hósdagur 15. desember 2005síða 24

24 Nr. 241 - 15. desember 2005 88 ára gamla Olga Bærentsen úr Havn er ein teirra, sum er flutt inn á nýggja heimið fyri minnisveik í Havn. Hon hevur fingið eitt gott og rúmsátt kamar, sum hon er sera vælnøgd við Minnisveik Snorri Brend Vallalíð: Tað er eitt av teim­ um sera hugnaligu kømr­ unum, vit eru stødd inni í. Alt er gjørt klárt til stóru høgtíðina fyri framman: Í vindeyganum eru ljósini tendrað og runt um í kam­ar­ inum bera mangir lutir prógv um, at vit eru í adventini og at jólini standa fyri framman. Tað angar av hugna inni í hesum kamarinum, sum nú verður tað nýggja heimið hjá Olgu. Hon er eitt av búfólkunum á hesum nýggja heiminum fyri minnisveik. Henda dagin er alt so upp­ stákað allastaðni, tí nú er tann stóri dagurin upprunnin: Í dag er heimið alment tikið í nýtslu. Uttanfyri, í teirri stóru høllini, verða røður hildnar, tónleikurin ljóðar og mat­ ur er settur fram. Men hesa løtuna er Olga farin inn á kamarið fyri at vísa tveimum umboðum fyri tíðindatænastuna, hvussu tað er innrættað. - Jú, hetta er eitt gott kam­ ar, sum eg havi fingið. Her er gott at vera í allar mátar, sigur 88 ára gamla Olga, sum hevur búð heima við hús líka til nú. Henda dagin hevur hon eisini fingið serstaka vitjan, nú dótturin, ommudótturin og langommusonurin eru kom­in at vitja. Brádliga eru fýra ættarlið savnað sam­ an í kamarinum. Tað má av­myndast! Olga setur seg eina løtu við langommusoninum í fang­inum. Tað er týðiligt at henda løtan er henni góð og dýrabar! Nýbrot Tað hevur tikið sína tíð at koma so langt sum at siga, at hetta heimið nú kundi verða tikið í nýtslu. Men fríggjadagin í næst­ sein­astu viku var so dagurin komin, tá tann almenna mót­ tøkan skuldi vera. Nógv varð gjørt burtur úr hesum, og tað merktist í takkartalunum at heimið var komið í tøkum tíma. Tað hevur tikið fimm ár, frá tí at tær fyrstu fyri­reik­ ing­arnar fóru í gongd, til tey fyrstu búfólkini kundu flyta inn. Men fyri tey eldru man hetta við tíðini ikki hava havt tað nógva at siga, tí tær umstøðurnar, tey nú hava fingið, eru framúr góðar. Í talunum var orðið ”ný­brot” ofta tikið fram, og tí hevur ein alla tíðina miðað eftir, at heimið skuldi liva upp til tað, og veruliga gerast eitt heim fyri henda serstaka bólkin av landsmonnum okkara. - Vit vóna tí, at hetta verð­ ur eitt trygt og gott heim fyri búfólkini, samstundis sum tað verður eitt gott arbeiðspláss fyri starvsfólkini, sum tikið varð til í eini av røðunum. Í heiminum búgva 16 fólk, ella rættari 20 skapningar. Tí umframt tey 16 eldru fólkini eru eisini fýra húsdjór flutt inn í heimið. Børn og eldri Fyri tey avvarðandi er tað eisini ein stórur lætti og trygg­leiki at síggja og vita, at teirra nærmastu eru í teim­ um bestu hondunum. Hesi starvsfólkini fara at leggja stóran dent á, at taka útgangsstøði í tí, sum hesi eldru kunnu og duga, og síð­ ani arbeiða út frá tí. Útgerðin og umstøðurnar loyva tí teimum at gera mangt og hvat fyri teim eldru og ikki minst saman við teimum, soleiðis at tey koma at føla seg væl og verða stimbrað so væl sum tilber. Eitt av tiltøkunum á hesi leiðini eru áðurnevndu hús­ djórini, men heimið hevur eisini fingið eitt samstarv við ein av barnagørðunum nærhendis. Og hvat tað sam­ starvið kann føra við sær, og allir hinir møguleikarnir, ið heimið hevur, tað setur bert hugflogið mark fyri. Nýtt heim Fleiri gestir koma inn at vitja í kamarinum hjá Olgu, sum liggur beint út til stóru høllina har móttøkan er. Olga situr enn við lítla lang­ommusoninum í fang­in­ um. Men nógv vilja sleppa at heilsa uppá hana, og tí má hon sleppa hesum lítla barninum eina løtu. Vit takka eisini fyri okk­ um, og ynskja henni alt tað besta. Hon brosar til okkum. Hon er fegin um sítt nýggja heim. Eingin ivi um tað! Her er gott at vera Jólagudstænasta tíðindaskriv Javni bjóðar øllum menn­ ing­artarnaðum og familjum teirra til jólagudstænastu og hugnaliga samveru. Á jólagudstænastunum lu­t­taka menningartarnaði við sangi og upplestri. Jólagudstænasturnar verða á hesum støðum: Eysturoy: Fríggjakvøldið 16. des­ em­­ber kl. 19.00 í Glyvra Kirkju. Eftir gudstænastuna verð­ ur jólahugni við te/kaffi og rísalamande og øðrum. Streymoy: Leygardagin 17. desember kl. 16.00 í Havnar Kirkju. Suðuroy: Mikudagin 21. desember kl. 17.00 í Vágs Kirkju. Eftir gudstænastuna verð­ ur jólahugni við te/kaffi og rísalamande á Hotel Bakk­ anum. Norðoyggjar: Hóskvøldið 22. des­em­ ber kl. 20.00 í Christi­ans­ kirkjuni. Eftir gudstænastuna verð­ ur jólahugni við te/kaffi og rísalamande. Jólagudstænastur fyri menningartarnað Fýra ættarlið savnað saman í kamarinum hjá Olgu: Aftast vm. Gunn Mikkelsen, Elsa Mortensen, og síðani Olga Bærentsen við lítla dronginum, sum verður borin til dópin nú sunnudagin Mynd: Jens Kr. Vang Nógv fólk vóru samankomin til móttøkuna næstseinasta fríggjadag í heiminum fyri minnisveik í Vallalíð Mynd: Jens Kr. Vang