mikudagur 28. desember 2005síða 21

7 Niels Uni Dam, nielsuni@sosialurin.fo mynd: Símun Jóanesarson Høgni Lisberg er ein tann gávuríkasti føroyski tóna­ smið­urin. Hetta var eyðsýnt á fyrstu fløguni »Most Beau­ ti­ful Things«, ið Høgni gav út fyri nøkrum árum síð­an, og á nýggju fløguni »Mor­ ning Dew« vísir Høgni enn eina­ferð, hvussu gávuríkur hann er. 28. november kom fløg­an út, eg fekk hana um tað mundið, og tað er ikki fyrr enn nú aftan á, at eg havi lurtað 15 ferðir eft­ir fløguni, at eg meti meg kunna ummæla hana. Longu tá eg hevði lurtað eina ferð eftir fløguni, vóru trý løg, ið fangaðu. Vakra »Morning Dew«, »Ráa rokk­lagið »Learn To Ride On Waves« og Oasiskenda tulk­ingin av »All along The Watch­tower« hjá Bob Dylan Nógv mentur Høgni hevur ment seg sum laga­smið, sum sangara og gitt­arleikara síðan fyrru út­gávuna, og hetta kemur til sjóndar í nógvum løgum m.a. í teirri fantastiska vøkru balladuni »Morning Dew«. Lagið er óvanliga vak­ urt og næstan gandakent. Á hes­um lagnum koma gávurnar hjá ljóðblandaranum og sam- fram­leiðslustjóranum Óla Poul­sen serliga til sín rætt. Styrkin og veikleikin hjá Óla Poulsen liggja van­liga eftir mínari meting í tí vakra og poppkenda, og á hesum lagnum gerst vakur­leikin stórsligin á heilt rættan hátt. Hetta er tíanverri eitt av teimum fáu støðunum á fløguni, at nak­að ordiliga gott kemur burt­ur úr hesum samstarvi. Nógv penari Fyrra fløgan hjá Høgna var eitt sindur rá og hvøss í kantunum, upptøkur og ljóð­ bland tyktust so erlig og vøk­ur á ein skitnan hátt. Hetta riggaði væl bæði til tón­leikin og til røddina hjá Høgna. Innanfyri hetta slag­ið av Singer/Songwriter tón­leiki eru so øgiliga nógv, ið bjóða seg fram. Men »The Most Beautiful Things« breyt frá og var eitt sindur serlig. Nýggja fløg­an er tíanverri nógv »pen­ari« framleidd, og hetta ger, at nógv av teim­um annars góðu løgunum detta burtur ímillum. Tey eru ikki ring, men heldur ikki so fangandi. Satt at siga, hevði eg lurtað 10 ferð eftir fløguni uttan at hava nakra meining um nógv av løgunum. Tey gjørdust næst­an av sær sjálvum bak­ grunds­tónleikur. Ikki tí hetta nýtist at vera ringt, men tað er torført at ummæla og løgini hjá Høgna hava uppi­borið okkurt betur. Tí setti eg meg niður og lurt­aði heldur neyvari. Eg hvakk eitt sindur við, tá eg dugdi at syngja við í flest øll­um av teimum løgunum, ið eg annars ikki hevði nakra mein­ing um. Eitt sindur óheppið Eg haldi ljóðblandið í støð­ um vera rættiliga óheppið. Tí fleiri av løgunum eru góð poppkend løg, so sum kov­­boybandittalagið »Just Dig« og fitta lagið »Love Letters« ella góða popp­lag­ ið Desert. Hesi løg vunnu øll nógv við neyvu lurt­ anini. Serliga vakra Love Letters, ið er ein duett við songkvinnuna Janu Hjall­ gríms­dóttir, ið er best kend úr bólkinum Marigold. Rødd­irnar hjá Høgna og Janu rigga væl saman, og duettin klæð­ir fløguni. Men hetta er ljóblandað so fitt og pent, at tað onkursvegna gerst keðiligt. Hetta gerst ser­liga sjónligt í lagnum Star­gazers, ið sjálvt ikki við neyvum gjøgnumlurtanum megn­ar at vinna meg sum áhoyr­ara, tað er stutt sagt ov keðiligt. Á »Viva La Republica« hjá 200 vísti Óli Poulsen heilt óvæntaðar dygdir, tá tað snýr seg um at ljóðblanda ráan og larmandi rokktón­ leik soleiðis, at hann ljóð­ ar sum poppur, og um hann er nóg skitin missur hann ikki sítt rokkvirði. Hesar dygd­ir koma eisini til sjónd­ar á lagnum »Learning To Ride On Waves«. Hetta er nógv tað besta lagið á fløg­uni, og er so skitið og rátt, at sjálvt ikki popp­ fingr­arnar hjá Óla megna at taka hetta frá lagnum. Men tað er samstundis eins og 200 fløgan nóg poppkent til, at breiða fjøldin kann svølgja tað. Ein frægd fyri rokkoyra Eisini tulkingin av »All Along The Watchtower« er frá­lík. Hetta er besta út­gáva, ið eg havi hoyrt av lagnum, og við greiðum ávís­ing til Oasis er Dylan klass­ikarin eitt sonn frægd fyri rokkoyra. Høgni syngur lag­ið, sum um hann átti tað. Eg haldi, at henda djarva tolkingin vísir hvussu dugnaligur 23 ára gamli leirvíkingurin er, ikki bert sum lagasmiður, men eisini sum sangari og tón­leikari. Ein fløga eg eri góður við Heildarupplivingin er merkt av, at trý av løgunum eru heilt fantastisk. Tey eru av sovorðnari dygd, at øll áttu at átt fløguna. Restin av fløguni er í støðum heilt góð, og ongastaðni ring. Hetta er ein fløga, ið nærum øll kunnu lurta eft­ir, og sum eg eri vorðin sera góður við. Tó sakni eg skitna Høgna. Morgundøggin er vøkur Á fløguni Morning Dew hjá Høgna Lisberg eru trý løg, ið øll kundu kappast um at gerast ársins lag í Føroyum, hetta var greitt longu tá, at eg hevði lurtað eftir fløguni eina ferð, men álíkavæl er hetta ivaleyst truplasta fløga at ummæla, ið eg nakrantíð havi ummælt