týsdagur 15. november 2005síða 3

Nr. 219 - 15. november 2005 3 Herfyri keypti Ide Møblar ognina hjá Sjúrði Sivertsen, sum liggur beint yvir av handilsbygninginum hjá Ide Møblum á Hálsi. Birgir Andreasen, stjóri í Ide Møblum, sigur, at keypið er ein íløga í framtíðina Handilslív Terji Nielsen terji@sosialurin.fo Ognin, sum Ide Møblar hevur keypt, er 2400 fermetrar til støddar, og á ognini stendur ein bygningnur, sum er umleið 600 fermetrar stórur. Sjúrður Sivertsen hevur sjálv­ ur lastbilavirksemi á ognini í løtuni, men 1. septembur komandi ár skal økið og bygningurin verða ruddað. Ongar beinleiðis ætlanir Birgir Andreasen sigur, at Ide Møblar er ein fyritøka í framgongd, og tí er altíð neyðugt at hava eyguni eftir, hvørjir møguleikar eru fyri framman. ­ Hetta er ein ogn, sum liggur beint yvir av handl­ inum hjá okkum á Smyrils­ vegi, og tí síggja vit tað sum ein møguleika fyri víðkan av virksemi okkara í framtíðini. Í løtuni hava vit ongar bein­ leiðis ætlanir við ognini, men vit síggja tað meira sum eina íløgu í framtíðina, sigur Birgir Andreasen. Stjórin í Ide Møblum sig­ ur, at hóast bygningurin, sum í løtuni stendur á ognini, bæði er í minna og lagi og í ringum standi, so eru nógvir møguleikar við ognini. ­ Økið er 2400 fermetrar stórt, og tað merkir, at vit kunnu hava ein bygning, sum er 1200 fermetrar stórur og í tveimum hæddum, so at vit tilsamans hava 2400 fermetra gólvvídd. Hetta kann gerast við at byggja afturat verandi bygningi, sum so eisini skal hava eina stóra umvæling, sigur Birgir Andreasen. Stórur eftirspurningur eftir slíkum ognum Ein avtala er gjørd millum Ide Møblar og Sjúrð Sivertsen um, at gamli eigarin slepp­ ur at verða verandi á ognini fram til 1. september kom­ andi ár. Tá yvirtekur Ide Møblar endaliga ognina, og tá skulu bæði bygningur og øki verða ruddað. ­ Vit hava tískil eitt ár at umhugsa okkum í, hvat vit vilja við nýggja møgu­ leikanum, men tað er heilt víst, at bygningurin kemur ikki at standa tómur. Vit fara at fríðka bygningin, men hvat slag av virksemi verður í honum, vita vit ikki enn. Tað kann bæði verða handilsvirksemi ella goymsluvirksemi, sigur Birgir Andreasen. Hann leggur afturat, at slíkar ognir eru nógv eftir­ spurdar, og at handilsøki á Hálsi ivaleyst er mest eftir­ spurda handilsøki í land­ inum í dag. Tí heldur Birgir Andreasen eisini, at talan er um eina góða ílogu, sum Ide Møblar hava gjørt. Spurdur um keypsprísin, sigur Birgir Andreasen, at tað hava hann og seljarin gjørt eina avtalu um ikki at upplýsa. Ide Møblar keypt grannaogn Birgir Andreasen og konan Elsebeth hava eitt ár at umhugsa, hvat slag av virksemi ið tey kunnu hava í gamla bygninginum hjá Sjúrði Sivertsen beint yvir av Ide Møblum. Bygningurin er keyptur, og 1. septembur komandi ár skal gamli eigarin hava ruddað bæði øki og bygningin, og tá verður endaliga yvirtøkan Mynd: Jens Kr. Vang