fríggjadagur 2. desember 2005síða 15

Nr. 232 - 2. desember 2005 15 Sunnudagin 4. desember fyll­ir Olina Lervig, Lina hjá Petur á Regni, úr Leir­ vík, 90 ár. Hon heldur føð­ ingardagin á Eysturoyar Røktar- og Ellisheimi í Runa­vík millum kl. 15-18, har høvi verður at heilsa upp á føðingardagsbarnið. Olina Lervig, f. Eliassen 4. desember 1915, er dóttir Josefinu og Elias Eliassen í Leirvík. Í barnaárunum búðu tey inni á Toftanesi. Tey vóru 5 systkin, tríggjar systrar og tveir beiggjar. Av teimum hevur Olina nú bert tað yngru systrina Margrethu sum býr í Saltnesi. Lina kom sum ung genta til trúgv á Harran og hevur víst hetta í bæði orðið og lívið. 5. november 1938 giftist Lina við Peturi Lervig, van­ liga nevndur Petur á Regni. Saman fingu tey børnini: Elias, Herfríð, tvíburarnar Káru og Jógvan, og til síðst Jonnu og Páll. Synirnir eru búsitandi í Leirvík, meðan døturnar búgva í Tórshavn og Danmark. Síðani eru kom­in 18 barnabørn, 32 lang­­ommubørn og 3 oldur­ ommu­børn. Olina og Petur høvdu eitt langt lív saman, og høvdu tey tað gleði, at halda teirra gullbrúdleypsdag í 1988. Eftir hetta fekk Petur bert tvey ár afturat, 26. august flutti Petur heim til sín Harra og Frelsara, sum hann so trúliga tænti og vitnaði um. Heimið hjá Olinu og Pet­­ uri var merkt av teirra gesta­ blídni. Har búðu mang­ir gestir, m.a. trú­boð­arar sum komu at vitja brøðra­sam­ komuna í Leirvík, tað vóru bæði føroyingar og útlend­ ingar. Eisini tá Petur kom heim við avbygdamonnum frá útróðri við »Aldubáruni«, sum hann átti og førdi, har hann ynskti at vísa teimum gestablídni, kundi hann altíð líta á, at Lina var klár við døgurða, nýbakaðum køk­um og einum deiligum drekka­ munni. Hetta megnaði hon sera væl við sínum stillføra framferðarhátti. Tá eg kom til Leirvíkar at vitja fyrstu ferð, má eg siga, at eg føldi meg ómetaliga vælkomnan, og blíðskapurin var stórur. Eg vil á henda hátt takka Linu fyri alt tað hon hevur verið fyri meg, børn og barnabørn okkara. Lina, sum í dag býr á Eysturoyar Ellis- og Røktarheimið, hevur enn í dag, tann góða eginleika, at hon altíð er í góðum hýri og kann fáa øll at flenna. Eg vil við hesum ynskja vermóður míni hjartaliga til­lukku við 90 ára føðing­ ar­degnum og Harrans ríku signing í framtíðini. Olav Askildsen 90 ára føðingardagur Sunnudagin 4. desember verður Olina Lervig, Lina hjá Petur á Regni, úr Leirvík, 90 ár. Føðingardagurin verður hildin á Eysturoyar Røktar- og Ellisheimi í Runavík frá kl. 15.00-18.00, har høvi verður at heilsa uppá føð­ ingardagsbarnið. 75 ára føðingardagur Leygardagin 3.des. fyllir Mads W. Hentze í Skopun 75 ár. Dagurin verður hildin saman við familjuni, hjá dóttrini í Mækjugøtu 6 í Havn. 70 ára føðingardagur Mánadagin 5. desember verður Knúd-Erik Andersen, Toftir, 70 ár. Dagurin verður hildin sunnudagin fyri familjuni. 50 ára føðingardagur Leygardagin 3. desember verður Jákup Rein-ert Hansen, sóknarprestur, ph.d., á Sandi 50 ár. Føðingardagin verður opið hús í Todnesi millum kl. 10.00 og 14.00. Krúndiamantbrúdleyp Mánadagin 5. desember kunnu hjúnini Signa og Søren Jacob Lamhauge, Rituvík, hava krúndiamantbrúdleyp. Dagurin verður hildin á Sjómansheiminum sunnudagin 4. desember kl. 14.00. Gullbrúdleyp Leygardagin 3. desember hava Karin og Jacob Norðberg, Hvalba, gullbrúdleyp. Tey, ið vilja gleða okkum, eru vælkmin inn á gólvið frá kl. 13.00-17.00 í heiminum hjá Anna-Britt og Martin Eið í Hvalba. Brúdleyp Leygarmorgunin 3. desember kl. 8.00 giftast í Sjóvar kirkju, Fía Alisa Poulsen, Innan Glyvur og Karl Magni Hammer, Toftir. Móttøka verður á Svangaskarði frá kl. 10.00, har øll eru hjartaliga vælkomin. Leygardagin 3. desember giftast í Kelduni í Skálafirði Tóra Hansen, Skálafirði og Martin Frederiksberg, Strendur. Silvurbrúdleyp Mánadagin 5. desember hava hjúnini Katrin og Jógvan Karl Joensen í Klaksvík, silvurbrúdleyp. Dagurin verður hildin heima, Undir Klakki 30 frá kl. 17.00, har øll eru hjartaliga vælkomin. Gullbrúdleyp Leygardagin 3.dec. kunnu hjúnini Ragna og Torvald Joen­sen, Norðragøtu, hátíðarhalda gullbrúdleypsdagin. Dagurin verður hildin saman við børnunum. Prógv Í november varð Anna Kirstin Hansen úr Havn útlærd sum frisør á salongini ”Klippestuen” á Frederiksberg. Fróði Bjarkason Skúvadal hevur á Københavns Uni­ versitet tann 20. oktober lokið prógv sum cand. scient. í lívfrøði. NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Olina Lervig 90 ár Merkisdagur Vilmund Jacobsen vilmund@sosialurin.fo Í dag, 3. desember, hava hjún­ ini, Gabriel og Jo­lina Hansen í Nólsoy, gull­brúdleyp. Borðhaldið, har dekkað er til 250 fólk, verður á flakavirkinum úti und­ir Klivum, og síðan verð­ur kaffi og dansur í Roynd­ar­ húsinum. Gestirnir fáa fekst lambs­ kjøt, suppu og risalamande, og nógv er gjørt burtur úr, at fólk skulu føla seg væl. Gabriel og Jolina eru tvey kend andlit í Nólsoy. Vit kunnu av røttum siga, at tey eru ein fastur táttur í bygdamyndini, nú tey bæði eru farin um tey sjeyti. Tey hava havt handil í mong ár, fyrst í kjallaranum, har tey búgva, og fyri longu nógvum árum síðan lótu tey nýggjan og stóran sjálvtøkuhandil byggja úti á Nýggjaveg. Gabriel hevur eisini um­boðað Statoil í Nólsoy í fleiri ár. Vit kunnu siga, at hand­ ilsvinnan lá í blóðinum, tí forfedrarnir høvdu handil og fiskakjallara, har báta­ fiskur varð saltaður til út­ flutnings. Vit ynskja Gabriel og Jolinu við familju ein góðan gullbrúdleypsdag, nú tey hava staðið saman sum hjún í samfull fimti ár. Gabriel og Jolina gullbrúdleyp