mikudagur 22. februar 2006síða 19

3 Kent – Du och Jag Döden (BMG Publishing) Daman hjá mær keypti hesa fløg­una hjá Kent. Men hóast eg ikki sjálvur havi valt hana í handlinum, so er hon kom­in á mín lista. Tað er fyrst og fremst tí, at har eru øgiliga góð løg á henni. Bólk­ urin er rokkaktigur og við stórum synth ljóðum, sum teir duga at fáa at ganga upp í eina hægri eind. Konseptið er øgiliga gjøgn­ um­ført, gjøgnumført myrkt. Stemn­ingurin er øgiliga myrk­ur næstan allan vegin í gjøgnum, tað fløguhúsin eisini, sjálvt fløgan er svørt á báðum síðum. Chris Cornell – Euphoria Morning (A&M Records Inc.) Ein tann besta fløgan nakrantíð í verðini, nakrir sjálvsama vælskrivaðir sangir. Onkir av sangunum hava eitt øgiliga gammeldags ljóð, gittararnir eru skitnir og diskantuttir, sum teir vóru í teimum góðu gomlu døgunum. Fløgan verður í ógviliga stóran mun borin av fantastisku røddini hjá gamla Soundgarden sangaranum Chris Cornell. Led Zeppelin – Remasters (Atlantic Recording Corporation) Led Zeppelin er old school rock’n’roll. Hatta eru jú men, sum vóru við til at uppfinna sex, drugs and rock’n’roll - teir eru verulig rokkikonir, tað eru fleiri aðrir stórir rokkbólkar frá hasi tíðini, men eg haldi at Led Zeppelin rakar meg eitt sindur beinari enn hinar fornleivdirnar. Hendan fløgan Remasters er eitt savn av 26 øgiliga góðum sangum frá tí tíðini, bólkurin var til. Tool – Lateralus (Zomba Recording Corporation) Eg havi lurtað eftir Tool síð­an fyrst í 90’unum. Tað, sum mær dámar við Tool, er, at bólkurin als ikki er mainstream, men fer altíð sín egna veg. Tón­leikararnir brúka ofta nógva tíð til at bygg ja upp til klimaksir. Allir tón­leikararnir fáa eisini rætti­liga gott pláss til at hugna sær. Teir duga væl, at halda fokus á tónleikinum, ístað­in fyri tónleikarunum. Mær dámar hesa fløguna eitt sind­ur betur enn hinar hjá bólki­ num, kanska er tað tí, at eg var á konsert við teimum á Roskilde, tá fløgan kom út – Tað er ein tann besta kon­sertin, ið eg havi verið á. Jerry Garcia Acoustic Band – Almost Acoustic (Grateful Dead Records) Hetta er gamli frontmaðurin úr Gratefull Dead, Jerry Garcia, sum spælir Bluegrass live. Fløgan er tikin upp í 1987. Hann spælir nakrar gamlar klassikarar og nøkur egin løg, uppá tann góða bluegrass mátan. Har er kassagittar, mandolin, violin, dobro, bassur og rødd fyri rest. Hann syngur ikki heilt reint alla tíðina, men tað gevur tí bara meira karakter og ger tað hugnaligari. Jens Virgar Jakobsen: Úr ruskmálmi til bluegrass Niels Uni Dam nielsuni@sosialurin.fo Jens Virgar Jakobsen hevur ver­ ið virkin á føroyska tón­leika­ pallinum síðan fyrru helvt av 90’árunum. Jens hevur spælt gitt­ar í bólkum so ymiskum sum Dia­tribes, Happy?, Deja Vu, MC- Hár og The Reverends. Buldraði og brakaði Grundin varð løgd í ruskmálminum hjá Diatribes. Umframt at spæla gitt­ar Jens var ein virkin sang­ skrivari í bólkinum. Við ár­unum gjørdist tónleikurin hjá Dia­tri­ bes meira melidiøsur. Seinni hev­ur Jens spælt droymandi popp­ rokk í Deja Vu og skitnan gar­ agurokk í Happy? Nú spælir Jens í rokkrappbólkinum MC-Hár og í kontribólkinum The Reve­rends. Jens fer á pallin við síðstnevnda bólki í Føroya Húsi­num í Keypmannahavn nú leyg­arkvøldið, har hann fer at spæla til føstu­lávintsdans, nógv er broytt síðan hann og hinir í Diatribes buldr­aðu og brakaðu út í summarnáttina á ólav­ søku­kon­sert­ini í 1996. Poppur og málmur Jens er í stuttum ein sera fjøl­­broyttur gittarleikari. Tað er tí áhugavert at vita, hvønn tón­­leik Jens lurtar eftir heima í stereoanlegg inum. Fløgusavnið fevnir breitt, her er poppur, kontri, bluegrass, rokk­ur og málmur av alskyns slag. Savnið avspeglar ikki ein­ ans fjøllbroytni hjá Jens, men eis­ini at hann livir saman við eini kvinnu. Trupul uppgáva Jens heldur uppgávuna at velja fimm tær bestu fløgurnar vera sera trupla. Hann legg ur dent á, at tær fimm fløgurnar, ið hann vel­ur her nokk heldur er fimm av teimum bestu enn júst fimm tær bestu. Nøkur av nøvnunum, ið vóru uppi og vendu áðrenn av­gerðin fall um fimm tær bestu vóru Faith No More, Alice In Chains, Carcass, At The Gates, Filt­er, Metallica og Johnny Cash. Jens Virgar Jakobsen hevur grund í rusk-, deyðs og tungmálminum, men í dag er hann mest virkin í rokki og kontri. Vit hava saman við Jens grava í hansara fløgusavni og fingið hann at velja fimm tær bestu fløgurnar