mikudagur 9. november 2005síða 3

Nr. 215 - 9. november 2005  Nú verður munandi bíligari at flyta bæði bilar og farm við Smyrli. Arbeitt verður eisini við at ger tað bíligari hjá ferðafólki og tað verður enntá tosað um at gera tað næstan ókeypis at ferðast við Smyrli Suðuroyarsigling Áki Bertholdsen aki@sosialurin.fo Nú verður munandi bíligari at flyta bilar og farm ímillum Suður­oynna og Havnina. Tað verður eitt úrslit tað næst­an við fullari vissu kann sigast, at Løgtingið ein av allarfyrstu døgunum fer at játta Strandferðsluni pening til at lækka prísirnar fyri farmaflutning ímillum Suðuroy og Havnina. – Endamálið við hesum er at javntseta vinnulívið í Suðuroynni við vinnulívið í øðrum pørtum í landinum, søgdu teir báðir samgongu- ting­menninir, Johan Dahl og Hendrik Old á almenna sam­ferðslufundinum í Vági mánakvøldið. – Tað skal ikki verða dýr­ ari at keypa fisk í einum part­i í landinum at keypa fisk og flyta hann úr Havnini til Suðuroyar enn tað er at flyta hann úr Leirvík til Klaks­víkar, segði Johan Dahl. Munandi príslækking Hendrik Old er sannførdur um, at ætlanin at lækka farma­ gjaldið ímillum Suðuroynna og Havnina, fer at alstóran týdning fyri vinnulívið. Hann vísti á, at hereftir fer ein stórur treylari, sum tað kostar 3800 krónur at flyta við Smyrli, at kosta áleið 2800 krónur, so tað er ein fittlig príslækking. Ein minni bilur, sum er 7-9 metrar langur, sum nú kost­ar 610 krónur at flyta við Smyrli nú, fer hereftir at kosta 310 krónur. Ein uppaftur minni minni bilur ímillum 5 og 7 metrar, kost­ar 430 krónur nú, men hann fer niður á 210 krónur. Hendrik Old sigur, at hetta fer at fáa stóran týdning fyri vinnuna í Suðuroy, ikki bara í sambandi við flutning til Suðuroyar. Men tað fer eisini at gera vinn­una í Suðuroy nógv kapp­ingarførari, um ætlanin er at selja vørur norðureftir ella til at átaka sær arbeiði norðan­fjørðs sum ger, at flutningstól skulu flytast ímillum. Hendrik Old sigur, at hetta er tað átakið fyri vinnuna í Suðuroy, sum hevur størsta týdning at fáa framt í hesum sambandi. Eisini bíligari ferðaseðlar Teir báðir sam­gongu­ting­ menninir søgdu eisini, at næsta stigið verður at arbeiða fyri at gera tað bíligari hjá ferðafólki at ferðast ímillum Suðuroynna og Havnina. Í hesum sambandi hev­ur samgongan viðgjørt málið um at gera eina sam­halds­ fasta prísskipan, eis­ini á ferða­seðlaøkinum, so at tað fer at kosta áleið tað sama at ferðast ímillum Havnina og Suðuroynna, sum tað fer at ferðast úr Leirvík til Klaksvíkar í dag, ella ímillum Gomlurætt og Skopun. Johan Dahl segði, at sam­ gongan hevur avtalað, ein ein partur av tí, sum kemur meiri inn í landskassan við tað, at vegskatturin av bilum hækkar, skal brúkast til at lækka prísin á ferðaseðlum ímillum Suðuroynna og Havnina. Annars er ætlanin at finna so skipan við Smyrli sum við undirsjóvartunlinum, har tað bara verður goldið annan vegin. Samstundis er ætlanin at flyta ferðaseðlasøluna upp á land og alt tað fer at gera tað munandi meiri ómakaleyst at ferðast, tí tá slepst undan at stilla seg í bíðirøð umborð tvær ferðir at keypa ferðaseðil. Hendrik Old upplýsti eisini, at samgongan hevur eisini tosað um møguleikan at gera eina skipan, har tað verður mestsum ókeypis at koyra ígjøgnum undirsjóvartunlar og at sigla við Strandferðsluni. Fyribils metingar vísa, at hetta fer at kosta 80 milliónir, so tað verður ikki beinanvegin, men hann heldur, at tað er eitt gott tekin, at spurningurin er tikin til viðgerðar. – Tað er líka mikið um felagið, sum yvir­ tekur Farmaleiðir, fær flutningskyldu til til útjaðaran, men útjaðarin skal ikki verða verri fyri enn hann er nú, sig­ur formaðurin í sambandsflokkin um Farmaleiðir Áki Bertholdsen aki@sosialurin.fo Sambandsflokkurin fer ikki at boykotta samgonguna í sam­bandi við ætlanina at einskilja Farmaleiðir hjá Strand­ferðsluni. Tað sigur Kaj Leo Johanne­ sen, floksformaður. Sostatt vísir hann tí aft­­ur, sum Johan Dahl, løg­tingsmaður segði á samferðslufundi í Vági, mána­kvøldið. Á fundinum segði Johan Dahl, at tað var av­gerðandi, at felagið, sum yvir­tekur Farmaleiðir, fær flutn­ings­ skyldu til útjaðaran, so at vinnan í útjaðaranum ikki verður verri fyri enn hon er nú. – Tað skal framvegis bera til hjá virkjum í útjaðaranum at at keypa 500 kilo av fiski onku­staðni í landinum og fáa tað til virkið líka lætt sum nú. Annars kemur ætlanin at einskilja Farmaleiðir ikki ígjøgnum samgonguna- ikki við sambandsflokkinum í hvussu so er, segði Johan Dahl. Boykotta ikki samgonguna Men nú dregur formaður floksins, Kaj Leo Johannesen í land aftur. Í fyrstu atløgu ger hann púra greitt, at tað er bara floks­formaðurin, sum hevur heimild at greiða frá støðu sam­bandsfloksins til tey ymsu málini. Í ørðum lagi ger hann eis­ ini púra greitt, at sam­bands­ flokkurin fer ikki at boykotta samgonguna í sambandi við Farmaleiðir. – Vit eru samd um, at Farma­leiðir skal einskiljast og tað er eitt mál, sum lands­ stýris­maðurinn arbeiðir við. Hann skal nú gera eitt upp­ skot, sum síðani skal við­ gerð­ast í samgonguni. Tá ið samgongan er endaliga samd um ætlanina, verður eitt uppskot lagt fyri tingið. Tað eru sostatt nógvir møgu­ leikar at ávirka og broyta tað uppskotið, sum landsstýrið leggur fram. Og verður neyðugt við broytingum, so verða tær gjørdar. Líka mikið við flutningsskyldu Av tí sama við Kaj Leo Johannesen heldur ikki gera við­­merkingar til smálutir í ætlanini at einskilja Farmaleiðir. Hjá Johan Dahl var tað avgerðandi at felagið, sum yvir­tekur Farmaleiðir, eisini fær flutningsskyldu til útjaðaran fyri at tryggja at vinnulívið í útjaðaranum ikki verður verri fyri. Formaður sam­bands­ flok­sins hevur onga støðu til um talan skal vera um flutningsskyldu ella ikki. Hann sigur, at sjálvandi skal útjaðarin ikki vera verri fyri enn hann er nú. –Men um flutningsskylda skal fylgja við einskiljingini, havi eg onga meining um. Tað er ein spurningur, sum landsstýrismaðurin kemur at viðgera og taka støðu til. Ann­ars heldur Kaj Leo Johannesen, at tað er líka mikið um flutningsskyldan fylgir við ella ikki, tí tað eru so nógvir mátar, at flutn­ing­ urin kann skipast uppá, so at útjaðarin ikki verður verri fyri, heldur hann. Tá ið Farmaleiðir verða einskildar, skal útjaðarin ikki vera verri fyri, men tað er líka mikið um felagið, sum yvirtekur Farmaleiðir, fær flutningsskyldu ella ikki, tí tað eru nógvir mátar at skipa flutningin uppá, sigur Kaj Leo Johannesen   Seta ikki samgonguna í vanda Nógv bíligari at flyta bilar og farm ímillum Suðuroy og Havnina Hendrik Old, vinstrumegin, og Johan Dahl eru tveir av suðuroyartingmonnunum í samgongu og teir stungu onkuntíð høvdini saman á samferðslufundinum í Vági mánakvøldið. Teir siga báðir, at nú verður fyrsta stigið tikið at lækka flutningsprísirnar við Smyrli, men at arbeitt verður við enn fleiri lækkingum