fríggjadagur 20. januar 2006síða 2

2 Nr. 15 - 20. januar Hoyvíksvegur 59 · Postsmoga 3118 · 110 Tórshavn Tel. 31 45 55 · fax 31 80 26 · hestoy@foroyaprent.fo Føroyaprent fer nú at menna marknaðar- og søluarbeiðið, og søkja vit tí eftir søluleiðara. Tú skalt, saman við tilboðsroknarum og virkissamskipara, styrkja tey trý grundleggjandi virðini hjá okkum, sum eru: rættur prísur, góðska og levering til tíðina. Vit hugsa okkum, at tú: • helst hevur eina viðkomandi útbúgving innan sølu og marknaðarføring • hevur royndir við B2B sølu • hevur lætt við at samskifta við viðskiftafólk og starvsfelagar • dugir at orða teg í talu og á skrift • hevur lætt við at koma í samband við fólk • hevur áræði, ert álítandi, nærlagdur og dugir at arbeiða sjálvstøðugt • at títt fremsta mál er at fáa kundarnar at kenna seg nøgdar Ábyrgdarøki Sum søluleiðari hevur tú ábyrgd av allari sølu og marknaðarføring, tað verður tín uppgáva at styrka sambandið við viðskiftafólk okkara, eins og tú skapar samband við nýggjar kundar. Fram um alt skalt tú virka undir tí grundleggjandi treytini: Eitt orð er eitt orð. Arbeiðsviðurskifti Á Føroyaprent bjóða vit tær eitt mennandi umhvørvi. Tú fært eitt avbjóðandi starv, sum er at menna størsta grafiska virkið í Føroyum. Málið er sjálvandi ein sunnur øktur umsetningur. Tú fert at virka undir stjóranum og í okkara leiðslubólki Løn sambært avtalu. Allar umsóknir verða viðgjørdar í trúnaði. Vilt tú vita meira, so ring til Jon Hestoy, stjóra, á telefon 59 45 55. Umsóknarfreist 22. januar 2006 Skrivlig umsókn við CV verður at senda til: Pf. Føroyaprent att.: Jon Hestoy Postsmoga 3118 - 110 Tórshavn Søluleiðari Formenninir í fýra teimum størstu flokk­­unum fara mána­kvøldið at umrøða møguleikan og útlitini fyri tjóð­ skaparligari semju í stjórnar­skipanini, sum tað nú verður arbeitt við TRAPPUTING Jan Müller Mánakvøldið verður enn eitt trapputing í Miðla­hús­ inum í Vágsbotni. Umboð fyri fýra teir størstu flokk­ ar­nar eru bodnir at skifta orð um møguleikan fyri tjóð­skaparligari semju í stjórnarskipanini, sum tað verður arbeitt við. Formenninir í Sam­ bandsflokkinum, Javn­að­ ar­flokkinum og Tjóð­veld­ isflokkinum hava boðað frá, at teir fara at møta á fundinum. Fólkaflokkurin hevur boðað frá, at teirra umboð verður Poul Michelsen løgtingsmaður, sum umboðar flokkin í stjórnarskipanarnevndini. Umframt politisku um­boðini verður Kári á Rógvi við í orðaskiftinum. Kári er í holtur við Ph. D. lestur við lærda háskúlan í Reykjavík. Hann gransk­ar í grundlógum og stjórn­ arskipanum. Har­afturat undirvísir hann í Reykjavík, á lærda háskúlanum á Ak­ureyri og eisini í skeiðnum í lóg, sum Fróðskaparsetur Føroya bjóðar út. Trapputingið verður í Miðlahúsinum nú mána­ kvøldið. Jóannes Hansen verður orðstýrari. Tá ið teir fýra politikararnir hava havt hvør sítt innlegg á fimm minuttir verður orðaskiftið, har tað verður roknað við, at áhoyrararnir eisini fara at taka lut. Fundurin ætlast at vera liðugur umleið klokkan 21.30. Trapputing um tjóðskaparliga semju Tíðindini um stóru kurs­ broytingarnar á parta­ bræv­inum hjá Atlantic Petroleum (AP) hava av álvara sett ferð á handilin av partabrævinum. Eftirspurningurin er økt­ ur við øgiligari ferð, og so eru marknaðarkreftirnar av álvara traðkaðar til. Er prísurin nóg høgur, vilja fleiri brádliga selja - og við hækkandi útboði fellur prísurin aftur. Tá marknaðurin í Ís­landi læt upp hósdagin, var kursurin á AP-parta­ brævinum oman fyri 800, og fyrra helmingin av degnum helt hann sær eisini á hesum støði. Men stutt eftir døgurða kom av álvara fall í prísin, soleiðis at kursurin við dagslok var komin niður á 639. Hvørt hetta er eitt meira veruligt virði á parta­ brævinum, fara komandi dagarnir helst at geva eina góða ábending um. Sannlíkt er í øllum førum, at kursbroytingarnar verða hampuliga stórar. Hetta vil kanska skapa nakað av varsemi millum teirra, sum handlað á marknaðinum, men samstundis gevur hetta eisini góðan gróðr­ ar­botn fyri skjótum spekulatiónshandlum, og tí kann talan væl gerast um nógvar transaktiónir komandi dagarnar. Hós­ dagin setti handilin við partabrævinum met við 10 mió kr., og hóast kursfallið seinnapartin, er langt ífrá víst, at hetta metið verður standandi serliga leingi. Ikki minst, tí talan - hóast kursfallið - framhaldandi hevur verið um eitt sera gott avkast hjá størsta partinum av íleggjarunum. At hetta er gjørligt, kemst partvíst av, at At­lantic Petroleum er fyrsta oljupartabrævið, sum er skrásett á ICEX. Tí hevur kursdannilsið her ikki sama automatik, sum eitt nú er galdandi á London Stock Exchange, har hópin av oljufeløgum eru noterað. -mørk Stórar kursbroytingar Talvan sýnir kursbroytingar og handlar á Atlantic Petrolium-partabrævinum í dag