mikudagur 1. februar 2006síða 8

– Eg haldi, tað er fyri neyðini, at aðrir ”aktørar” eru komnir inn á føroyska fíggj­ ar­marknaðin. Hetta er ein avgjørd treyt, um føroyskum vinnu­­lívi skal verða lív lagað, nú teir størstu føroysku peningastovnarnir brúka sína tíð upp á at berjast um at fíggja sethúsalán við lágari rentu, sigur Tórbjørn Jacobsen, reiðari, sum harmast um, at Napoleon ikki fær ein møguleika aftrat, nú útlitini hóast alt eru betri Rækjuvinna Vilmund Jacobsen vilmund@sosialurin.fo Rækjuskipið Napoleon, sum løgtingsmaðurin, Tórbjørn Jacobsen er reiðari á, er lýst at fara á tvingsilssølu um nakrar vikur. Tað er Føroya Sparikassi, sum eigur 1. veð­ rætt í skipinum, ið hevur biðið um tvingsilssøluna. Lagdur í september Tórbjørn Jacobsen sigur, at Napoleon bleiv lagdur í september í fjør eftir, at tað bara hevði gingið niður á bakka, og peningur fossaði út úr kassanum, sum hann tekur til. – Rækjuprísirnir høvdu gingið niðureftir í eini fýra ár, og oljuprísirnir vóru uppi ígjøgnum. Hann sigur, at tá ið teir keyptu skipið á heysti 2002, hevði rækjumarknaðurin leingi ligið í andaleypi. – Øll væntaðu, tá ið vit keyptu skipið, at prísirnir høvdu nátt botninum – ella tí avgjørda nullpunktinum, og eingin væntaði, at prísirnir kundu lækka uppaftur meira. Útrokningar, sum vit høvdu, søgdu, at hækkaði rækjuprísurin við í miðal eini 50 oyrum fyri kilo, fór verkætlanin væl og virðiliga at hanga saman. Men, staðfestir Tórbjørn: – Vit fingu annað at síggja; rækjuprísirnir lækkaðu upp­ aftur meira, samstundis sum oljuprísirnir hækkaðu. Tí sóu vit í september, at eingin logikkur var í at halda fram, soleiðis sum støðan var, og vit høvdu heldur ikki likvi­ ditet at reka skipið undir táverandi umstøðum. Aðrir ”aktørar” Reiðarin sigur, at síðan er tað hent, at Føroya Sparikassi, sum er einasti kreditorur, umframt sjópantini, krevur, at skipið nú verður selt á tvingsilssølu. – Føroya Sparikassi hevur ikki strekt seg til nakað sum helst, og eg vil siga, at millum partarnar hevur at kalla eingin dialogur verið. Tað skilst á Tórbirni, at hann avgjørt ikki er nøgd­ ur við viðurskiftini mill­um reiðaríið og peninga­stovn­ in. – Eg haldi, tað er fyri neyðini, at aðrir ”aktørar” eru komnir inn á føroyska fíggjarmarknaðin. Hetta er ein avgjørd treyt, um før­ oyskum vinnulívi skal verða lív lagað, nú teir størstu før­ oysku peningastovnarnir brúka sína tíð upp á at berjast um at fíggja sethúsalán við lágari rentu. Hann heldur, at føroysku peningastovnarnir í løt­ uni liva upp á neyðina hjá sethúsaeigarum við lág­ ari rentu og langari aftur­ gjaldstíð - og við 100% trygd í pantinum. – Hetta er fyri peninga­ stovnarnar ivaleyst líka so trygt sum at seta peningin í danskar statsobligatiónir, sigur Tórbjørn. Betri útlit Tað harmar reiðaran, at skipið verður kravt á tving­ silssølu, nú útlitini í rækju­ vinnuni hóast alt eru bjartari, enn tey hava verið leingi. – Oljuprísirnir eru lækk­ að­ir nakað aftur, og rækju­ prísirnir eru hækkaðir mun­ andi. Tórbjørn vísir á, at í onkrum sorteringum av rækjum eru prísirnir hækk­ aðir 60 % seinastu mán­ aðirnar. – Nú færri rækjuskip eru í flotanum, eru eisini møgu­ leikarnir munandi betri. Hann sigur, at tey rætt­ indi, sum Føroyar hava í rækjukvotum og rækju­ døgum, bera ikki fleiri enn trý skip, um raksturin skal vera lønandi, soleiðis sum støðan er. – Um kvoturnar undir Eyst­ur­grønlandi og á Grand Bank verða býttar yvir trý skip saman við teim­um rættindum, vit hava á Flemmish Kap og við Svalbard, er lítil ivi um, at raksturin hjá rækju­ skipunum hevði sæð betur út, sigur reiðarin, Tórbjørn Jacobsen. Nú glottar eru verður Napoleon – Vit royna ymiskar ítøkiligar møguleikar, og eg kann siga, at vit hava ikki givið skarvin yvir, sigur Tórbjørn Jacobsen, reiðari Rækjuvinna Vilmund Jacobsen vilmund@sosialurin.fo Nú rækjuskipið Napoleon er lýst at fara á tvingsilssølu um nakrar vikur, sigur reiðarin, Tórbjørn Jacobsen, at teir als ikki hava givið skarvin yvir. – Vit hava einar sjey vikur at loysa málið í, og eg vóni, at vit hava eina loysn, áðrenn skipið verður selt. Ymiskir møguleikar Tórbjørn Jacobsen sigur, at felagið nú kannar ymiskar møguleikar, bæði føroyskar og útlendskar, og hann end­ ur­tekur úr fyrru greinini á hesi opnuni, hvussu týdn­ ingarmikið tað er fyri før­ oyskt vinnulív, at aðrir út­bjóðarar eisini eru innan føroyska vinnulívsfígging. Nr. 23 - 1. februar 2006 8 – Vit hava ikki givið skarvin yvir – Føroya Sparikassi, sum hevur 1. veðrætt í Napoleon, hevur ikki strekt seg til nakað sum helst, og eg vil siga, at millum partarnar hevur at kalla eingin dialogur verið, sigur reiðarin Mynd: Vilmund Jacobsen