mánadagur 5. desember 2005síða 23

Nr. 233 - 5. desember 2005 23 Tjaldur-VB 29-35 (7-19): Málveitsla í Runavík VB avgjørdi alt fyri steðgin, tá tær saman við Tjaldri hildu sanna málveitslu í Runavík Sunset-kappingin Jákup Mørk VB syrgdi fyri, at talan varð um fulla úrtøku hetta vikuskiftið, tá tað eisini eydnaðist at fáa øll stigini við sær úr Runavík sunnudagin. Einki er at taka seg aftur í, at talan á pappírinum mest sum var um av­greiðsluspurning, og ser­liga fyri steðgin var hetta eisini sjónligt. VB sat á mest sum øllum, og fáu áskoðararnir í høllini mundu einamest hugsa um, hvussu stórur sigurin skuldi verða. Eftir steðgin gekk tó ikki heilt so væl. Sigurin var longu púrasta vísur, og tí kundu meistararnir eisini taka sær meira av løttum. Tjaldur slapp eis­ini somikið væl við í dystin, at tær fingu minkað nakað um munin. Men framvegis var tað VB, sum hevði væl fleiri mál á talvuni, tá dómararnir høvdu bríkslað fyri seinastu ferð, og so eru tær aftur av álvara heilt nær oddaliðunum báðum. Dysturin í tølum Tjaldur-VB 29-35 (7-19) Málskjúttar Tjaldur: Maya Hecimovic 11(2), Beinta Joensen 10, Elinbjørg Hammer 3, Mona Langgaard 3, Jasmon Devovic 2 VB: Daiva Toumaite 15(1), Christina Holm 8, Svava Vestergaard 6, Laila Jespersen 3, Asta Armonaviciute 1, Margreth Augustinussen 1, Miriam Michelsen 1 Brotskøst: Tjaldur 2, VB 1 Útvísingar: Tjaldur 3, VB 1 Dómarar: Kartin Joensen & Kristian Joensen Hoyvíkingar megn­aðu at halda dampinum allan dystin, og fingu soleiðis tvey sera týðandi stig í stríðn­um um at gerast numm­ar tvey í grund­spælinum Atlantic Airways- kappingin Jákup Mørk Eftir at teir seinasta um­far bast Kyndli, skuldu vestmenningar sunnudagin av álvara skræða seg leysar í stríðnum um næst ovasta plássið í grundspælinum hjá monnum. Tað stóð tó greitt, at talan skudli verða um trupla upp­ gávu. H71 hevur alt árið verið væl fyri, og tó at teir eitt skifti tóktist missa stevið, so fótaðu teir sær við sigrinum á StÍF fyri tveimum vikum síðani. Tróndur og Piti Og tað eydnaðist eisini hesa ferð hjá H71 at taka bæði stigini. Talan var frá byrjan um eina rættiliga ferðmikal upp­ gerð, har kropsligi parturin av spælinum fekk stóra rúmd. Helst eisini tí báðum liðunum dámar væl at halda verjuna flata. Fyri steðgin var tó leingi líkt til, at VÍF hevðu munin. Teir sluppu kanska ikki heilt frá hoyvíkingunum, men teir tóktust tó hava størri yvirskotið í spælinum. Móti endanum av fyrra hálvleiki fingu gestirnir eisini togað seg tvey mál framum, men teir megnaðu tó ikki at halda fast. Eftir steðgin var gongdin fyri tað nógva tann sama. VÍF var kanska betra liðið, men við stórspæli frá Tróndi Vatnhamar og Piti Negru megnaðu hoyvíkingarnir tó at hanga í. Somikið væl, at teir eisini megnaðu at seta trumf á, tá hálvleikurin var hálvrunnin. Fýra ferð á rað sat bólturin í VÍF-meskunum og tann munin megnaði VÍF ongantíð at taka aftur. Heldur ikki, hóast eftir eitt time- out rættiliga fingu skil upp á verjuna. Munurin upp til hovyíkingarnar var í størra lagi, og móti endanum varð hetta eisini satðfest. Kunnu røkka oddinum Við sigrinum staðfestu hoy­vík­ ingarnir, at tað nú eru teir, sum skulu roknast sum fremstu kappingarneytarnir hjá Kyndli. Og tað er ikki óhugsandi, at teir vinna seg ájavnt teimum grønu, áðrenn grundspælið er av. Fyrst og fremst, so krevur tað tó, at talan verður um sigur, tá H71 spælir móti KÍF næsta vikuskifti. Hjá VÍF var talan um lít­ ið afturstig, nú teir annars veruliga tóktust hava fótað sær. Men samstundis leggur tapið eisini stórt trýst á meist­ararnar undan seinasta dystinum í grundspælinum. Munurin upp til Kyndil er nú fimm stig, og hóast hann minkar, tá farast skal undir endaspælið, so eru ikki ráð at geva stórt meira enn tað sama burtur. Úr 7-8 broyttist støðan til 7-26, tá Kyndil smokkaði fullkomuliga saman í grannauppgerðini Sunset-kappingin Jákup Mørk Tey flestu høvdu roknað við einum spennandi dysti, tá kvinnuliðini hjá Kyndli og Neistanum hittust sunnu­ dagin. Kyndil hevur staðið seg rættiliga væl higartil í ár, og tó at tær vóru skerdar, nú Lina Andriulyta var sjúk, so tóktust tær at hava eitt sera gott tak á grannunum fyrstu løtuna. At Neista-liðið so eisini varð skert longu fyri steðgin, tá fyrst Annika Ljósstein noyddist at gevast við brotn­um fingri, og Mildrið Jacobsen síðani noyddist á sjúkrahúsið við heilaskjálvta gjørdi ikki fortreytirnar hjá teimum grønu verri. Mistu alt á gólvið Men júst um saman mundi fór av álvara at ganga skeiva vegin hjá Kyndli. Seinastu fimm minuttirnar fyri steðg­ in megnaði Neistin at skræða seg frá Kyndli, og tá Kyndil so eftir steðgin skuldi vinna hetta aftur, gekk heilt galið. Snøgt sagt, so vildi mest sum einki rigga hjá teimum grønu. Neistin fekk alt fyri eitt tvey-tr‡ skjót mál, og so fall alt saman. Í álopspartinum mest sum kappaðust Kyndils-kvinn­ ur­nar um at fremja mistøk, sum náðisleyst vórðu revsað av teimum bláu. Og tá tær so loksins komu til nakrar upplagdar møguleikar, stóð Fríða Petersen sum ein liv­ andi múrur fyri teimum. Úrslitið av øllum hesum varð, at Kyndil ikki kom upp á 8 mál, fyrr enn góðir 19 minuttir vóru farnir av seinna hálvleiki. Bert níggju minuttir fyri steðgin hevði støðan ananrs 7-8, men eftir hesar 28 málleysu minuttirnar, stóð ikki minni enn 7-26 til Neistan, hvørs smíl bara gjørdust størri og størri. Styrkisroynd um 7 dagar Við sigrinum fekk Neistin enn einaferð staðfest, at tær ætla sær at taka upp dystin við Stjørnuna. Og hvørt tær megna hetta, fæst at vita, tá júst Stjørnan kemur á vitjan næsta vikuskifti. Kyndil skal hinvegin taka sær annað skinn um bak, um tær skulu gera sær nakrar skreytir, tá tær væntandi eru partur av FM-endaspælinum í vár. Sjálvandi var saknur í Linu hesaferð, men eitt slíkt samanfall eigur ikki at koma fyri hjá liði, sum tykist hava ætlanir um at amast móti oddinum í ársins útgávu av Sunset-kappingini. H71-VÍF 28-24 (13-13): Ferðin var høg í Hoyvík Talan var um sera tætta og intensa uppgerð í Hoyvíkarhøllini sunnudagin Mynd: Álvur Haraldsen H71-VÍF 28-24 (13-13) Málskjúttar H71: Piti Negru 9. Tróndur Vatnhamar 9(1), Jakob Jónsson 4, Niels Viggo Niclassen 3, Johnny Durhuus 2, Ólavur Brimnes 1 Kyndil: Agnar Joensen 6, Regin Joensen 5, Harald Bjørgvin 3, Áki G. Olsen 3, Jákup S. Andreasen 3(2), Sámal Joensen 2, John Zachariassen 1, Sjúrður Poulsen 1 Brotskøst: H71 1, VÍF 2 Útvísingar: H71 2, VÍF 7 Dómarar: Ragnar Simonsen & Rúni Mohr FAKTA UM DYSTIN Kyndil-Neistin 13-34 (7-11): Kyndil fall saman Fyri tað nógva fekk Neistin sera gott rúm í Kyndils-verjuni Mynd: Álvur Haraldsen Kyndil-Neistin 13-34 (7-11) Málskjúttar Kyndil: Hildur Høghamar 3, Jórun S. Ludvík 2(1), Súsanna Petersen 2, Anja Heinadóttir 2, Ronja M. Mikkelsen 2(2), Linda Weihe 1 Neistin: Unn Kragesteen 7(1), Ása á Neystabø 6(1), Nicoleta Radu Hansen 6, Anna Clementsen 4, Rakul Augustinussen 4(1), Annika Ljósstein 3, Gunnvá Brockie 2, Kára á Dunga 1, Annika Thomsen 1 Brotskøst: Kyndil 3, Neistin 8 Útvísingar: Kyndil 2, Neistin 2 Dómarar: Petur S. Dahl & Hallur Danielsen FAKTA UM DYSTIN