mánadagur 5. desember 2005síða 24

24 Nr. 233 - 5. desember 2005 Stjørnan-Søljan 29-22 (14-7): Alt avgjørt fyri steðgin Stjørnan gjørdi skjótt av, tá Søljan vitjaði sunnudagin Sunset-kappingin Jákup Mørk Eftir bara fyrsta kort­er­ in­­um stóð longu 9-3 á mál­talvuni, og tá mundi tað standa teimum flestu greitt, hvønn vegin tað bar. Ikki tí, Stjørnan var stór­ favorittur undan dystinum, og tær lótu heldur ikki nakran iva vera um hetta, tá dysturin varð blástur ígongd. Tær løgdu alt fyri eitt sjógv ímillum liðini, og eftir steðgin tóktist talan veruliga verða um stórsigur. Eitt skifti vóru 12 mál á muni, men seinastu løt­ una roteraði heimaliðið tó hampuliga nógv við spælarunum, og so slapp Søljan at pynta um. Nerta oddasessin hjá Stjørnuni kundu tær tó ikki. Har halda klaksvíkskvinn urnar enn fast um góðu støðuna. Stóra styrkisroyndin í so máta verður, tá tær um eina viku skulu á vitjan hjá Neistanum. Tað líkist í verandi støðu einum dysti, sum meira ella minn i avgerð, hvat av lið­ un­um skal vera best fyri, tá farið verður undir FM- endaspælið. Fakta um dystin Stjørnan-Søljan 29-22 (14-7) Málskjúttar Stjørnan: Alina Olaru 8(1), Bára S. Klakstein 5, Una Olsen 5, Katarina Stepanov 4(1), Ann a Krist­ ina Samson 3, Louisa Andre­asen 3, Maria við Neyst 1 Søljan: Heidi Maria Aks­elsen 10(1), Fía Selma Nielsen 3, Hertha Simonsen 2(1), Arnleyg Haraldsen 2, Louisa Niclasen 2, Irdi Mikkelsen 1, Ingibjørg Samuelsen (1), Petra Thomassen 1(1) Brotskøst: Stjørnan 3, Søljan 7 Útvísingar: Stjørnan 3. Søljan 4 Dómarar: Dánjal Samu­ elsen & Heri Petersen Eftir fyrsta tap­ið í hesum kapp ingarárinum hevur Chelsea aftur vent skútuni á rætta kós. Spurningurin er, um nakar kann bjóða teimum av, ella um dreingirnir hjá Mourinho aftur í ár fara at vísa mótstøðuliðunum, hvar skápið skal standa. Størsti avbjóðarin í løtuni man vera Manchester United Fótbóltur Stefan í Skorini Líkt er til at mynstrið frá í fjør er við at endurtaka seg. Chelsea fer skúmandi frá øll­um hinum liðunum, og eingin hevur styrkina til at taka dystin upp við London felagið. Ein lítil vón birtist tó hjá avbjóðarunum, tá Man­­chester United megnaði at basa teimum bláu fyri nøkrum vikum síðani. Hetta úrslitið var við til at seta eitt sindur av spenn ingi í aftur ta samlaðu kappingina. Hóast tapið fyri United var ein smeitur fyri Chelsea, hevur tað ikki lagt grús í væl smurda maskinaríið á Stamford Bridge. Chelsea hevur nevniliga vunn ið all­ar tríggjar dystirnar síð­ ani, og ilt er at fáa eyga á veikleikarnar hjá liðnum. Hini oddaliðini hava øll meira ella minn i eyðsýndar veikleikar á ávísum plássum, og tað sæst eisini aftur á úr­slitunum. Chelsea hevur aftur í ár bestu verjuna í landinum, og málini tróta heldur ikki, tí Chelsea hevur skorað tíggju mál fleiri enn tað liðið, ið hevur skotið næstflest mál, sum er Manchester United. Harumframt eru flestu avrikini hjá Chelsea rættiliga sann førandi, og sjálvsálitið lýsir av leikarunum. United nærmasti avbjóðari Í løtuni man Manchester Uni­ ted vera besta boð uppá ein avbjóðara til Chelsea. Sigurin á oddaliðnum fyri nøkrum vikum síðani gav monn unum hjá Ferguson eina trúgv uppá, at tað ber til at koppa Chelsea av ovastu rók. United hevur vunn ið fýra dystir á rað, og er tíggju stig aftanfyri Chelsea. United hevur tó ein dyst til góðar, og tí kann munurin skerast niður til bert sjey stig. Heili seks umfør eru á skránn i í Premier League í desember, og tá hesin mánaðurin er liðin, kunn u vit óivað fáa eina greiðari mynd av, um nakar kann bjóða Chelsea av í stríðnum um meistaraheitið, ella um Abramovic endaliga hevur sett seg á ensku trónuna. Tað er umráðandi hjá United, at tær stóru stjørnurnar á liðnum so sum Rooney, van Nistelrooy og Ferdinand kunn u spæla upp til sítt besta og bera liðið fram á mál. Liverpool á aldukambi Liverpool hevur nú vunn ið seks landskappingardystir á rað, og einki mál er kom­ið ígjøgnum hesar 540 min­ uttirnar. Liverpool er tí beint í hølunum á Manchester United. Spurningurin er tó, um Liverpool hevur tær dygdir í krevjast av einum avbjóðara til ræðið hjá Chelsea. Hóp­ ur­in er møguliga ikki nóg breiður, og enn hevur eing­ in málrevur givið seg til kenn ar á Anfield, hóast Peter Crouch fekk tvey mál hetta vikuskiftið. Venjarin Rafael Benitez hevur í longri tíð leitað eftir einum miðverjuleikara, ið skal loysa Sami Hyypia av. Fyrrverandi liðformaðurin hjá Liverpool hevur sæð betri dagar, og tíðin er kom­ in at finn a ein nýggjan verju­leikara, ið skal spæla saman við Jamie Carragher í miðverjuni. Arsenal fekk skot fyri bógvin Arsenal, ið seinast gjørdist meistari í 2004, tapti um viku­skiftið á útivølli fyri Bolton, og tað var ein dyggur smeitur fyri Arsene Wenger. Tapið hevur við sær, at Arsenal er dottið heilt niður á fimta pláss aft­ anfyri arvafíggindarnar úr Tottenham. Wenger hevði sjálvandi vónað, at Arsenal fór at nærkast Chelsea, heldur enn munurin skuldi økjast enn meira. Serliga nú tá Thierry Henry var vorðin klárur eftir skaða, kundi ein trúð, at Arsenal fór at taka dystin upp í oddinum, men nú eru longu fjúrtan stig upp til oddaliðið. Hóast Arsenal hevur ein dyst til góðar, kunn u vit ikki vænta, at Arsenal kann gera nakað við oddaliðið í hesum kappingarárinum. Missurin eftir Patrick Vieira hevur verið stórur, og venjarin hevur havt torført við at fylla tómrúmið eftir franska miðvallaran, ið rýmdi til Juventus. Chelsea á toppinum Tað stutta av tí langa er, at Chelsea hevur víst eins ræðandi styrki, og teir gjørdu síðsta kappingarár, tá teir settu fleiri met í Premier League. Serliga Frank Lampard, ið stend­ ur við stýrisvølin á mið­vøll­ inum, hevur víst av­rik í heimsflokki hetta kapp­ing­ arárið. Hann er eisini topp­ skjútti í Premier League við ellivu málum saman við Ruud van Nistelrooy, og tað er sera sjáldsamt fyri ein miðvallarleikara. Sostatt bendir einki í løtuni á, at nakað av hin­ um liðunum (kanska ser­ liga Manchester United) kunn u órógva Chelsea, ið stevnir beint ímóti øðrum meistaraheitinum á rað. Fyri spenn ingin kunn u vit tó vóna, at onkur fer at geva Chelsea harðari kapping enn síðsta kappingarár. Úrslit, Premier League Leygardagin Liverpool-Wigan 3-0 Blackburn- Everton 0-2 Bolton- Arsenal 2-0 Chelsea-Middlesbrough 1-0 Newcastle-Aston Villa 1-1 Tottenham-Sunderland 3-2 WBA-Fulham 0-0 Manchester Utd-Portsmouth 3-0 Sunnudagin Charlton- Manchester City 2-5 Hvør kann bjóða Chelsea av? Mark Schwartzer megnar ikki at halda bóltinum uttan fyri málstrikuni, og so kunnu John Terry og hinir hjá Chelsea fegnast um enn ein sigur Mynd: Reuters