mikudagur 4. januar 2006síða 22

22 Nr. 3 - 4. januar 2006 Fotbóltssambandið hevur boðað frá, at Magni Mohr nú verður knýttur at landsliðnum sum fysiskur venjari Fótbóltur Jákup Mørk Kanska týdningarmesti per­sónurin handan meist­ ara­heitið hjá B36 verður nú knýttur at fótbólts­lands­ liðnum. Sum fysiskur venjari varð leikluturin hjá Magna ferð eftir ferð sagdur at vera ein hin fremsta orsøkin handan góðu B36-úrslitini í fjør. Ikki minst í UEFA-Cup, har felagið sum fyrsta føroyska felag spældi seg víðari til næsta undanumfar. Nú er so gjørdur sáttmáli, sum komandi tvey árini knýt­ ir 32 ára gamla vágbingin at arbeiðinum kring A-lands­ liðið, har hann kemur at ar­beiða saman við Jógv­an Martini Olsen um krops­ ligu venjingina hjá spæl­ar­ unum. Á heimasíðuni staðfestir FSF, at ábyrgdarøkini hjá Magna vera: at staðfesta kropsliga støðið hjá føroyskum lands­liðs­ leikarum ígjøg­num eitt tvey ára tíðarskeið. at staðfesta kropsliga støð­ ið hjá spælarum í For­ mula­deildini á ym­iskum tíðarbilum ígjøg­num kapp­ingarárini 2006 og 2007. at geva landsliðsvenjaranum neyva vitan um kropsliga støðið hjá einstaka spæl­ aranum, og hvussu henda vitan kann nýtast í tak­ tiskum samanhangi. at menna eina fasta test- og kanningarskipan á før­ oyska A-lands­liðin­um. at gera eina profilskipan av leikarunum. Mugu kenna støðuna Jógvan Martin Olsen, A- landsliðsvenjari, staðfestir, at hann alla tíðina hevur havt eitt ynski um, at Magni verður knýttur at lands­liðs­ arbeiðinum. - Fyrst og fremst, so kunnu vit við hesum gera nakrar staðfestingar av, hvar spælararnir eru stadd­ir fysiskt. Ikki minst er ógvu­ liga stórur munur á hes­um, tá venjingarnar byrja á vári. Jógvan Martin leggur tó stóran dent á, at hetta fyrst og fremst skal nýtast sum eitt arbeiðsamboð, og at talan tí ikki verður um kropsligar servenjingar í lands­liðshøpi. - Ætlanin er, at Magni skal taka nakrar royndir av spælarunum hvør sær. Fyrstu royndirnar verða tiknar á komandi venjingarleguni, og so er ætlanin, at hesar eisini verða gjørdar í mars, juni, august, september, oktober og november. Altso tær ter­minir, har vit møguliga koma at spæla landsdystir. - Ikki minst kann hetta fáa týdning, um vit enda í einum undankappingarbólki við átta liðum. Tað skal sjálvandi ein telving til, men er talan um ein av stóru bólkunum, so er sannlíkt, at vit koma at spæla landsdyst í antin mars ella november. Og tá er umráðandi at vita, hvussu vit á bestan hátt kunnu fyrireika okkum til hetta, sigur Jógvan Martin Olsen. Bjarni og Andy við landsliðnum Bjarni Jørgensen av Skála og Andy Olsen úr NSÍ eru tiknir í landsliðshópin. Hetta eftir avboð frá Christian Restorff Mouritsen og Jón Róa Jacobsen Fótbóltur Jákup Mørk Jógvan Martin Olsen hev­ ur nú boðað frá tveim­um broytingum í lands­liðs­ hóp­inum, sum um góð­an mánað skal á árligu venj­ ingarleguna. Jón Rói Jacobsen er júst byrjaður tilveruna í danska AaB, og tí hev­ur hann fingið frí frá venj­ ingarleguni. Christian Restorff Mouritesen var ein av nýggju monnunum, sum Jógvan Martin ætl­aði at slúsa inn í lands­liðs­ hóp­in, men tað verður so ikki á hesum sinni. Tað hevur nevnliga ikki eydn­ast honum at fáa frí í Onglandi. Ístaðin eru tveir spildur­ nýggir landsliðsleikarar tikn­ir út til hópin. Teir báðir eru Bjarni Jørgensen úr Skála og Andy Olsen úr NSÍ. Endaligi hópurin - sum tó enn kann broyt­ast - sær nú soleiðis út: Jákup Mikk­ elsen, Han­us Thorleifsson, Berg­ur Midjord, Fróði Benja­minsen úr B36, Bárð­ur Johannesen, Janus M. Joensen, Jákup á Borg, Kári Nielsen, Rasmus Nolsøe, Mortan úr Hørg úr HB, Atli Danielsen, Heðin á Lakjuni, Hjalgrím Elttør úr KÍ, Símun Samuelsen úr Keflavík, Hanus Jacob­ sen úr GÍ, Hans Pauli Sam­ uelsen, Bárður Olsen úr EB/Streymi, Pauli Hansen, Jónhard Frederiksberg, Bjarni Jørgensen úr Skála, Høgni Zachariasen úr ÍF, Andy Olsen úr NSÍ, Jann Ingi Petersen úr B68, Christian Høgni Jacobsen úr NSÍ, Óli Johannesen úr TB, Rógvi Jacobsen úr KR, Andrew av Fløtum úr Fremad Amager, Gunnar Nielsen, Jónas Tór Næs úr Frem, Jóhan Troest Da­vidsen úr Everton. Wurz fer til Williams Royndarkoyrarin hjá McLaren-Mercedes hesi sein­astu fimm árini Alex­ ander Wurz fer nú til Willi­ ams liðið. Wurz, ið fyrr hev­ur koyrt fyri Bennetton liðið, verður roknaður sum ein tann besti royndar- og menningarkoyrarin í heim­ inum. Wurz var í farna kapp­ ing­­ar­­ári ein av fríggja­­dags­ koyrarum hjá McLaren. Í hes­um starvi koyrdi hann triðja McLaren bil­in helvt­ ina av fríggjadøgunum áðrenn for­mel 1 koyringar. Hetta gekk sera væl. Hann hevði vanliga skjótastu tíð­ ina fríggjadagar. Í farna kappingarárið gekk so mikið væl hjá McLaren, at liðið ikki slepp­ ur at hava ein triðja bil við fríggjadag undan formel 1 koyringunum. Hetta sleppa fremstu liðini ikki. Hjá Willi­ams gekk munandi verri, tí hevur liðið ein eyka­bil fríggjadagar, og henda bil sleppir Wurz at koyra. Tað er eingin ivi um, at hetta er høvuðsorsøkin til at Wurz fer úr McLaren til Williams. Sjálvur sigur eysturríski koyrarin við f1.com, at hann hevur havt stóra virð­ ing fyri liðstjóranum Frank Williams, síðan fyrstu ferð teir hittust í 1996. Líka síðan tá, hevur Wurz ynsk at sloppið at koyra fyri Williams liðið, og endiliga er tað vorðið veruleiki. - nud Keðiligur klassikari á Highbury Arsenal og Manchester United leiktu í kvøld ein málleysan javnleik í einum heldur keðiligum dysti Málmøguleikarnir vóru fáir, og hvørki av liðunum megnaði veruliga at seta seg á dystin, hóast bæði lið­ini høvdu ein sigur fyri neyðini. Um United ætlar sær at elta Chelsea, kunnu javn­ leikir als ikki nýtast, og tí var hetta úrslitið ikki nøkt­ andi hjá United. Arsenal hinumegin hevur havt eitt sera vánaligt kappingarár higartil, og liðið liggur í løtuni á fimta plássi. Chelsea er nú trettan stig frammanfyri United, og gjógvin økist alsamt. -SíS Enn eru ikki allir smálutir komnir upp á pláss. Men ætlandi verður tað so, at fótbóltslandsliðið í ár heldur árligu venjingarleguna í Orlando, Florida, heldur enn á la Manga Fótbóltur Jákup Mørk La Manga í Spania ella á Cypros. Tað plagar at vera støðin, har landsliðsspælarar í góðveðrinum í februar mán­aði av álvara byrja fyri­ reikingarnar til nýggja lands­ liðsárið. Hendan venjingarlegan hev­ur í nógv ár verið partur av sjónvarpssáttmálanum, sum Fótbóltssambandið hevur havt við týska SportsFive. Í síni tíð sum ein av avgjørdu fortreytunum fyri menning av føroyskum landsliðsfótbólti, men seinnu árini meira at rokna sum týdningarmikil liður í fyrireikingunum til nýtt landsliðsár. Og ikki minst sum ein partur, har ung landsliðsevni hava fing­ið sín møguleika undir um­støðum, sum ikki eru eins kroystar, sum krevjandi undankappingardystir eru tað. Ein nýggj byrjan Ísak Mikladal, aðalskrivari í FSF, váttar, at tað hevur verið arbeitt við málinum. Men hann leggur afturat, at allir smálutir enn ikki eru komnir í rættlag. - Vit ætlaðu annars, at hetta skuldi verða greitt fyri jól, men tað bleiv tað so ikki. Eitt nú er spurningurin um innivist ikki endaliga av­kláraður. Tað skilst tó á øllum brøgd­ um, at talan einamest er um smálutir, sum gjarna skuldu verið greiðir heilt skjótt. Og Jógvan Martin Olsen, landsliðsvenjari, tykist eisini staðfesta, at legan hesa ferð verður í USA. - Fyrst og fremst, so ynskti eg, at vit skiftu umhvørvið til venjingarleguna út. At tað júst gjørdist USA, var kanska meira av tilvild. Tað hóskar seg líka sum væl at nýta hetta sum eitt høvi at markera eina broyting, og tí varð ynskið sett fram, sigur hann. Jógvan Martin leggur aft­urat, at talan sum so ikki er um nakra ónøgd við umstøðurnar á Cypros og á la Manga. Men hann dylir samstundis ikki fyri, at umstøðurnar í Florida tykjast vera í topp. Venjingarlegan hjá lands­ liðnum byrjar hesa ferð 19. februar. Í mun til undanfarnu legurnar verður talan hesa ferð um heldur drúgvari tíð­ar­skeið, og verður tað soleiðis ikki fyrr enn 1. ella 2. mars, at hópurin verður aftur í Føroyum. Tveir dystir skulu ætlandi spælast á ferðini, meðan talan hinar dagarnar verður um venjing. A-landsliðið skal til USA Magni Mohr á A-landsliðið Florida er heldur eksotiska ferðamálið, har føroyska fótbóltslandsliðið í ár skal á venjingarlegu