mikudagur 21. desember 2005síða 5

Nr. 245 - 21. desember 2005  Christian Fróði við yrkingum Eftir at hava skrivað hópatals yrkingar í føroysku bløðunum roynir Christian Fróði Djurhuus seg nú við egnari útgávu YRKINGARSAVN Betwixed eitur yrkingar­ savnið, sum Christian Fróði Ólason Djurhuus nú hevur givið út. Yrkingarnar í savninum eru einar fjør­ uti í tali, og eru hesar ein blanding av reinum sál­ar­ ligum upplivingum og so nakrar romatiskar yrkingar, sum hann flest allar hevur skrivað á ungum árum. Um savnið kann sigast, talan sum so ikki er um nakr­ an málrættaðan boðskap, men at tað heldur ber brá av blandaðum kenslum. Heitið ”Betwixed” sam­ svarar við yrkingarsavnið. Og tað setur síni spor í sandin, har slóðað verður inn á ungdóm og aldurdóm, vár og heyst, summar og vetur. Kápan er svørt og hvít, við mynd, ið Karin Maria Djurhuus, systir Christian Fróða, hevur málað. Yrkingarsavnið er út­givið við egnum forlag, og fæst í bókabúðunum. ”Betwixed” er 32 blaðsíður til støddar og kostar 70 krónur. Yvirskotið av ”Bet­wixed” fer óskert til felagið ”Sinnisbata” Áðrenn tingið fór til hús reistist tingfólkið og sang Gleðilig Jól,. Hetta var ein vakur háttur at enda ein dag, har kjakið um fíggjarlóg og kanska mest um fíggjarligt óskil á Læraraskúlanum hevði verið hart. Tað ljóðaði fagurt, og flest øll dugdu øll orðini. Tað bar til hjá bæði samgongu og andstøðu at syngja sama lag ‒ í øllum førum hesa løtuna Fíggjarlógin er samtykt, og tinglimirnir eru farnir til hús at pynta jólatrø, pakka gávur inn og annars at fyri­ reika seg til jóla. Tingfundur verður aftur 31. januar, so talan verður um ein langa og góða jóla­ frítíð. nud Tingfólkið sang jólini inn Allar 3 konsertirnar við teim­um 3 havfrúnnum Lenu, Guðrun og Eivør eru útseldar, skrivar heimasíðan hjá Lenu, www.lenamusic. com. Konsertirnar verða í Norðurlandahúsinum 28. og 29. januar. Hesar konsertir eru ein endurtøka av væleydnaðu konsertini við teimum trimum í Keypmannahavn í summar. Tað er blaðið Kvinna, ið skipar fyri kon­ sertunum. Allar 3 song­ kvinnur kundu ivaleyst fylt Norðurlandahúsið, so tað er ivaleyst passandi, at tær fylla húsini 3 ferðir. nud 3 av bestu føroysku songkvinnunum fara á pallin í Norður­landa­ húsinum 3 ferðir Útseldar havfrýr