ár. Síðani kann setanartíðin verða longd tvær ferðir við tveimum árum hvørja ferð. Um serlig viðurskifti tala fyri hesum, kann setanartíðin longjast út yvir 7 ár. Arbeiðstíðin í ráðgevastarvinum er 2/3 av fullari arbeiðstíð. Tann, ið settur verður, skal undirvísa írestandi tímarnar í einum vinnu- ella miðnámsskúla, tó í mesta lagi svarandi til 1/3 starv. Umsókn Umsóknir við prógvum, c.v. o.ø. skulu verða Lands- miðstøðini, Hoyvíksvegur 72, Postrúm 3084, 110 Tórshavn í hendi í seinasta lagi mikudagin 23. november 2005. Gjøllari upplýsingar fáast frá Petur Simonsen,stjóra á Landsmiðstøðini, tlf. 318825. GG! Starvið er treytað av játtan á Løgtingsins Fíggjar- lóg. Landsmiðstøðin Lærugreinaráðgevi í føroyskum fyri vinnu-, miðnáms og hægri útbúgvingar Landsmiðstøðin er tænastustovnur í undirvísingarverkinum, sum m.a. sýnir fram og lænir út undirvísingarmiðlar, hevur verkstaðar- møguleikar, hevur saman við Mentamálaráðnum eina lærugreinaráðgevaskipan og skipar fyri skeiðum við fakligum og námsligum innihaldi.