mikudagur 9. november 2005síða 2

4 Nr. 215 - 9. november 2005 Spildurnýggja snotiliga verjuskipið hjá donsku sjóverjuni verður í hesum døgum roynt í føroyskum sjóøki, í gjár var skipið við bryggju á Sundi. Verjumál Orð: Niels Uni Dam, nielsuni@sosialurin.fo Myndir: Jens Kristian Vang Í gjár vitjaði nýggjasta skip­ ið í donsku verjuni Esbern Snare Føroyar. Skipið kom at bryggju inni á Sundi. Vitjanin er ein partur av einum royndartúrið hjá spildurnýggja verju­ skipinum, ið er av slagnum fleksibult stuðulsskip. Skipið er bygt á Odense Staalskibsværft og varð liðugt tíðliga í summar. Tað er 137 metrar, stingur 6,3 metrar og megnar at sigla 24 knob. Esebern Snare er systirskip við Absalon, ið varð latin donsku sjó­ verjuni í 2004. Hesi bæði skip eru størstu skip í donsku sjóverjuni. Túrurin til Føroyar er gjørdur, fyri at royna skipið í ringum veðri, Esbern Snare fer somuleiðis til Grønlands á royndartúrinum. Av Færøernes Kommando siga tey, at túrurin higartil hevur gingið sera væl: “Hetta er ein roynd av skipinum, soleiðis at vit fáa rætta alt, áðrenn garantiið er útgingið. Higartil eru bert smárættingar neyðugar. Føroyar og Grønland eru sjóøkir, ið hetta skip skal kunna virka í, so tí er upplagt at royna tað her. Men annað sjóøki verður eisini roynt í næstum m.a við Kanada, Spania og Portugal. Absalon var sambært Færøernes Kommando í økinum kring Føroyar í fjør, men legði tó ikki at bryggju”. Tá Absalon varð roynd­ ar­silgdur, vóru nakrir smá­vegis trupulleikar ser­ liga við gearunum. Men hes­ir eru allir rættaðir á Esbern Snare, áðrenn hann fór av skipasmiðjuni. Samanumtikið er sjóverjan sera væl nøgd við Absalon og Esbern Snare. Skipini eru ikki fult út­gjørd enn, men verða støð­ ugt ment, til tey eru heilt til reiðar at røkja tær alsamt broytandi uppgávurnar hjá donsku sjóverjuni. Væntandi eru skipini liðugt útgjørd við árslok 2007. Størsta danska verjuskipið á Sundi Esbern Snare Slag: Fleksibult stuðulskip Skipasmiðja: Odense Staalskibværft Longd: 137 m Breidd: 19,5 m Skipið stingur 6,3 m Eginvekt (lætt skip) uml. 4500 t Mesta berievni: ca. 6600 t Høvuðsmaskina 16,4 MW = 22.300 HK Mesta ferð: 24 knob Skipið røkkur v/15 knob 9000 fjórðingar Kann útgerðast at vera á sjónum 28 dagar kelda: www.forsvaret.dk Við sínum 137 metrum er Esbern Snare størsta danska verjuskipið Ein tyrla kann uttan trupulleikar lenda á stóra dekkinum á Esbern Snare Av brúnni stýrir skiparin teimum 22.300 hestakreftunum