mánadagur 28. november 2005síða 3

Nr. 228 - 28. november 2005 3 Afturvendandi jólasølan hjá Føroya Heimavirkisfelag var um vikuskiftið, og undirtøkan í ár var framúr góð Jólasøla Orð & myndir: Terji Nielsen terji@sosialurin.fo Í ár var áhugin fyri at sýna fram á jólasøluni so mikið stórur, at neyðugt var at flyta jólasøluna niðan í ítrótt­ arhøllina á Hálsi, har rúm er fyri teimum okkurt um 60 básunum, sum vóru við á jólasøluni 2005. Breitt úrval Fyri hvørt ár tykist tað eis­ ini sum um, at úrvalið av heimaframleiddum vørum gerst alsamt meiri umfatandi. Tú kanst velja millum pløgg, prýðislutir, okkurt etandi og annað gott. Í ár var til dømis sera stórur áhugi fyri teimum básunum, sum sniðgevar, ið eitt nú gera barnaklæðir, høvdu, og fleiri av sniðgevunum fingu eina rúgvu av bíleggingum. Nógvir básar vóru eisini, ið sýndu fram ymiskar jóla- dekoratiónir, og nógv annað jólapynt var eisini at fáa. Luttakarar væl nøgdir Ein av framsýnarunum á jólasøluni 2005 var GÍGGJ, sum ger klæði til bæði børn og vaksin. Guðrið í Stóru- stovu, sum sjálv onnur rekur og eigur GÍGGJ, sigur, at tær eru stak væl nøgdar við stevnuna. - Tað hevur gingið avbera væl, og vit hava fingið heilt fitt burturúr. Eg haldi, at hetta er fimta árið, at vit eru við. Higartil hava vit bara havt barnaklæðir við á jóla­ søluni, men í ár høvdu vit sum nakað nýtt eisini klæðir til vaksin. Tað gekk bara væl, og vit hava fingið heilt fitt av bíleggingum, sigur Guðrið í Stórustovu. Hon sigur eisini, at tær nú hava úr at gera við at seyma klæðini, sum eru bíløgd, tí tey allarflestu vilja hava klæðini til jólar og til jólafestirnar, ið eru undan jólum. Hjá GÍGGJ er síðsti mán­ aðin undan jólasøluni nógv merktur av, at tær skulu gera klæðir klár at sýna fram á sølustevnuni. Guðrið í Stóru­stovu sigur, at tað er ein strævin tíð, men tær eru altíð spentar, tí jólasølan er ein sera góður møguleiki hjá teimum at vísa fram, hvat tær hava at bjóða. Guðrið í Stórustovu sig­ ur, at tað vóru sera nógv vitj­andi á jólasøluni í ár, og tað var allatíðina nógv fólk og vitjaði. - Tað var allatíðina fólk, so tað bar ikki til at taka sær av løttum. Leygarkvøldið, tá ið stevnan stongdi klokkan átta, stilnaði tó nakað av um hálvgum átta, og tá fingu vit fyri fyrstu ferð á degnum luft, greiðir Guðrið í Stóru­ stovu frá. Stórur áhugi fyri jólasøluni