fríggjadagur 11. november 2005síða 20

20 Nr. 217 - 11. november 2005 Kristian Blak og manningin í Ygg­ drasil hava júst lagt síðstu hond á upptøkurnar til 8. fløguna hjá Yggdrasil. Bólkurin er óivað ein hin virknasti, tá tað snýr seg um at umboða føroyskan tónleik í útlondum, og talið á fløgum ber eisini boð um stór skapanarevni. Og stuttligt við Yggdrasil er, at ein grundstamma er, men greinar koma og fara, tí manningin er ikki altíð júst hin sama, men hevur skift síðani byrjanina í 1981 Tónleikur Dagfinn Olsen dagfinn@sosialurin.fo Í 1981 framførdi ein bólkur við Kristiani Blak á odda tónleik, ið settur var til yrking eftir William Heinesen. Hetta var spírin, ið gjørdist til bólkin Yggdrasil, ið hevur navn eftir heimstrænum í norð­ urlendsku guðalæruni. Og júst tað, at navnið er eftir heimstrænum, er hóskandi. Tað er neyvan nakar bólkur, ið er so virkin, tá tað kemur til at ferðast og framføra. Tað snýr seg um konsertir her heima í Føroyum, men sanniliga eisini úti í heimi, har konsertskráin hevur verið stór, tó at øll kanska ikki hava givið sær far um hesar undangongumenn, ið ferðast út í heim í heilum við føroyskum tónleiki í skjáttuni. Av sonnum ein heimsum­ fatandi bólkur, ið eisini kann bólkast undir tað, ið verður nevnt world music. Men mest verður tónleikurin hjá bólkinum tó róptur jazzur ella etniskur tónleikur, ið hevur rót í føroyskum sangi og tónleiki. Og manningin hevur enn­ tá eisini verið eitt slag av heimsblandi, tí ofta hevur onkur útlendskur tónleikari verið partur av mannigini. Spírar við bløðum - nótabløðum Og gamla træið frá 1981 spírar enn og tykist ikki merkja aldur, men enn spretta nýggj bløð – nótabløð. Í vikuni legði manningin síðstu hond á 8. fløguna hjá bólkinum Yggdrasil. Bólkurin hevur sum nevnt havt fleiri manningar. Bólk­ urin hevur í fleiri ár verið á ferð við Eivør Pálsdóttir sum sangara. Nú er bólkurin á ferð við Kára Sverrisson sum sangara. Hóast henda manning hevur spælt og ferðast í 3 ár nú, so er hetta fyrsta upptøka við hesi manning. Og tað eru Kristian Blak og Kári, ið hava gjørt tónleikin, sum er á nýggju fløguni.Verkini hjá Kristiani eru tey verk, ið hann gjørdi til framførslu, tá Vágatunnilin varð tikin í nýtslu. Kristian er jú kendur fyri sínar grottukonsertir. Talan er um fimm verk. Kári Sverrison hevur so onnur fimm verk við. Fløgan skal ljóðblandast í desember og kemur væntandi út í vár. Manningin á fløguni er Kristian Blak, tangentar, Mikal Blak, bass, Brandur Jacobsen, trummur, Heðin Z. Davidsen, guitar, Kári Sverrisson, guitar og sang og Villu Veski (Fin.), soxofon. 25 ár Tað eru komandi ár 25 ár, síðani fyrsti spírin til bólkin Yggdrasil sá dagsins ljós. Og tað er ikki minst í hesum sambandi, at bólkurin gevur fløgu út. Men sjálvandi eru eisini framførslur á skránni. Enn merkist ikki aldur á Yggdrasil, men tónleik­ ararnir eru virknir innan mangar tónleikagreinar. Og Yggdrasil breiðir seg kring heimin. Ferðast verður víða og heimstónleikurin frá bólkinum við navni eftir heimstrænum breiðir seg kring heimin. Upptøkurnar eru lidnar og komandi ár er enn ein fløga á handilshillunum. Enn ein krúna er sett á verkið – heimstræið. Heimstræið Yggdrasil blómar enn Fróðskaparsetur Føroya: Fyrstu bachelor­ prógvini í føroyskum Hósdagin 10. november 2005 fingu teir fyrstu sjey studentarnir handað bachelor­prógv (B.A.­prógv) í føroyskum eftir lestur á Føroyamálsdeildini. Próvtøkan endaði við eini B.A.­ritgerð. Tey sjey hava skrivað ritgerðir um evni sum bókmentir í bundnum og óbundnum máli, sjónleik, føroysk bygdamál og fólka­ navnafrøði. Handanin var á Føroyamálsdeildini. Prógvhandanin byrjaði við at megindeildarformaðurin, Eivind Weyhe, beyð vælkomin og greiddi frá, at eftir at lesturin á Føroyamáls­ deildini varð umskipaður, soleiðis ið hann nú er skipaður sum eitt 3­ára B.A.­ nám og í framhaldi av tí við einum 2­ára M.A.­námi, fingu í dag 7 teir fyrstu studentarnir prógv handað. Síðan bað Eivind studentarnar koma upp, men segði hann, ein hevði verið kvikari enn hinir og hevði longu fingið prógvið handað, men hann vildi kortini biðja hana koma upp. Síðani bað hann Victoriu Absalonsen av Viðareiði koma upp og ynskti henni til lukku við próvnum. Føroyamálsdeildin vil kortini gera vart við at 3 studentar, sum hava lisið høvuðsgrein eftir teirri gomlu skipanini og hava tikið nóg nógv til at tað javnvigar við B.A., hava fingið góðskrivað tað sum B.A.­prógv. Aftasta rað f.v.: Hedvig Westerlund-Kapnas, Victoria Absalonsen, Katrin Reinert og Helena á Løgmansbø. Fremra rað f.v.: Ásleyg Johannessen, Mortan Ólason Vang og Jóhanna Margreta Knudsen Mynd: Jens Kristian Vang