mikudagur 1. februar 2006síða 7

Nr. 23 - 1. februar 2006 7 Tey sum ynskja sær eitt stórt og gott grundøki, har ein samstundis hevur sera vakurt útsýni, eiga at venda sær til Sands kommunu. Í summar verða nevni­ liga fleiri grundøki tøk í bygdini, sum sam­bært borgar­ stjóranum, Páll á Reynatúgvu er sum ein vøkur náttúru­ perla Búseting Snorri Brend snorri@sosialurin.fo Sandur: – Jú, grundøkini eru stór, vil onkur kanska siga. Eitt 750 fermetrar stórt øki er rættiliga stórt. – Men hinvegin: Menn­ iskj­uni eru eftir mínari mein­ing ikki búrhøsn. Og tí ynskja vit fegin at bjóða teimum áhugaðu nøkur øki í hesari støddini, sigur Páll á Reynatúgvu við Sosialin. Hesi grundøkini, sum íalt verða 12 í tali, liggja við Sandabrekkuna. Og hag­ani er frálíkt útsýni yv­ir bygdina, vakra sandin, vatn­ ið og fjørðin. Kommunan eigur lendi til øki av so stórari stødd. Men borgarstjórin dylir ikki fyri hvør ætlanin er við júst hesum: – Vit ynskja at freista fólk til at búseta seg her í okkara kommunu. – Og við stóru grundøkj­ unum og tí rímiliga kostn­ aðinum, vóna vit at tað eisini fer at eydnast, sigur hann. Í fyrstu syftu er ætlanin at gera sjey grundøki klár. Hesi verða væntandi seld í summar. Seinni verða so tey seinastu fimm økini klár at selja. Byggiáhugi Eins og so manga aðrastaðni í land­inum hevði búskapar­ liga kreppan ávirkan á fíggj­arligu umstøðurnar hjá sandingum – og harvið eisini áhugan at byggja sethús. Kommunan gjørdi fyri eini 20 árum síðani eina aðra útstykking í bygdini, men har eru framvegis grundøki eftir at keypa. Staðfestast kann kortini, at í miðal hava verið bygd eini 2-4 sethús um árið, ta tíðina sum gongd var í hesum. Men sum so manga aðrastaðni kom eisini steðgur í hetta undir kreppuni. Nú tykist støðan at vera broytt aftur til tað betra: Komm­ unan hevur í løtuni um­­­sóknir liggjandi til fýra av teimum fyrstu sjey grund­­økjunum við Sanda­brekk­una. Kostnaðurin fyri hvørt økið verður væntandi einar 100.000 kr. Stutt til Havnar Fyri sandoyingar var tað ein stórur framburður, tá sigl­ingin millum Skopun og Gomlu­rætt byrjaði. Hesin framburður merktist tó serliga, tá tann stásiligi Teistin varð settur í sigling fyri nøkrum árum síðani. Við hesum regluliga ferða­ sam­bandinum um Skop­unar­ fjørð er tað nú lag á manni at ferðast millum heimstaðið á Sandoynni og arbeiðsstaðið í Havn. Í roynd og veru er tað styttri at fara heiman av Sandi til Havnar, enn tað tekur hjá leirvíkingum at fara hagani og til høvuðsstaðin. – Sjálvur brúki eg umleið 50 minuttir, frá tí eg fari frá húsum og til eg seti bilin frá mær á Skálatrøð í Havn. Tað ber tí saktans til hjá fólki at búgva her á Sandi og hava sítt arbeiði aðrastaðni. – Tá tunnilin einaferð kem­ ur undir Skopunarfjørð fer tað bert at taka 20 minuttir til Havnar. Tá vænti eg at áhugin fyri grundøkjum her verður uppaftur størri, vísir Páll á Reynatúgvu á. Út frá hesum veruleika verð­­ur tí væntað, at eftir­­spurn­ ing­urin eftir grundøkjum á Sandi fer at verða stórur. Stór og bílig grundøki á Sandi Tunnilin nærkast Hóast eingin tíðaráseting er gjørd, so verður ar­beitt við málinum um ein fram­ tíðar undir­sjóvar­tunnil til Sandoynna. Á fíggjarlógini fyri 2006 eru avsettar 5 mió. kr. til víðari kanningar av hesum máli. Hetta málið hevur sum vera man eisini stór­an áhuga fyri Páll á Reynatúgvu. Fyri hann er eingin ivi um, at Sandoyggin eig­ur at vera bindiliðið mill­ um Suðuroynna og mið­ staðarøkið í fram­tíðini. Tað eigur at vera óneyð­ ugt at sigla, tá ein kann koyra beinleiðis millum hesi bæði støðini, sigur hann. Vakurt útsýni er av Sandabrekkuni – bæði inn yvir sandin, bygdina, vatnið og sjógvin Mynd: Jens Kr. Vang Á Sandi eru 182 fólk undir 18 ár, og gevur hetta góðar vónir fyri framtíðina. – Vit mugu gera okkara til, at tað unga fólkið kann búseta seg her í bygdini, sigur borgarstjórin, Páll á Reynatúgvu Mynd: Jens Kr. Vang