hósdagur 8. desember 2005síða 29

Partur 6 Inn hjá Leikamafiuni er gott lag. Teir eru so glaðir fyri gáv­urnar, at teir bæði hava gloymt kuldan og svongd­ina. Men hvat skulu teir gera við jóla­mann­in, og hvussu skulu teir bera seg at fyri ikki at verða fang­að­ir av politistinum? Teir vita, at øll bygdin bíðar eft­ ir jólamanninum og um jóla­mað­urin ikki kem­­ur at tendra jóla­ træ­ið til tíð­ina, so fara bygdarfólkini við vissu at leita eftir honum. Stampi og Anthonio hugsa, so tað brakar. Brádliga loypir Stampi upp. - Eg veit, hvat vit skulu gera. Vit lata okk­ um í reyð klæðir, so vit líkjast nøkrum jóla­ monnum. So fara vit oman í bygdina at tendra jólatræið. Eing­in leggur til merkis, at tað eru vit. - Jú, men jú men..., stamar Anthonio. - Eg eri ikki liðugur at tosa enn, sigur Stampi - tí veitst tú, hvat tað besta er? - Nei, hvat er tað Stampi? Í nátt fara vit inn í øll húsini í Hvannadali og í staðin fyri at leggja pakkar undir trøini, so stjala vit pakkarnir sum liggja har. - Tú ert fantastiskur – men hvar fáa vit reyð klæðir frá, og hvussu skulu vit bera okkum at við at fáa skegg? kemur tað spyrjandi frá Anthonio. - Uppi á loftinum liggja nøkur reyð løk, og seyðaull kann brúkast sum skegg, er Stampi skjótur at svara. - Tú ert genialur Stampi!!! Tíðin er knøpp, og tí mugu teir skunda sær. Teir taka tey reyðu løkini undan loftinum og klippa hol í tey. Síðani smoyggja teir løkini yvir seg, so at høvdini stinga burtur úr. Til síðst binda teir seyðaullina um høvdið. - Nú eru vit rættir jólamenn - vit líkjast so nógv ordiligum jólamonnum, at eingin fer at leggja til merkis til tað, sigur ein glaður Stampi. Teir hyggja enn einaferð eftir jólamanninum – jú hann er enn svímaður. Teir fara út, koyra hurðina aftur og so halda teir oman bygdina. Í bygdini er borgarstjórin komin upp á pallin. Borg­ ar­stjórin, sum er ein lítil tjúkk­ur maður, bjóðar øllum borgararanum at vera hjarta­ liga vælkomnir til hesa løtu. - Góðu borgarar, eg vil her við bjóða tykkum at verða vælkomin til hesa hugna­ løtu. Um eina lítla løtu fer okk­ara barnakór at syngja tveir jólasangir, og tá tey eru liðug at syngja, kemur jóla­ maðurin at tendra jólatræið. Eg vil enn einaferð bjóða tykkum at verða vælkomin, og gevi eg orðið víðari til barna­kórið. Og meðan børnini syngja tveir vakrar jólasangir, líður mannfjøldin á – nøkur syngja spakuliga við, meðan onnur bara njóta at hoyra hesar sangirnar. Trølla Pætur og Trølla Omman standa mill­ um øll fólkini. Trølla Omman hevur ikki so gott tol – hon vil síggja jólamannin bein­ an­vegin. Men Trølla Pætur biður hana taka tað róligt, tí nú verður tað ikki leingi, til jólamaðurin fer at koma. Jógvan og Erling ganga millum fólkini og fylgja væl við um nakar ger ónáðir. Jógv­an hevur enn ilt í høvd­ in­um av stoytinum, sum hann fekk, tá Erling misti ham­aran á høvdið á honum, so Erling torir ikki at siga nakað við hann Stampi og Anthonio eru nú komnir heilt om­an í bygdina. Teir snúgva seg millum hús­ ini, og áðrenn nak­ar varnar, so standa teir aftan fyri pallin. Borg­ arstjórin er glað­ur fyri at síggja jóla­mennirnar og heilsar pent upp á teir. - Hvussu ber tað til, at tit eru TVEIR jóla­menn, tað plagar bara at verða ein? Stampi er skjótur at svara aftur, at í ár hava børnini í Hvannadali skikkað sær ser­liga væl, og tí mugu tveir jóla­ menn til at bera allar pakkarnar. Tað eru góð boð hjá borgar­stjóranum at hoyra. Nú er barna­kórið liðugt at syngja. Verið tit klárir og komið upp á á pallin, tá eg biði tykkum koma, sigur ein yvirfegin og stoltur borgarstjóri. Hann fer upp á pall­in og yvir til mikro­fon­ina. - Góðu borgarar í Hvanna­dali og ikki minst góðu børn. Nú hava tit bíð­að nóg leingi, og skal eg ikki gera hesa løtu longri enn neyðugt. Tað er mær ein stór æra at bjóða... ikki bara einum, men tveimum jóla­ monnum, at verða hjarta­­liga vælkomnar til Hvanna­dal. Takið væl í móti jólamonnun­ um. Jólini í Hvannadali Puntur 8 til jólakalendaran