fríggjadagur 9. desember 2005síða 23

Nr. 237 - 9. desember 2005 23 Nr. 237 • fríggjadagur • 9. desember 2005 • 79. árgangur • www.sosialurin.fo Hval­bing­ ur í HB Gisli Sveinbjørnsson, sum annars hevur fingið sína fótbóltsuppaling í Royn, fer komandi kappingarár at royna seg í HB. Hesum váttar spælarin sjálvur, og hann sigur fremstu orsøkina vera, at hann nú flytur til Havnar. Í løtuni er talan um fyri­bils starv, sum eg havi, men frá 1. januar skal eg byrja í føstum starvi í Havn. Og fyri at gera tað eitt sindur lættari við fótbóltinum, so havi eg samstundis gjørt av, at eg nú fari at royna meg hjá einum av høvuðsstaðarfeløgunum. Eisini tí eg haldi tað vera spennandi, at eg nú skal royna at bíta meg fastan á einum liði í bestu deild­ ini. Spurdur, hví valið fall á HB, sigur Gisli, at tað fall honum nóg so náttúrligt. - Eg havi áður havt Krzy­stof sum venjara (Í VB 2001), og tað dámdi mær væl. Eisini kenni eg Mortan og Mil­an hampuliga væl, eins og onkrar aðrar av spælarunum. Umframt at spæla fót­ bólt í Hvalba, hevur Gisli eisini roynt seg í VB. Hann var sum dreingja- og unglingaspælari fast­ ur fúsur á yngru lands­ liðunum hjá FSF, og tí er einki at ivast í, at tað er ein spælari við einum spennandi potentieli, sum HB við hesum hevur fingið í hópin. -mørk Sandoy­ ingur í B36 B36 hevur gjørt avtalu við Símin Joensen, sum í ár gjørdi um seg á liðnum hjá B71. Símun verður lýstur sum ein spælari, sum er væl fyri tekniskt, og sum kann nýtast á flestu framrættaðu pláss­ unum á vøllinum. Í B36 verður roknað við, at tað fyrst og fremst er sum styrkur til miðvøllin, at sandoyingurin verður rokn­aður, og so er spurn­ ingurin, um hann á hend­ an hátt kann vera við til at tippa holið, sum nátt­ úr­liga verður eftir Inga Højsted. -mørk Í lutakastinum til EM undankappingina er meiri hugaligi møguleikin, at Føroyar skulu enda í bólki saman við bæði Onglandi og Italia EM STYRKISMETING Jóannes Hansen Í dag varð lutur kastaður um, hvussu tær 32 tjóðirnar, sum skulu stríðast um heims­ meistaraheitið skulu bólkast í endaspælinum. Hesum lutakastinum stóð altjóða fótbóltssamgongan FIFA sjálvandi fyri. Sam­ stundis sum tey í FIFA hava verið upptikin av hes­ um lutakastinum, so hava tey í europeisku fótbólts­ samgonguni, UEFA, gjørt av, hvussu europeisku tjóð­ ir­nar, skulu flokkast, tá ið lutakastið til næstu EM undankappingina verður í 27. januar. Tann avgerðin varð tikin hósdagin. Marra og ynskisdreymur Harvið ber longu nú til at droyma søtar og marrukendar dreymar um, hvørjum Føroyar skulu spæla ímóti í EM undankappingini, sum verður tann fimta EM undankappingin, sum Føroyar fara at luttaka í. Føroyar hava luttikið í f‡ra HM undankappingum. Søti dreymurin er sjálvandi tann, sum ítróttarliga, fíggj­ ar­liga og umsitingarliga kennist sum tann besti, og marrukendi dreymurin er tann, sum ber mótstøðutjóðir við sær, sum føroyingar ikki kenna nakað serligt til spælararnar hjá, sum ikki bera eykavinning fyri sjónvarpsrættindi við sær, og sum tað fer at kennast tungt hjá FSF, miðlunum og øllum øðrum at samskifta við. Umstøðurnar og við­ur­ skiftini eru tíbetur ikki tey somu, sum tey vóru, tá ið kommunistarnir ráddu fyri borgum, men tað kennist framvegis lítið hugaligt at ferðast eystureftir við fót­ bóltslandsliðnum heldur enn at fara til grannalondini og tey í Vestureuropa yvir­ høvur. Størsti marrukendi dreym­ urin gerst veruleiki, um lut­ ur­in 27. januar í Montreux verður drigin soleiðis, at Føroyar enda í sama und­an­ kappingarbólki sum Kekkia, Rumenia, Ukreina, Bosnia- Hersegovina, Albania og Georgia og kanska Kasakstan sum sjeynda mótstøðuliðið. Aðrar marrukendar mót­støðu­ tjóðir kunnu verða Grikka­ land, Kroatia, Bulgaria, Let­ land, Litava og Armenia ella Moldova. Tá hevði tað verið ólíka lættari og hugaligari, um kúlurnar rullaðu soleiðis úr krukkuni, at Føroyar komu í bólk saman við Onglandi og Italia. Tað ber til, tí meðan Ongland er í styrkisbólki eitt, so er Italia í styrkisbólki tvey, og so hevði tað ikki verið so galið, um Danmark úr styrk­ is­bólki trý eisini kom í bólk saman við Føroyum. Og so hevði tað einki gjørt, um Skotland, Ísland og Kypros gjørdust mótstøðulondini úr ávikavíst bólki fýra, fimm og seks. Og tað hevði ikki gjørt tað verri, um vit so endaði í einum stórum bólki, har Luksemburg varð seinasta liðið. Nógvar tær fyrstu ferð­ir­ nar, tá ið Føroyar vóru við í lutakastunum, stóð so at siga alt fíggarliga upp á spæl. Nøkur lutakast vóru lítið heppin - eitt nú tá ið Rumenia og Russland vóru hægst styrkismettu mótstøðuliðini - men seinni hilnaðist tað betri, tá ið Føroyar vóru í bólki við Spania og seinni Týsklandi og Fraklandi. Nú er sjónvarpssáttmálin, sum FSF hevur við týska felagið SportFive, soleiðis skrúvaður saman, at møgu­ leikin fíggjarligum katastrofu lutakasti ella fyri orduliga at skjóta papageykin er væl minni. Tað kemst av, at tryggjaða grundupphæddin er hægri, enn hon var tey fyrstu árini. Í FSF hildu teir seg fyri trimum árum síðani vera noyddir at fáa størri fíggjarliga trygd inn í sáttmálan við t‡sku fyritøkuna. Men tað sigur seg sjálvt, at tað verður stórur munur í áhuganum fyri at síggja heimadystirnar og harvið í áskoðarainntøkunum, um størstu mótstøðuliðini vera eitt nú Ongland og Italia heldur enn Kekkia og Rumenina. Styrkismetingin Tá ið nýggi landsliðsvenjarin, Jógvan Martin Olsen, saman við øðrum FSF umboðum fara at møta í Montreux, fer spenningurin bæði at snúgva seg um, hvussu mong mótstøðuliðini fara at verða, og hvørjar mótstjøðutjóðirnar fara at vera. Talan verður um sjey und­ an­kappingarbólkar. Átta tjóð­ir skulu luttaka í einum bólki, og í seks bólkum vera sjey tjóðir. Tvey tey fremstu liðini í hvørjum bólki sleppa ígjøgnum nálareygað og í endaspælið, sum verður í Sveis og Eysturríki í juni 2008. Vertstjóðirnar eru sjálvskrivaðir luttakarar. Europeisku fótbólts­tjóð­ ir­nar eru styrkismettar í sjey bólkum. Føroyar eru í niðasta bólkinum saman við Liktinstein, Aserbadjan, Andorra, Malta, Kasakstan, Luksemborg og San Marino. Mest sannlíkt er tað, at Før­ oy­ar ikki fara at spæla móti nakrari av hesum tjóðunum, men í einum bólki fara tvær av hesum tjóðunum at vera. Í ovasta styrkisraðnum eru europameistararnir úr Grikkalandi, Holland, Portugal, Ongland, Kekkia, Frakland og Svøríki. Í næst­ ovasta styrkisraðnum eru Týsk­land, Kroatia, Italia, Turkaland, Pólland, Spania og Rumenia. Danmark er ikki styrk­ is­mett hægri enn í triðja raðn­um. Har eru danir sam­ an við Noregi, Serbia og Montenegro, Russlandi, Bulg­aria, Ukreina og Slo­ vakia. Í fjórða raðnum eru Bosnia-Hersegovina, Írland, Belgia, Letland, Ísrael, Skot­land og Slovenia. Í fimta raðnum eru Ungarn, Finnland, Estland, Wales, Litava, Albania og Ísland, og í sætta raðnum eru Georgia, Makedonia, Hvítarussland, Armenia, Norðurírland, Kypros og Moldova. Kekkia og Grikkaland eru marran Spenningurin um komandi mótstøðuna verður stórur, tá Jógvan Martin Olsen og onnur FSF-umboð tann 27. januar fara til lutakastið til komandi EM-undankappingina