fríggjadagur 11. november 2005síða 28

28 Nr. 217 - 11. november 2005 Lýs teg sjálvan við trimum orðum: Eg eri áhaldin, mál­ rættaður og eitt sindur tvætluttur Hvat orð ella hvønn setning nýtir tú oftast? Eg kann ikki koma í tankar um nakað, men tað er óiva okkurt. Eg sigi ofta ”Hetta ber til” Hvørjum hyggur tú at hjá hinum kyninum? Eg hyggi at øllum, eftir heildini, einki heldur til at standa einsamalt í longdini Hvussu langa tíð nýtir tú at gera teg kláran um morgunin? Við øllum, frá at eg fari upp, til eg fari avstað, gongur ein tími, men tá havi eg eisini etið og blaðað í avísunum. Hvat stressar teg? Eg blívi ikki stressaður. Men ting kunnu irritera meg. T.d. tá einføld ting og avgerðir taka ov langa tíð. Hvat gleðir teg? Tá børnini hjá mær hava tað gott og eru glað Nær feldi tú seinast eitt tár? Tað eru kortsíðani ­ Tað vóru eini gleðistár, men orsøkina haldi eg fyri meg sjálvan Nær smakkaði tú tær seinast á? Næst seinasta vikuskiftið helt eg eina veitslu Hvat var seinasta ynskið, sum tú fekst uppfylt? Tá eg helt innflytingar­ veitlsu seinasta viku­ skifti. Eg ynskti mær ymiskar gávir, og eg fekk nógvar av teimum. Hvar arbeiðir tú? Eg eri stjóri á Kaupthing Virðisbrævameklarafelag pf Hvørji ráð hevur tú til fólk, sum ætla sær inn í fíggjarheimin? Áhaldni er týdningar­ mikið, men arbeiðið er ikki alt. Hvat er besta uppfinn­ ingin og hví? Tað má vera internetið, eg skilji ikki, hvussu man kundi liva áðrenn internetið Hvat hevur tú í lumm­ unum beint nú? Eg havi eina fartelefon, billyklar, húsalyklar og gjaldskort,. Annars eru lummarnir hjá mær vanliga sum ein damutaska. Hvat er títt besta heimaráð? Fá tær ein snaps aftur við feitum mati. Hetta eru eini ráð til tíðina, sum kemur nú. Hvør er stuttligast í Føroyum og hví? Tað er Jákup Weyhe. Hann klárar at yvirraska, hvørja ferð hann ger okkurt, og pjøvist faktiskt einki at gera fyri at vera stuttligur. Hvør er keðiligast í Føroyum og hví? Tí persóninum havi eg tíbetur ikki møtt enn. Hvussu ofta speglar tú tær? Eg spegli mær um morgunin, og so hvørja ferð eg standi við eitt hondvask. Hvussu ofta ert tú hjá frisør? Eg man vera hjá frisør annan hvønn mánað Hvør er tín stuttligasta uppliving í starvinum í Kaupthing? Vit hava havt nógvar stuttligar upplivingar. Eg dugi ikki at hugsa um nakra einstaka. Vit hava tað stuttligt, bæði tí tað gongur væl, og tí vit leggja seriøsan dent á at hava tað stuttligt. Petur Holm • stjóri í Kaupthing • 37 ár