mánadagur 9. januar 2006síða 39

Nr. 5 - 6. januar 2006 39 Tú hevur hugsanir um, hvussu eldraøkið kann mennast frameftir. Tær dámar avbjóðingar, og tú hevur evnini at leiða og motivera eitt ymisligt lið av leiðarum við ymisligum arbeiðsumstøðum. Ljóðar hetta sum tú? So er eitt spennandi starv sum leiðari fyri eldraøkið leyst at søkja. Økið er í støðugum vøkstri, og tí krevst ein framsíggin persónur við góðum leiðaraevnum, ið setir framburð og trivnað í hásætið. Bygnaður og starv Deildin fyri eldraøkið er skipað undir Heimarøktini og Serforsorgini. Deildin fevnir í høvuðsheitum um heimarøktina og ellis- og røktarheimini. Virksemið er kring alt landið. Deildin umsitur fyri uml. 250 milliónir krónur árliga. Tað eru í løtuni uml. 845 starvsfólk innan økið, harav 455 starvast í Heimarøktini. Leiðarin arbeiðir í tøttum samstarvi við økis og stovnsleiðarar um alt landið. Leiðarin hevur ábyrgd mótvegis stjóranum í Heimarøktini og Serforsorgini. Umframt deildina fyri eldraøkið eru fýra aðrar høvuðsdeildir undir Heimarøktini og Serforsorgini og tí gongur leiðarin inn í eitt kollektiv av leiðarum. Arbeiðsplássið er dynamiskt og umsitur eina sera týðandi samfelagsskipan. Økið hevur stóran almennan áhuga, tí tað fevnir um tænastu til nógv fólk, og tað er ein avbjóðing at liva upp til krøvini við teimum fíggjarligu kørmum, sum politiska skipanin setir. Talan er helst um størsta arbeiðsplássið innan fyri røkt í Føroyum, og tað økist, so hvørt fleiri uppgávur verða fluttar út í primeru tænastuna. Uppgávur og krøv Leiðarin hevur fíggjarligu, fyrisitingarligu og fakligu ábyrgdina á øllum økinum. Uppgávurnar eru sera fjølbroyttar, og eingin dagur er eins. Starvið krevur, at tú hevur viðkomandi útbúgving og hollar leiðslu- og starvsroyndir. Persónliga krevst, at tú hevur breiðan rygg og ert týðiligur. Leiðarin má eisini hava hegni og evni at koma fram til framtíðarloysnir og fremja tær í verki. Tað krevur millum annað, at tú dugir at skapa sambond og varðveita tey. Tú skal vera savnandi og skapandi, tí einki verður framt uttan í samstarvi við onnur. Starvið gevur tær ávirkan, tú kemur í samband við nógv fólk og hevur góðar møguleikar fyri eftirútbúgving. Av tí at ætlanir eru um møguliga at leggja eldraøkið út til kommunurnar at umsita innan eitt ávíst áramál, mást tú tola, at tað kunnu koma broytingar í innihaldinum, ella at starvið verður umskipað til at fevna um aðrar uppgávur innanfyri stovnin. Løn- og setanartreytir Starvið verður lønt eftir sáttmála millum Fíggjarmálráðið og avvarðandi yrkisfelag. Starvið er til flokkingar í løtuni. Setanarøkið fevnir um Heimarøktina og Serforsorgina. Tænastustaðurin í løtuni er Eldraøkið. Um fleiri upplýsingar ynskjast, ber til at ringja til Meginskrivstovuna á telefon 304020 og tosa við Mary J. í Garði, stjóra. Umsókn og freist Umsóknarfreistin er 20. januar 2006 kl. 12.00. Skrivlig umsókn við avriti av prógvum og viðkomandi skjølum skal sendast til: Heimarøktin og Serforsorgin Att: Mary J. í Garði, stjóri Eirargarður 2, 2. hædd Postboks 3037 · FO-110 Tórshavn Heimarøktin og Serforsorgin Meginskrivstovan Leiðari til eldraøkið Til sølu Hvítur Toyota Corolla 1.3i, árg. '98. Sýnaður í juni '05. Fekk ongan kross! Gott anlegg fylgir við. Tlf. 424600 ella 509159 Lýsið við brúktum bilum