fríggjadagur 16. desember 2005síða 37

Jólini í Hvannadali Partur 12 Politistarnir fara út av politi­støðini. Teir ganga gjøgnum bygdina, men beint tá teir skulu fara nið­an gjøgnum bøin, dett­ur Erling um okk­urt. - Dugir tú ikki at ganga Er­ling, físir Jógvan eftir hon­um. - Men eg datt um okk­ urt, sum ikki eigur at liggja her, sigur Erling og tekur tað upp, sum hann er dottin um. Hann bustar kavan av tí..... - Hetta er ein jólagáva, sigur hann. - Tað var undarligt, sigur Jógvan, meðan hann tekur pakkan frá Er­lingi. - Munnu tjóvarnir hava mist hana, tá teir flýggj­ aðu í nátt? Teir ganga víðari nið­ an, men teir hava ikki gingið meira enn nakrar metrar, nú er tað Jógvan sum dettur. Hann dettur so harðliga, at høvd­ið fer langt niður í kav­an. Brillurnar fyllast við kava, og Erling má halda sær fyri ikki at flenna eftir honum. - Aftur ein gáva Erling, tað er undarligt. Teir ganga varisliga víðari, og nærri teir koma húsinum hjá trøllinum, fleiri gávur finna teir. Tá teir standa uttanfyri, eru teir ikki í iva um, at tað eru trøllini, sum hava stolið allar gávurnar. Teir banka uppá. - Lat upp, hetta er løg­regl­ an, rópar Jógvan við harðari rødd. Trølla Omman fer yvir at hurðini og læsir upp. - Góðan morgun Jógvan og Erling – komið innar og fáið tykkum kleynur og kaffi. - Hey Jógvan og Erling, ja kom inn og setið tykkum, sigur ein glaður Trølla Pæt­ ur. - Kleynur og kaffi kunnu tit sjálvi eiga. Tit eru hervið handtikin fyri at hava stol­ið allar jólagávurnar í Hvanna­ dali. - Hvat er hetta tú sigur Jógvan, vit hava ikki stolið nak­að, sigur ein forskrekt Trølla Omma. Trølla Pætur hevur lagt bókina frá sær. Her er okkurt galið – hvørki eg ella omma hava stolið nakað. Tit mugu trúgva okkum. Erling tekur í Trølla Pætur. Kunnu tit so siga okkum, hvussu tað ber til at gávur liggja allan vegin frá bygdini av niðan til tykkara hús - og hvussu ber tað til, at gávurnar eru stolnar undan hvørjum jólatræ í Hvannadali í nátt, men ikki hjá tykkum. Nei nei, sigur Jógvan: - Her er einki at ivast í, tað eru tit, sum eru tjóvarnir. Komið tit avstað við okkum – tit skulu í geglið. Trølla Omman fær ikki meira enn sløkt fyri kom­ fýrinum, so tekur Jógvan í hana og koyrir hana framman fyri sær út um. Erling hevur tikið í Trølla Pætur, og soleiðis fara tey oman gjøgnum bøin, gjøgnum bygdina og inn á politistøðina. Tá tey eru komin inn, verða trøllini koyrd í geglið. - Nú kunnu tit verða her, til tit siga okkum, hvar tit hava goymt gáv­ ur­nar. - Jú men vit hava ikki stolið nakrar gávur. Vit vita ikki, hvat tit tosa um. - Um tit ikki siga okkum, hvar gávurnar eru, so fara tit at sita í geglinum á jólum, á nýggjárinum og langt inn í komandi ár, sigur Jógvan meðan hann fer at ganga oman gjøgnum trappurnar. Hann vendir sær við. - Erling, halt tú vakt her, meðan eg fari at skriva eina frágreiðing. Og ansa væl eftir hasum jassunum. Erling setur seg á ein stól, og trøllini seta seg niður á gólvið inni í gegli­ num. Puntur 18 til jólakalendaran Puntur 17 til jólakalendaran Puntur 16 til jólakalendaran