mikudagur 11. januar 2006síða 14

14 Nr. 8 - 11. januar 2006 Prestar hava sama rætt at siga sína meining sum onnur. Hetta staðfestir Hans Jacob Joensen, bispur, sum ikki hevur nakra viðmerking til orðini hjá Ólavi Rasmussen um, at ein uppgerð er neyðug í Fólkakirkjuni FÓLKAKIRKJAN Theodor E. D. Olsen theodor@sosialurin.fo Í blaðnum í gjár var drúgv samrøða við Ólav Ras­ mussen, hvalbiarprest, har hann í rættiliga bersøgnum orðingum segði sína meining um ymisk viðurskifti í før­ oyska samfelagnum. M.a segði hann hetta um Fólka­ kirkjuna: “-Tað var O.K. Olofson, sum byrjaði hetta nýreligi­ øsa rákið í Fólkakirkjuni. Tú sært serliga hetta rák rundan um Miðflokkin og nýggju prestarnar í dag. Hetta rák er við at drena næstrakærleikan úr kristindóminum. Eg eri bangin fyri, at teir sokallaðu modernaðu prestarnir við sínum miðaldarsjónarmiðum fara at oyðileggja og knúsa Fólkakirkjuna og kristin­ dóm­in. Fólkakirkjan má taka uppgerðina við hesi trongd­skygdu sjónarmið, tí tað kann føra til ørskap um vit skulu fortelja hvørjum øðrum, hvør er verdur til at kalla seg kristnan”. Greinin er eftir øllum at døma nógv lisin, tí í morgun lá hon ovast á listanum yvir mest lisnar greinir á Internet- sosialinum, og onkur áheitan er komin til redaktiónina, har spurt verður um, hvørja støðu Hans Jacob Joensen, bispur, hevur til orðini hjá Ólavi Rasmussen. Rúmlig kirkja Bispur hevur tó onga við­ merkingar til samrøðuna við hvalbiarprest, tí sum hann sigur, so hava prestar eins og øll onnur talu- og skrivifrælsi við ábyrgd. Bispur sigur, at hann er eftir­litismyndugleiki í Fólka­kirkjuni í Føroyum. Hetta inniber, at hann skal hava eftirlit við, at prestarnir røkja sítt embæti væl, og teir boða tann kristna boðskapin soleiðis, at hann er í sam­svari við ta luthersku læruna og trúarjáttan Fólkakirkjunnar. Hvat teir annars gera í pri­ vatum ella politiskum virk­ semi, kann bispur illa hava eftirlit, sigur Hans Jacob Joen­sen. Til samanberingar kann nevnast, at stutt fyri jól præ­ dikaðu 200 prest­ar í donsku fólka­kirkj­uni – sum tann før­­oyska kirkj­an er part­ ur av – ímóti flótta­­fólka­ poli­tikkinum hjá donsku stjórn­ini. Hetta valdu teir 10 bisp­arnir í Danmark at lata fara aftur við borðinum. Hinvegin valdi politiski fram­­søgumaðurin hjá stjórn­ar­flokkinum Vinstra, Jens Rohde, at siga sín lima­ skap í kirkjuni upp, men hetta varð ikki væl fagnað á Kristiansborg. M.a. helt kirkjumálaráðharrin, Bertel Haarder, sum eisini er limur í Vinstra og ósamdur við teimum 200 prestunum, at prestar skulu hava loyvi til at siga sína meining, og tí skulu teir ikki fáa munnkurv. Hvalvíkarprestur er rættiliga varin í sínum útsøgnum í Ekstra Bladet, sum hevur tosað við hann í sambandi við lesarabrævið, hann hevði í bløðunum fyri jól SAMKYND Niels Uni Dam nielsuni@sosialurin.fo Undir yvirskriftini »BØSSE­ BALLADE – HOMOFILE VEDERSTYGGE­LIGE: Dansk præst på Færøerne meldt til politiet for hetz« hevur danska Ekstra Bladet eina samrøðu við Mogens Tilsted Christensen í mána­ dagsútgávuni. Eg eri ikki so forferdiligur Í samrøðuni við Ekstra Bladet sigur Mogens Tilsted Christensen, at hann ikki er so forferdiligur, sum onkur heldur, men kennir seg mis­skiltan av teimum, ið meldaðu hann. Men prestur er varin í sínum útsøgnum – kanska tí at revsilógin í Dan­mark er øðrvísi. Í andsøgn við lesarabrævið Í samrøðu við danska blaðið sigur prestur, at hann heldur, at samkynd í veruleikanum kunnu vera lærarar, men at onkur bara hevur misskilt lesarabrævið. Men so lætt sleppur hann ikki, tá blað­ maðurin vísir á, at prestur skrivar, at tað er »en naturlig diskvalifisering« fyri ein lær­ ara at vera samkyndur, og blað­maðurin spyr, um tað kann skiljast á annan hátt? Til hetta sigur hvalvíkarprestur: »...Altså hvis en ansøger til en stilling som pædagog, lærer eller præst enten er homo­fil eller pædofil eller har sådan nogle ting, og der er andre ansøgere, så mener jeg, at vedkommende skal fravælges. Det handler om andre folks børn, og Biblen fortæller at homoseksualitet er en synd.« Prestar og pyromanar Prestur vil vera við, eins og hann hevur ført fram í føroyskum miðlum, at hann ikki hevur samanborið sam­­kynd við pedofil. Men verð­ur spurdur av tíðinda­ manninum um, hvussu hann hevði uppfatað tað, um tíðindamaðurin skrivaði, at tú ikki eigur at lata prestar og pyromanar sleppa inn í hoyggjhús. Hesum svarar Tilsted Christ­ensen, at hann hevði ynskt, at tíðindamaðurin lat vera við at siga tað. Men at hann ikki hevði ætlað at samanborið samkynd við pedo­fil. Prestur vísir á, at hann ikki hevur gjørt mis­ mum á nøkrum, men einans hevur sagt síni sjónarmið um hetta mál. Prestar hava eisini talufrælsi Mogens Tilsted Christensen: Eg havi ikki gjørt mismun Listamaðurin Ole Wich hevur rættiliga sett dagsskránna hesa vikuna við sínum homoFObia- myndum. Hann hevur verið avmyndaður á tvinnum forsíðum og luttikið í einum sjónvarpskjaki. Bill Justinussen heldur tó ikki, at myndirnar hjá Ole Wich kunnu kallast list Listakjak Theodor E. D. Olsen Kjakið um myndirnar hjá Ole Wich er rættiliga kyknað hesa vikuna, og ikki kann sigast annað enn, at myndirnar honum við Merkinum við undirheitinum “homoFObia” hava givið afturljóð. Mánakvøldið høvdu bæði Dimmalætting og Sosialurin gjørt av at seta myndir av Ole Wich og hansara verkum á for­ síðuna, og eisini eru aftur­ svar komin úr tí politska umhvørvinum. Bill Justinussen, løg­tings­ maður fyri Miðflokkin, hevur bæði í lesarabrævi og práti við Sosialin funnist at verkunum hjá Ole Wich, og hann hevur eisini sagt, at sjálvur metir hann ikki, at homoFObia-átakið kann kallast list. Í kjakinum í SvF týskvøldið helt Bill Justinussen fram við at útgreina hesi sjónarmið við m.a. at siga, at sambært honum kundu t.d. málningar hjá Ingálvi av Reyni kallast list, meðan myndirnar Ole Wich ikki kundu kallast list, tí so kundi ein og hvør kalla seg listafólk. Hvør avger, hvat er list? Sosialurin royndi fyrrapartin at fáa eina viðmerking úr tí føroyska listaumhvørvinum til útsagnirnar hjá Bill Just­inus­sen, og hvørjar av­leið­ingar tað kann fáa fyri eitt fólkaræði, um politik­arar skulu allýsa, hvat list er, men hetta eydn­ aðist ikki. Forkvinnan í Listafólkasambandi Før­ oya, LISA, var ikki at hitta, og aðrir limir í nevndini í LISA vildu ikki gera viðmerkingar. Heldur ikki for­maðurin í felagnum Føroysk Myndlistafólk var at hitta, og tað vóru ymiskir listaummælarar heldur ikki. Sosialurin skilir tó, at út­sagnirnar hjá løg­tings­ manninum úr Miðflokkinum hava vakt ans millum føroysk listafólk, og at spurningurin um at politikarar úttala seg um, hvat er list og ikki, verður viðgjørdur í løtuni. Bill staðfesti, hvat er list – og ikki