mánadagur 9. januar 2006síða 17

Føroyar og Noreg hava nú undirskrivað sínámillum fiski­ veiði­avtalu fyri 2006, og seravtalur um atgongd eru gjørdar um makrel-og svart­kjaftaveiði hjá hvørjum øðrum Fiskivinna Vilmund Jacobsen vilmund@sosialurin.fo Umsíðir spurdist semja burt­ ur úr samráðingunum um sínámillum fiskiveiðiavtalu millum Føroyar og Noreg á fundinum í Keypmannahavn í farnu viku. Hesar samráð­ ingar vóru annað umfar mill­um londini bæði fyri at fáa avtaluna fyri 2006 undir land. Eftir samráðingar í Keyp­ mannahavn í 2-3 dagar, gjørdist úrslitið, at partarnir kundu undirskriva nýggjan fiskiveiðisáttmála millum londini. Føroyar og Noreg hava síðani 1977 havt eina síná­ millum avtalu um fiskiveiði, sum hevur til endamáls at tryggja og menna eitt breitt og fjølbroytt fiskiveiðisamstarv landanna millum. Makrelur Í Fiskimálaráðnum verður sagt, at ein tann størsta broyt­ ingin í avtaluni fyri 2006 er, at gjaldið fyri atgongd hjá føroyingum at fiska sína makrelkvotu í norskum sjógvi ikki longur er ein partur av avtaluni. - Í fleiri ár hava Føroyar verið noyddar at gjalda fyri atgongd at fiska sín part av makreli í norskum sjógvi. Men nú hava londini bæði gjørt eina seravtalu um at­gongd at fiska ávísar partar av sínari strandalandskvotu av makreli hvør hjá øðrum. Fyri at varðveita javnvágina í avtaluni, nú gjaldið fyri atgongd ikki longur er eitt ele­ment í avtaluni, hava Før­ oyar fingið 2.743 tons av makreli aftrat, sum fyrr varð latið Noregi. Fiskimálaráið sigur, at Før­oyar nú kunnu fiska til­ samans 3% av heildar­kvotuni fyri makrel í norskum sjógvi. Í 2006 svarar hetta til 13.260 tons samanborið við tey umleið 8.500 tonsini av makreli, sum vit kundu fiska í norskum sjógvi í 2005. Noreg fær atgongd til at fiska 1,5% av heildarkvotuni í føroyskum øki, og hetta svarar til 6.630 tons í 2006. Svartkjaftur Ósemjan um kravið hjá Noregi at fáa atgongd til at fiska sín part av stranda­ landskvotuni av svartkjafti í føroyskum øki, setti sín dám á samráðingarnar um fiskiveiðiavtaluna hesa­ferð. Hetta var eisini høv­uðs­or­ søkin til, at eingin semja fekst á fundinum í Oslo í desember. - Men eins og við makrel­ in­um, eru Føroyar og Noreg nú eisini samd um eina ser­avtalu um atgongd at fiska svartkjaft hjá hvørj­ um øðrum. Noreg fær høvi at fiska 4% av stranda­ landskvotuni av svartkjafti í føroyskum sjógvi, tó í mesta lagi 60.000 tons, og Føroyar fáa atgongd at fiska 2% av strandalandskvotuni í norskum øki, ella í mesta lagi 30.000 tons. Sum av­ leið­ing av seravtaluni fer svartkjaftakvotan, sum Før­ oyar hava havt í norsk­um sjógvi, úr 16.800 tonsum niður í 2.000 tons, og norska svartkjaftakvotan í før­oysk­ um sjógvi fer úr 36.200 tons­ um niður í 20.800 túsund tons. Botnfiskur Samlaða botnfiskakvotan í norskum sjógvi komandi ár er í høvuðsheitum óbroytt í mun til 2005. - Toskakvotan í Barents­ havinum verður varðveitt á sama støði, hóast heildar­ kvotan er minkað nakað, og kvotan á hýsu fer upp við 270 tonsum, sigur Fiski­ málaráðið. Makrelurin hevur stóran týdning fyri føroysku nótaskipini Mynd: Jens Kr. Vang Noreg fær heldur minni av botnfiski Fiskivinna Vilmund Jacobsen vilmund@sosialurin.fo Í tíðindaskrivinum, sum Fiski­málaráðið hev­ur sent út eftir fiski­veiði­sam­ráð­ ingarnar við Noreg, stendur einki um norsku botn­fiskakvotuna undir Før­oyum, sum felagið Línu­­skip ynskir, har pipar­ ið grør. Av misgávum Andrass Kristiansen, sam­ ráðingarleiðari, ásannar, at hesin parturin av mis­ gáv­um ikki er við í tíð­ indaskrivinum. Hann sigur, at norska botnfiskakvotan undir Før­oyum er minkað eitt lítið vet í mun til kvotuna seinasta ár. Noreg hevði loyvi at fiska tilsamans 5.410 tons í fjør, men í ár er talið 5.267 tons. - Hetta er sostatt ein lítil minking í norsku botn­­fiskakvotuni undir Før­­oy­um, staðfestir sam­ ráð­ingarleiðarin. Longa og brosma Andrass sigur, at tað, sum norðmenn í fyrsta lagi hava loyvi at fiska undir Føroyum, er longa og brosma. - Í fjør kundu norsk skip eisini fiska eina minni nøgd av svartkalva og havtasku, men hesi fiskasløgini eru tikin burt­ ur úr avtaluni í ár, sigur hann. 12 norskir línubátar kunnu fiska á djúpum vatni undir Føroyum í senn, og sambært Fiski­ mála­­ráðnum, eru fýra bátar komnir higar at royna, nú fiskiveiðiavtalan mill­um londini bæði er komin upp á pláss. Trupult í Oslo Samráðingarnar mill­um londini vóru á em­bætis­ mannastigi, har sam­ ráð­ingarfólkini høvdu fingið nakrar heimildir frá myndugleikunum at samráðast út frá. Andrass Kristiansen sigur, at samráðingarnar í Oslo í desember vóru strævnar, men betur gekst, nú partarnir hittust aftur í Keypmannahavn. Nr. 6 - 9. januar 2006 17 Nýggjur fiskiveiðisáttmáli: Beint eftir nýggjár komu hesi bæði norsku línuskipini á Havnina at bíða eftir nýggju fiskiveiðiavtaluni millum Noreg og Føroyar. Í Fiskimálaráðnum siga tey, at fýra norsk línuskip nú eru undir Føroyum. Kvotan hjá teimum er minkað eitt lítið vet í mun til seinasta ár Mynd: Vilmund Jacobsen Seravtalur um atgongd at fiska makrel og svartkjaft