fríggjadagur 3. februar 2006síða 24

24 Nr. 25 - 3. februar 2006 Sambært vedding­ arfyritøkuni, Nordicbet, er lítil vandi fyri, at Todi Jónsson og teir í Start skulu leita sær eftir nýggjum venjara fyribils. Fótbóltur Jákup Mørk jakup@sosialurin.fo Nú fyrireikingarnar til norsku kappingina av álv­ ara eru farnar ígongd, ber til at vedda um mangt og hvat. Millum annað, hvør verður fyrsti venjarin at fáa sekkin. Og her bendir lítið á, at Tom Nordlie verður tann fyrstu, sum rýkur. Verður Start-venjarin tann fyrsti venjarin í Tippeliguni, sum fær sekkin í ár, so gevur hetta pengarnar 30 ferðir aftur. Og tað er meira, enn nakar annar venjari gevur. Ovast á listanum stendur Frode Grodås hjá Ham-Kam. Hann gevur bara pengarnar fimm ferðir aftur. Roknað verður annars við, at Start aftur í ár skal standa seg væl. Tá spælast skal um, hvør verður norskur meistari, er Start fjórð-ovasta navnið á listanum. Ovast er Rosenborg, sum bert gevur pengarnar 2,25 ferðir aftur. Spæl upp á Start gevur odds 8,20. Teir báðir føroysku spælararnir í Frem venja dúgliga í hesum døgum. Frem hevur mist fleiri stuðulsspælarar, men teir ætla sær at verða verandi í næstbestu donsku deildini, og líkt er til, at føroysku spælararnir sleppa at royna seg Fótbóltur Eyðun Klakstein eydun@sosialurin.fo Gunnar Nielsen og Jónas Tór Næs eru tveir ungir føroyskir fótbóltsspælarar í donskum fótbólti. Teir hava seinnu árini spælt fyri felagið Frem, meðan teir hava gingið á handilsskúla í Ishøj. Framgongdin hjá teimum hevur verið eyðsýnd, og teir verða í vár partur av besta liðnum hjá Frem, sum spælir í næstbestu donsku deildini. Gunnar er málmaður, og Jónas spælir serliga sum høgri bakkur. – Vit hava vant tríggjar ferðir um vikuna, men nú eru vit farnir upp at venja fimm ferðir um vikuna, so vit royna at fyrireika okkum væl til kappingina, sigur Gunnar Nielsen. Munurin minkar Frem hevur spælt tveir venj­ ingardystir, og føroysku spælararnir vóru við í tí fyrra dystinum. Tá stóð Gunnar í málinum, meðan Jónas slapp at royna seg sum miðverji. Tá Frem spældi seinna dystin, vóru teir báðir í Føroyum til landsliðsvenjing. Jónas Tór Næs kann rokna við at sleppa at royna seg sum høgri bakkur á liðnum hjá Frem. Gunnar Nielsen stríðist við at sleppa fram at málinum, men har skal hann kappast við ein sterkan málmann, Jørgen Nielsen, sum áður hevur spælt í Liverpool. – Málið hjá mær er at sleppa at spæla nakrar dystir í vár. Nú havi eg roynt at spæla á besta liðnum, og tað smakkar av meira, sigur tann 195 sentimetrar høgi málmaðurin. – Jørgen er ein sera góður málmaður, men eg haldi, at munurin millum okkum minkar, heldur Gunnar. Yvirliva í 1. deild Frem hevur seinastu mán­ aðirnar mist fleiri stuð­uls­ spælarar – teirra millum Jón Róa Jacobsen – og venjarin Ebbe Skovdahl er eisini farin. Hetta komst av fíggjarligu støðuni hjá felagnum. Frem hevur fingið onkrar nýggjar spælarar afturat, men liðið er neyvan so sterkt, sum tað onkuntíð hevur verið. – Málið hjá okkum verður at yvirliva í 1. deild. Hóast vit stíla eftir at liggja í miðj­ uni í deildini, so er vegurin niður í botnin ikki so langur, og tí skulu vit allatíðina ansa okkum, sigur Gunnar Nielsen. Hetta vikuskiftið kunnu hann og Jónas halda frí, tí eftir ein harða viku, hava spælararnir fingið frí um vikuskiftið. Byrial nýggjan liðfelaga AC Horsens, har Johan Byrial Hansen er ein av spælarunum, hevur gjørt sáttmála við ein 18 ára gamlan ghanesiskan álopsspælara. Tawfik Alolo hevur roynt seg í bestu deildini í Ghana, og nú skal hann spæla í AC Horsens næsta hálva árið. Gongur tað væl, kann sáttmálin leingjast við einum ári. ek Keflavík fær australiara Í vikuni seldi íslendska fe­lagið Keflavík ein av sínum álopsspælarum til danska felagið Silkeborg. Nú hevur Keflavík funnið avloysaran fyri hendan spælaran, tí australski Buddy Farah gjørdi mána­dagin sáttmála við Keflavík. Buddy Farah hev­ur spælt á øllum ung­ dómslandsliðunum hjá Australia, og næstu tvey árini skal hann royna seg sum liðfelagi hjá Símuni Samuelsen í Keflavík. ek Væntar nógv av AaB Nýggi spælarin í hópi­ num hjá AaB, Fredrik Wisnes, væntar sær nógv av liðunum, har eis­ini tveir føroyskir lands­ liðsspælarar spæla við. – Vit hava fingið eina góða byrjan, har vit leggja eitt gott grundarlag áðrenn kappingin byrjar. Harafturat tykist tað verða ein greið strategi við tí, sum vit gera, og tað er minst líka týdn­ing­ armikið, sigur Wisnes við Forza. – Vit spæla tekniskan fótbólt, sum passar mær væl. Vit hava nakrar sera góðar ungar spælarar á liðnum, so tað lovar gott, sigur hann. ek UEFA heiðrar Schmeichel Danski málmaðurin Pe­t­er Schmeichel fekk nú um dagarnar ein heið­­ur frá europeiska fót­­bólssamandinum UEFA. Í sambandi við at europeiska kappingin fyri meistaralið fylti 50 ár, valdi UEFA at heiðra nøkrum av spælarunum, sum hava spælt í finaluni. Teirra millum vóru Franz Beckenbauer, Jo­han Curyff og Peter Schmeichel. – Tú ert einasti dani, sum hevur vunnið Cham­pions League sum liðformur, segði Frits Ahlstrøm, tá ið hann vegna UEFA handaði Schmeichel heiðurin. Hóast Óli Holm ásannar, at tað hevði havt verið hugaligari við arbeiðsfriði, so ynskir hann ikki at forða nøkrum at bjóða seg fram sum mótvalevni til formanssessin í FSF FSF formansval Jákup Mørk jakup@sosialurin.fo Tá vit hóskvøldið høvdu orðið á Óla Holm, formann í FSF, hevði hann ikki hoyrt meira enn nakað av gramli um, at okkurt mótvalevni kanska fór at koma undan kavi komandi vikuna. Óli hevur verið formaður í FSF í tvey ár, og hann hevur boðað frá, at hann er sinnaður at taka við afturvali. Spurdur um viðmerking til støðuna, har formenn eru uppringdir við áheitan um stuðul til annað valevni, sigur Óli, at tað hvørki fær hann gjørt nakað við ella vil hann gera nakað við. – FSF er jú ein demo­krat­ iskur felagsskapur. Tí stendur tað feløgunum frítt at skjóta upp tey formansvalevni, sum tey vilja hava at velja ímillum. Og tað stendur teimum sjálvandi eisini frítt at velja millum valevnini á aðalfundinum. Men hevði tað sum hjá tær sum formanni ikki ver­ ið hugaligari, um einki mót­valevni var á aðal­fundi­ num. – Fyri ein felagsskap er tað sjálvandi altíð best við arbeiðsfriði og støðugum viðurskiftum sum heild. Men eitt demokrati er nú soleiðis samansett, at fleiri evni kunnu skjótast upp. Tað er jú millum annað júst hetta, sum er ein partur av grundarlagnum undir FSF, sigur Óli Holm at enda. Nordlie situr væl Flogbóltsstøður Meistaradeild, kvinnur v t +/- d v - t sett sett sett stig 1 Dráttur 14 14 - 0 42 14 28 18 2 SÍ 15 9 - 6 34 28 6 11 3 TB 14 7 - 7 28 23 5 10 4 ÍF 14 7 - 7 30 26 4 8 5 Mjølnir 14 3 - 11 16 36 -20 4 6 KÍF 13 2 - 11 12 35 -23 3 Meistaradeild, menn v t +/- d v - t sett sett sett stig 1 Fleyr 11 10 - 1 31 11 20 13 2 SÍ 10 7 - 3 24 13 11 8 3 Mjølnir 10 5 - 5 21 16 5 6 4 ÍF 9 3 - 6 14 20 -6 3 5 Nøvan 10 0 - 10 0 30 -30 0 Hondbóltsstøður Sunset-kappingin FM-bólkurin v t d v - j - t mál mál +/- stig 1 Neistin 3 2 - 0 - 1 77 61 16 4 2 Stjørnan 3 2 - 0 - 1 78 66 12 4 3 VB 3 2 - 0 - 1 65 75 -10 4 4 Kyndil 3 0 - 0 - 3 55 73 -18 0 Sunset-kappingin Niðari bólkurin v t d v - j - t mál mál +/- stig 1 StÍF 3 3 - 0 - 0 76 57 19 6 2 Søljan 3 2 - 0 - 1 61 60 1 4 3 VÍF 3 1 - 0 - 2 65 72 -7 2 4 Tjaldur 3 0 - 0 - 3 62 75 -13 0 Atlantic Airways-kappingin v t d v - j - t mál mál +/- stig 1 H71 4 3 - 0 - 1 376 318 58 14 2 VÍF 4 3 - 1 - 0 382 367 15 13 3 Kyndil 4 1 - 1 - 2 367 333 34 11 4 StÍF 4 2 - 0 - 2 345 345 0 10 5 KÍF 4 2 - 0 - 2 353 374 -21 6 6 Neistin 4 0 - 0 - 4 360 446 -86 1 Fólkaræðið loyvir fleiri valevnum – FSF er jú ein demokratiskur felagsskapur. Tí stendur tað feløgunum frítt at skjóta upp tey formansvalevni, sum tey vilja hava at velja ímillum. Og tað stendur teimum sjálvandi eisini frítt at velja millum valevnini á aðalfundinum, sigur Óli Holm, formaður í FSF Gunnar og Jónas sleppa at royna seg – Málið hjá mær er at sleppa at spæla nakrar dystir í vár. Nú havi eg roynt at spæla á besta liðnum, og tað smakkar av meira, sigur Gunnar Nielsen, málmaður í Frem