mánadagur 5. desember 2005síða 17

Nr. 233 - 6. desember 2005 17 Tað má sigast at vera tveir slóðbrótarar inn­an føroyska list og mentan, fólk høvdu høvi at hitta í Leikalund fríggjadagin, tá Zacharias Heinesen lat upp framsýning við nýggjum máln­ ingum og Ólavur Ras­mussen signeraði bókina Antin ella Mentan Anna V. Ellingsgaard anna@sosialurin.fo Tað var týðiligt, at fólk vóru spent, nú listamaðurin Zacharias Heinesen lat upp framsýning í Leikalund í Klaksvík fríggjadagin. Bæði tí tað efturhondini eru rætti­ liga nógv ár síðani, verk eftir Zacharis hava verið sýnd fram í Klaksvík, og tí hendan framsýningin vísir nakað av tí allarnýggjasta hjá viðurkenda listamanninum. Ikki minni spennandi var tað at hoyra Ólavur Ras­mus­ sen, prest, greiða frá arbeið­ inum við fyrstu før­oysku bókini um heimspekingin Søren Kirkegaard. Slóðbrótarar Zacharias Heinesen hevur altíð verið ein slóðbrótari inn­ an føroyska myndlist. Hann hevur til dømis ongantíð rættiliga verið ein partur av tí sokallaða “myrka rákinum”, men hevur hildið seg til tað ljósa – nakað, ið framvegis eyðkennir hannsara nýtslu og val av litbrigdum. Darr­ andi lívið í viðkvæma ljós­ inum geva málningunum ein impressionistiskan dám, vit ikki síggja so ofta í før­ oyskari myndlist. Slóðbrótandi má tað eis­ ini sigast at vera, at Ólavur Rasmussen, prestur, nú hev­­ur givið út bók um Sør­ en Kierkegaard. Hetta er nevniliga fyrsta føroyska út­­gávan um kenda danska heimspekingin. Eisini man hetta vera fyrstu ferð yvir­høvur, at Kierkegaard verður settur í eitt føroyskt høpi, har hansara ávirkan á Victor Danielsen og før­ oyskt trúarlív verður lýst við stórum innliti. Sjálvur heldur Ólavur, at Antin ella er eitt gott stað at byrja at lesa Kierkegaard, tí bókin ikki krevur, at lesarin hevur nakran kunnleika til hansara heimspeki frammanundan. Og livandi frásøgnin hjá Ólavi um arbeiði við bókini mundi hava gjørt fólk for­ vitin, tí heilt nógv nýttu høvið at keypa eitt eintak, sum tey eisini fingu signerað hesa løtuna. Framsýningin hjá Zacharias Heinesen verður at síggja í Leikalund allan desember mánað. Nú verk eftir Zacharias Heinesen aftur er at síggja í Klaksvík, vóru tey fleiri, ið nýttu møguleikan at fáa orðið á væl umtókta listamannin Nøvini á teimum 12 høvundunum, sum eru í upp­ skoti til at fáa Bók­ mentavirðisløn Norð­urlandaráðsins 2006 eru nú almanna­ kunngjørd. Ongin føroyingur er ímillum uppskotini Bókmentavirðisløn Anna V. Ellingsgaard anna@sosialurin.fo Hóast freistin at stilla verk inn til Bókmentavirðisløn Norðurlandaráðsins ikki var úti fyrr enn 1. desember, valdi nevndin, ið velur út, ikki at innstilla nakra av bókunum, sum eru komnar higartil í ár. Hartil hevur føroyska nevndin møguleika at taka verk við, sum eru útkomin innan seinastu fýra árini, men heldur ikki millum hesi hevur nevndin funnið nakra bók, sum hon metir verða eitt hóskandi boð – um vit síggja burtur frá yrkingasavninum Eygnamørk hjá Tóroddi Poulsen, sum varð innstillað til virðislønina síðsta ár. Í viðmerking til Útvarp Føroya leygardagin staðfesti Turið Sigurðardóttir, limur í úrvalsnevndini, bert, at tað var ein avgerð hjá nevndini ikki at innstilla nakað før­ oyskt verk í ár. 12 verk Bæði Grønland og Sáma­ land hava í ár innstillað hvør sín høvund til Bók­ menta­­virðisløn Norðurlanda­ ráðsins, meðan hini londini, Danmark, Noreg, Finland, Ísland og Svøríki øll hava tvey uppskot hvør. Uppskotini eru: Ísland: Auður Jónsdóttir, Fólkið í kjallaranum / Kristin M. Baldursdóttir, Karitas án titils Danmark: Claus Beck Niel­sen, Selvmordsaktionen / Thomas Boberg, Livsstil Noreg: Edvard Hoen, Mors og fars historie / Øivind Hånes, Pirolene i Benidorm Svøríki: Lotta Lotass, Skymning / Göran Sonnevi, Oceanen Finland: Asko Sahlberg, Tammilehto / Fredrik Lang, Mit liv som Pythagoras Sámaland: Jovnna A Vest, Arbbolaccat Grønland: Julie E Hard­ enberg, Den stille mang­ foldighed. Vinnarin av Norðurlanda Bókmentavirðislønini verður kunngjørdur í Oslo 24. februar. Virðislønin á 350.000 kr verður handað Í Keypmannahavn síðst í oktober næsta ár. ave Bókmentavirðisløn Norðurlandaráðsins: Ongin føroyingur við Slóðbrótarar í Leikalund Zacharias Heinesen: “Eftir æl, við Gjógv” Nógv nýttu høvið at fáa bókina Antin ella signeraða, nú høvundurin Ólavur Rasmussen eisini var til staðar í Leikalund í Klaksvík