mánadagur 6. februar 2006síða 33

Nr. 26 - 6. februar 2006 33 Vakra lendið leggur upp til at skapa ein fjálgan bygning, sum er í samljóð við lendið og vøkru nattúruna á staðnum, sigur arkitekturin Eldrarøkt Áki Bertholdsen aki@sosialurin.fo Nú fæst ein reiðiliga góð ábending um, hvussu nýggja ellis- og røktarheimið kemur at síggja út. Tá ið borgarstjórin í Vági, Kirstin Strøm Bech, var í almanna- og heilsu­ málaráðnum í farnu viku og læt inn umsókn um stuðul til eitt ellis- og røktarheim í Vági, hevði hon eisini eina ráskitsu við sær yvir, hvussu heimið kemur at síggja út. Ellis- og røktarheimið skal vera á stykkinum, sum annars varð grivið út til mið­ námsskúlan. Tað er Albert Isfeld, arki­ tektur, sum hevur teknað og borg­arstjórin sigur, at hon er sera væl nøgd við upp­ skotið. – Sjálvsagt verða broyting­ ar og tillagingar gjørdar, tá ið komið er longri við ætlanini, men nú sæst so ein hóming av, hvussu bygningurin kemur at taka seg út í lendi­ num, sigur hon. Annars hevur verið ført fram, at tað ber illa, fyri ikki at siga, slett ikki til at leggja eitt ellis- og røktarheim á stykkinum, sum er grivið út til miðnámsskúlan. Men arkikekturin sigur, at vakra lendið leggur upp til at skapa ein fjálgan bygning, sum er í samljóð við lendið og vøkru nattúruna á stað­ num. Hann sigur, at hann hev­ ur lagt dent á at brúka út­grivna stykkið, soleiðis at bygningurin verður settur inn í og á tromina á beninum og tað mannaskapta og nattúran skulu sanda í samljóði við hvørt annað. Hann hevur eisini lagt dent á at skapa heimligar um­støður til búfólkið og góð­ar arbeiðsumstøður til starvs­fólkið. Hann sigur eisini, at so­­ leiðis, sum bygningurin verð­ur settur á stykki, verða góðir møguleikar fyri at byggja út. Hann sigur, at ellis- og røktarheimið er ætlað til 32 búfólk í tveimum deildum. Húsið er í tveimum hædd­ um og tað verða 16 kømur á hvørjari deild. Hvør deild er so aftur býtt sundur í tvær eindir við pássi fyri átta fólkum í hvørjari eind. Tvær av eindunum skulu verða sjálvstøðugar eindir rundanum eitt felagsøki við køki, matstovu og stovu, men starvsfólkarúm, vaskarí og annað, er felags við hinar deildirnar. Í heiminum verða eisini umstøður til ergoterapi, fysio­ terapi, fótarøkt, hárfríðkan, samstrundis sum skrivstova skal vera til heimarøktina. Nýggja røktarheimið í Vági við at taka skap Soleiðis hugsar arkitekturin sær, at ellis- og røktarheimið skal síggja út, sum ætlanin er at byggja á stykkinum í Vági, sum upprunaliga varð grivið út til miðnámsskúlan