týsdagur 29. november 2005síða 5

Nr. 229 - 29. november 2005  Klaksvík: Eftir tilmæli frá fíggjarnevndini samtykti býráðið hóskvøldið fíggjarætlanina fyri 2006. Ein spurningur í samband við fíggjarætlanina fyri næsta ár var skattaprosentið. Og á fundinum varð sam­tykt at halda fast við verandi skattaprosent upp á 20,75. Barnafrádrátturin verður somuleiðis óbroyttur: 4.000 kr. Samanlagt gevur fíggjarætlanin fyri komandi ár kortini eitt hall upp á 27,4 mió. kr. Tá eru íløgur upp á 47,4 og avdráttir upp á 7 mió. kr. tald við. sb. Skulu eisini hoyra Lindina Vestmanna: Nú skulu vest­ menningar eisini sleppa at hoyra andaligu sendingarnar á útvarpsrásini Lindini. Henda rásin hevur nú verið at hoyrt seinastu fimm árini kring landið, men nú ynskir leiðslan í støðini eisini at fólk í Vestmanna skulu fáa høvið til rættiliga at hoyra tær dagligu sendingarnar. Á bygdaráðsfundi í Vest­ manna í farnu viku var eitt av uppskotunum á skránni frá Lindini. Fyrispurningur var, um kommunan vildi lata stuðul til keyp og uppseting av einum sendara í bygdini. Fíggjarnevndin hjá komm­ ununi viðmælti hesum upp­ skotinum, og tí fer kommunan nú at stuðla hesi ætlanini við 5000 krónum. Einasta treytin fyri stuðl­ inum er, at sendinetið hjá Lindini ikki órógvar onnur sendinet. sb. Innflutningurin minkar framvegis Hagtøl: Virðið av inn­ flutningi okkara er minni higartil í ár enn í fjør. Tað er bara olja í virði, sum tað verður innflutt meiri av, helst orsakað av príshækkingunum í seinastuni. Hagtøl frá Hagstovuni vísa, at innflutningurin er minkaður við seks prosentum tríggjar teir fyrstu ársfjórðingarnar í ár – úr 2.762 til 2.597 mia kr. Størsta minkingin er at finna í vørum til vinnuliga nýtslu: Innflutningurin av t.d. alifóðuri er minkaður við 90 mió. og til framleiðslu 80 mió. kr. sb. Fíggjarætlanin hjá Klaksvíkar kommunu gevur hall fyri 2006, men skattaprosentið verður kortini ikki hækkað Sama skatta­ prosent hóast hall Vestmenningar skulu eisini fáa høvið til rættiliga at hoyra sendingarnar hjá Lindini Tá veðrið er til vildar er ikki nóv annað at gera enn at fara sær ein túr oman í Nólsoyar bygd. Barnagarður Orð/mynd: Snorri Brend Nólsoy: Tað er ikki altíð at børnini tíma so væl at verða hildin innandura. Og tá veðrið so er til tað, so er ikki nógv annað at gera enn at fara ein túr út við børnunum. Tað var júst tað, sum starvs­ fólkini í barnagarðinum ”Leika­lund” í Nólsoy gjørdu mikudagin í farnu viku. Veðrið var av tí allarbesta um morgunin, og tí var ikki annað at gera enn at leita sær út í bygdina frá morgunstundini av. Henda dagin vóru tey á veg til hús aftur, tá klokkan var farin at ganga til 11. Tey høvdu verið uttandura í eina góða løtu, men nú var svongdin av álvara farin at gera um seg hjá børnunum. - Nú er børnini vorðin so troytt, og nú fara vit heim at eta matpakkarnar, segði eitt av starvsfólkunum. Í barnagarðinum Leika­ lund eru vanliga 25 børn í vøggustovuni og barna­ garðinum. Starvs­fólkini eru seks í tali. Eingin vegbreiðking verður gjørd gjøgnum Skipanes í nærmastu framtíð. Enn liggur eitt øki í bygdini um eitt ótøki. Vegagerð Snorri Brend Skipanes: Tey sum dag og dagliga koyra gjøgnum Skipanes hava helst mangan undrað seg. Tey hava undrað seg um, tað vegastrekkið innast í bygdini. Eitt vegastrekkið sum hevur ligið órørt soleiðis í mong ár. Eingin hevur rættiliga dug­ að at sagt frá, hví hetta bara liggur soleiðis hálvbyrjað, men sum aldrin er vorðið fullført. Hetta ynskti nú ting­mað­ ur­in, Kári P. Højgaard at fáa eitt svar uppá. Tí setti hann herfyri fram ein fyri­spurning um hetta til landsstyrismannin, Bjarna Djurholm. Ikki nøktandi Tingmaðurin ynskti at frætta nærri um, hvørjar ætlanir vóru við hesum vegastrekkinum. Hann spurdi tí lands­stýr­ is­mannin um nakrar ætlanir vóru við hesum arbeiðinum, og um hvat bleiv av ætlaðu vegbreiðkingini í bygdini. Víst varð á, at hetta vega­ strekkið gjøgnum bygdirnar Skipanes og Undir Gøtueiði ikki eru nøktandi. Nakað av gróti er lagt vesturav vegnum, men liggur hetta í dag nærum sum eitt ótøki. Kári P. Højgaard vísti á, at eini hús vórðu keypt fyri mongum árum síðani. Seinni vórðu hesi húsini niðurtikin fyri at betra um útsýnið og um trygdina. - Men síðani tá er lítið og einki hent í hesum málinum, vísti Kári P. Højgaard á. Raðfesting Í svarinum vísti Bjarni Dju­ holm á, at ætlanin í Skipanesi varð broytt. Ætlanin varð nevniliga broytt, frá at leggja vegin í niðara síðu til at leggja vegin omanfyri bygdirnar ístaðin. Víst varð á, at nógv vega­strekki kring landið lógu somuleiðis og bíðaðu eftir at verða gjørd, og at hetta arbeiðið í Skipanesi mátti tí ganga inn í eina rað­festingarætlan hjá lands­ stýrinum. Landsstýrismaðurin gjørdi tó greitt, at tað vóru eingi tekin um at hesin vegateinurin fór at verða gjørdur tey næstu árini. Tað sum mong í økinum kortini eru kedd um, er at vegurin niðanfyri bygdirnar skemmir tær, tí einki er gjørt fyri at hampa um. Enn er so einki sum bendir á, at nakað verður gjørt fyri at bøta um hetta enn á sinni. Smalt vegastrekki í mong ár aftrat Eingin vegagerð gjøgnum Skipanes enn á sinni (Mynd: Runavíkar kommuna) So leikandi lætt um bygdina Tey hava verið úti og fingið sær ein frískan túr. Nú bíðar matpakkin í barnagarðinum