mánadagur 5. desember 2005síða 18

18 Nr. 233 - 6. desember 2005 Jarðarferð Jan Müller jan@sosialurin.fo Myndir: Jensk K Vang Mikudagin varð Ingávlur av Reyni borin til gravar. Hann var jarðaður úr Ebenezer, sum alt lívið var andaliga heim­ið hjá lítið lætna mann­ inum, sum tað seinastu dag­ arnar aftur og aftur hevur verið sagt um, at hann var størsti listarmálarin, sum før­ oyingar hava átt, og at hann eisini var størsti sangarin av sínum slagi, sum Føroyar hava fostrað. Listaverkini eftir merkis­ mannin eru mong, og tað er at fegnast um, at mong teirra eru endurgivin í bókum, sum eru skrivaðar um listina hjá Ingálvi. Sangupptøkurnar hevur tað verið torførari at fáa fatur á. Av og á er sangrøddin at hoyra í Útvarpinum, meðan tað í mong ár ikki hevur bor­ ið til at keypa plátur og bond, har Ingálvur er at hoyra. Nú Ingálvur var farin, segði Alexander Samuelsen, sum hevur havt nógv við Ingálv av Reyni og familju hansara at gera, í Útvarpinum, at tað nú verður farið undir at fyrireika fløgu, har Ingálvur syngur. Tað verður vónað, at fløgan fer at verða givin út næsta ár. Stóri salurin í Ebenezer, sum er 40 ára gamalt, verður í løtuni endurnýggjaður. Tí var jarðarferðin úr niðara sali­num. Hann var stúgvandi fullur, og stólar vóru settir ymsa staðni í húsinum, og onkra staðni bar til at síggja tað á stórskíggja, sum gekk fyri seg í salinum. Versonur Ingálv av Reyni, Ólavur Jøkladal, legði fyri. Bróð­ur­son­ur­in, Ei­vind av Reyni hevði grav­­tal­­una í sal­i­­n­um, og á grøv­­ini segði bróð­­ur­­son­­urin, Jóan av Reyni, nøkur orð. Abba­son­ urin, Bjarni Jøkladal, sang í salinum sang, sum Ingálvur umsetti, og dupult­kvartettin sang saman við Kára av Reyni. Eftir jarðarferðina vóru øll boðin til borðhald í Pálsstovu. Í skarðanum, sum fylgdi Ing­álvi av Reyni til gravar, vóru umboð fyri politiska myndugleikan, umboð fyri mentunarlívið, umframt familjuna, sjálvsagt, og so vóru nógv havnarfólk og før­ oyingar at síggja, sum vóru komin at vísa Ingálvi sein­ asta heiðurin, tí tey kendu hann sum vinmann. Tað gjørdu vit jú øll! Stór mannfjøld fylgdi Ingálvi Fullsett varð í Ebenezer, tá Ingálvur fór til jarðar Versonur Ingálv av Reyni, Ólavur Jøkladal legði fyri