mánadagur 5. desember 2005síða 22

22 Nr. 233 - 5. desember 2005 Kyndil er enn tvey stig undan næstu liðunum, nú bara eitt umfar er eftir av grundspælinum Atlantic Airwyas- kappingin Jákup Mørk Hesum syrgdu teir grønu sjálvir fyri, tá teir sunnudagin spældu næstu grannauppgerðina á árinum móti Neistanum. Og lat tað verða sagt alt fyri eitt, at spenningurin und­ an grannauppgerðini mang­an hevur verið størri, enn hann var tað hesaferð. Meðan Kyndil - sum vant - ger um seg frammi í odd­inum, so hevur Neistin aftur í ár eitt av sínum lakaru kapp­ing­ar­ árum. Fyrstu lítlu løtuna av dystinum vóru teir bláu annars væl við, men eftir einum korterið kom munurin veruliga til sjóndar. Uttan at teir veruliga spílaðu seg út, dróg Kyndil stútt og støðugt frá teimum bláu, sum ikki megnaðu at gera stórvegis mótstøðu í so máta. Eftir steðgin var gongdin tann sama. Kyndil hevði fult tamarhald á tí mesta, sum gekk fyri seg. Kanska eisini tí bláu grannarnir als ikki toktust trúgva uppá, at uppgávan kundi greiðast. Stigatalvan tosar eisini sítt týðiliga mál í so máta. Har er Kyndil ovasta liðið eftir eitt grundspæl, har liðið fyri tað mesta hevur sýnt klassan. Sama klassa hevur Neistin á ongan hátt sýnt. Verður sæð burtur frá fyrsta dystinum móti einum illa uppløgdum StÍF-liði, so hevur liðið eis­ini drigið púrasta svart. Ein støða, sum helst eisini stendur við í endaspælinum, um ikki annað skinn veðrur tikið um bak. Oddadysturin í Klaks­vík endaði við greiðum sigri til útiliðið úr Vest­ manna, sum harvið hevur tikið leiðsluna í fremstu deildini nú fýra umfør eru telvd. Talv Carl Eli Nolsøe Samuelsen Undan dystinum leygardagin í Klaksík vóru havnarmenn og vestmenningar fremstir, meðan klaksvíkingar vóru beint í hølunum, hálvt stig aftanfyri. Klaksvíkingar mangl­aðu eins og vest­menn­ ingar fasta mannin á 2. borði og lagt var tí upp til ein javnan dyst. Ikki gekk so long tíð til vestmenningar høvdu vunnið seg fram á eina 2-0 leiðslu. Samson Højgaard vann á Willa Olsen. Talvið var fløkt og eitt skifti sá tað svart út hjá Samsoni, men hann reið ódnuna av sær og vann loksins. Jákup á Rógvi Andreasen mannaði 4. borð hjá vest­ menningum leygardagin. Hann kom væl frá fyrsta dysti sínum í 1. deild í ár, tá hann vann á Rana Bald­ ursson. Uppgerðin á 3. borði endaði við sigri til heima­ mannin Tummas Martin Sól­sker. Tað var líkt til, at Sjúrður Thorsteinsson var komin fyri seg tá hann í helst javnari støðu leikti óneyvt. Tummas Martin hálaði stig­ ið inn. John Rødgaard vann í eyð­kendum stíli á Ólavi Simonsen. John, sum hevði hvíta fólkið, var ikki bangin fyri at fara í eitt rættiliga javnt endatalv. Spakuliga og effektivt kroysti hann Ólav í eitt horn. Mangan skilir tú ikki hvussu tú hevur tapt slík jøvn talv. Fleiri av okkum hava upplivað júst somu lagnu - tá vit hava telvað ímóti Rødgaard - sum Ólavur leygardagin. Helst liggur svarið í djúpd, fínteknikki og royndunum hjá Rødgaard. 3-1 til vestmenningar. Úr­slitið svíðir ivaleyst hjá klaksvíkingum, tí teir hava neyvan ráð til stórtap. Longu nú hava teir tapt tveir dystir og kravið hjá klaksvíkingum er ikki at tapa fleiri dystir, um teir skulu verða før­oya­ meistarar. Vestmenningar hinvegin halda fram við støðugum góðum úrslitum. Teir hava vunnið tríggjar dystir og leikt ein javnan, móti havn­ armonnum í 3. umfari. Hvalvíkingar úr botninum Heldur óvæntað vóru hval­ vík­ingar aftastir áðrenn fjórða umfar. Men við 3-1 sigrinum móti miðliðnum úr Kollafirði, er vend komin í. Talvini á ovastu tveimum borðunum endaðu við javn­ leiki. Haldur Suni Johansen er komin í gongd eftir tvey tap í fyrstu umførunum. Á seinasta leikdegi leikti hann ein góðan javnleik móti Ólavi Simonsen og leygardagin fekk hann ein kærkomnan javnleik móti Hans Kristiani Simonsen. Finnbjørn Zachariassen og Torbjørn Thomsen leiktu somuleiðis javnt. Finnbjørn er umsíður komin á stigatalvuna. Martin Brekká vann á bróður Torbjørns, Bernhardi Thomsen og Gunnar Joen­ sen vann á Karl Louis Johan­ sen. Ein frálíkur sigur til royndu menninar úr Hvalvík. Við úrslitinum leygardagin hava hvalvíkingar og kollfirðingar eins nógv stig, 6,5. Útsettur dystur Havnarmenn og klaks­vík­ing­ ar (KTF2) hava útsett teirra dyst til komandi vikuskifti. Havnarmenn eru hálvtfjórða stig aftanfyri vestmenningar, men kunnu við stórsigri á veteranunum á KTF2-liðnum taka oddaliðið aftur. Lagt verður til brots aftur eftir nýggjár. Fimta umfar verður telvað 8. januar. FIDE World Cup Upprunaliga ætlaði talv­ samgongan FIDE at finna nýggjan heimsmeistara í HM-kappingini, sum verð­ ur telvað í hesum døgum í Khanty Mansyisk í Russ­landi. Men tað er nú broytt til, at teir fremstu fýra telv­ararnir sleppa at royna seg ímóti teimum fýra fremstu frá herfyri leiktu HM-kappingini í San Luis, Argentina: Veselin Topalov, Peter Svidler, Viswanathan Anand og Alexander Moro­ zevich. Telvað verður eftir Knock- Out skipanini í Masyisk. Tr‡ umfør er telvd og nevnast kann, at hægstseedaði Vassily Ivanchuk tapti 1,5-0,5 í 2. umfari móti sekundantinum hjá heimsmeistaranum Topa­lov, Ivan Cheparinov. Hesin sami Cheparinov mátti út í kviktalvsumdyst móti Magnus Carlsen, tá dystur teirra endaði 1-1. Um­dysturin varð leikur mána­dagin eftir evstamark. Mánadagin verð­ur farið undir áttanda­deils­fin­al­ur­nar. Kyndil-Neistin 31-23 (16-11): Oddaliðið heldur skansanum Karl Oddmar hevur her fatur á fleiri mótstøðumonnum, men samanlagt munaði hetta tó lítið, tá Kyndil vann tryggan sigur á Neistanum Mynd: Álvur Haraldsen Kyndil-Neistin 31-23 (16-11) Málskjúttar Kyndil: Josef Abrahamsen 7(1), Marius Joensen 7, Rókur Akralíð 5, Høgni Klein 5(3), Hans Áki Dal-Christ­ an­sen 3, Janus Einar Sørensen 2, Ken Zachariassen 1(1), Hjalti M. Jacobsen 1 Neistin: Áki Mørk 9(2), Blagoje Buha 6, Tróndur Krage­ steen 4, Dann Thorleifsson 2, Bogi Berg 1, Karl Oddmar Rasmussen 1 Brotskøst: Kyndil 6, Neistin 3 Útvísingar: Kyndil 2, Neistin 4 Dómarar: Petur S. Dahl & Hallur Danielsen FAKTA UM DYSTIN Vestmanna á odda Talvúrslit og -støður 1. deild - 4. umfar Klaksvík 1 - Vestmanna 1-3 Ólavur Simonse - John Rødgaard 0-1 Wille Olsen - Samson Højgaard 0-1 Tummas M. Sólsker - Sjúrður Thorsteinsson 1-0 Rani Baldusson - Jákup á R. Andreasen 0-1 Kollafjørður - Hvalvík 1-3 Hans Kristian Simonsen - Haldur Suni Johansen 0,5-0,5 Torbjørn Thomsen - Finnbjørn Zachrs. 0,5-0,5 Bernhard Thomsen - Martin Brekká 0-1 Karl L. Johansen - Gunnar Joense 0-1 Støðan Vestmanna 10,5 Klaksvík 1 8,0 Havnin 7,5 Hvalvík 6,5 Kollafjørður 6,5 Klaksvík 2 5,0