mikudagur 8. mars 2006síða 19

3 − Eg eri snarsint, roka­ lig og hati at tapa. Hond­bóltsveteranurin Kára á Dunga er kapp­ing­ar­menniskja burturav. Hon spælir á høgra vongi hjá Neistanum og hev­ ur alt sítt lív gjørt nógv um seg­ á hondbóltsvøllinum. Nú gevst hon á toppinum Lív Højsted Horsdal horsdal@sosialurin.fo − Eg havi drúgvar royndir innan hondbóltsheimin. Tá vit hava ‘time out’, havi eg at enda altíð viðmerkingar til leikarnar. Eg eri á ein hátt millumlið millum venjaran og spælararnar. Kára hevur spælt á besta liðnum hjá Neistanum í 18 ár og kundi ikki droymt um at spælt fyri annað felag: − Hjartað hjá mær er hjá teimum bláu. Eg hevði ongantíð tímað at ofra meg fyri nakað annað lið. Ikki tí eg vænti, nakar stórur sáttmáli frá øðrum felagi er ávegis, sigur Kára við einum brosi. Kára er somuleiðis illsint og avgjørt ikki bangin fyri at siga sína meining: − Eg eri kanka ‘a pain in the ass’ hjá mótstøðuliðnum, men tað leggi eg einki í. Á vøllinum skal okkurt henda, og at siga orsaka mitt í einum dysti hoyrir ikki heima á vøllinum. Í mínari verð, mekir tað at biðja um umbering, tá vit taka í hondina á hvørjari aðrari aftaná dystin. Men eg toli avgjørt samtíðis at fáa viðmerkingar frá teimum, ið ikki halda, eg eri so kul. Hóast Kára tykist heldur buldraslig, gevur hon avgjørt liðnum hjá sær eitt íkast á vøllinum. Serliga dugir Kára við sínum vilja úr stáli og ítróttaanda at seta liðið upp til dyst: − Eg eri eingin oddakvinna á liðnum, men havi stóran stríðsvilja til at vinna, so mín partur liggur ongantíð eftir. Kára heldur, at samanhald á einum hondbóltsliðið hevur ovurhonds stóran týdning: − Vit eru nógv saman og kenna nærum hvørja pirru á reyvini á hvørjari aðrari. Hondbólturin hevur verið ein partur av gerandisdegnum hjá mær í nógv ár, og tað verður trupult at siga farvæl. Men nú vit aftur hava vunnið steypafinaluna, kann eg gevast á toppinum við góðari samvitsku. Føroyskt burturav Kára sigur, at tann eginleikin, hon setir fremst hjá einum hondbóltsleikara, er at vera ein vinnari: − Eg vil heldur hava eina harða ‘vinnaratypu’ undir liðini á mær, enn eina smædnan fittan leikara. Planet.fo biðjur Káru seta saman eitt ynski lið. Og eftir stutta umhugsunartíð, hevur Kára longu valt sjey teir bestu leikararnar til sítt ‘dream team’ í Sun Set kappingini: − Eg setti mær beinanvegin fyri, at á liðnum skuldu eittans vera føroyingar. Ov nógv fokus verður sett á útlendingarnar í føroysku landskappingini, og tískil verða føroysku spælararnir ofta gloymdir, hóast nógvir veruliga eru framúr góðir. Eisini setir Kára eitt flótandi liðavrik framum einstaklinga hondbólt ovarliga á listanum: − Tá er tað bæði stuttligari hjá leikararunum at vera við og áskoðarunum at síggja. Onkur annar hevði helst valt skotsterkar kanónir á báðum bakkunum, men um hetta føroyska og tekniska liðið hevði sloppið at vant nakrar ferðir saman, høvdu vit sæð góðan og sera undirhaldandi hondbólt, leggur Kára á Dunga at enda afturat. Í málinum Fríða Petersen, Neistin: Eg havi ikki sæð nógv til føroysku málmenninar, men eg velji okkara Fríðu. Hon er stór, sterk, long og hevur góð útkøst. Eisini dugir hon væl at rópa og stýra verjuni. Tá hon hevur ein góðan dag, kann hon avgera dystin. Á vinstra Vongi Nikolina Eyðbjørns­ dóttir, Víf: Hon er skjót, sterk og góð bæði í ver­ju og álopi. Hon dug­ir væl at lesa spæl­ið og tor­ur at taka ábyrgd. Hon er ein frálíkur hond­bóltsspæl­ari; stórt spell, at hon er skadd. Annars kundi eg eisini havt valt Unn Krage­­steen, ið hev­ur somu egin­ leik­ar, men hon er ikki bein­leiðis vong­ur, og tí velji eg Nikolinu. Á vinstra bakki Ása Dam á Neystabø, Neistin: Ása kann rætt og slætt alt. Hon er ein fínur og hegnis­ lig­ur spælari, sær væl sínar egnu møguleikar, er góð til fríspælingar og ótrúliga skjót. Men hon manglar tó eitt sindur av ‘búf­ fum’ á sær, sum vónandi koma við ár­unum. Á mið­vøllinum Joan Mid­ jord Djorg­ jovic, Stjørn­an: Joan er ein framúr góður miðspælari og skipari. Skjýt­ ur langskot, hoppi­skot, und­­irhandarskot og smýgur sær snikka­leyst gjørgn­ um verj­una. Eisini les­ur hon spæl­ið sera væl og dugir væl at spæla við­spælarar­nar til skot. Joan er eisini góð­­ur verjuleikari, so hon er avgjørt rætta valið til miðju. Á høgra bakki Jórun Ludvig, Kyndil: Ætlaði at vel­ja Re­bekku Just­inus­ sen ella Anniku Thom­­sen, tí tær hava ótrú­liga góð skot, men Jór­un hósk­ar bet­ur saman við lið­­num, eg havi valt. Tá Jór­un er í góðari venjing, er hon rættiliga góð, og hev­ur í sein­astuni spælt frá­líkar dyst­ir. Hon er stór, sterk, kann renna ígjøgn­um verj­una, skjóta renniskot og dug­ir væl at finna aðr­ar spæl­arar – serliga strikuna. Eis­ini er Jórun ein frálíkur verju­ spælari og hevur rætta ítróttaandan. Á høgra vongi Rannvá Au­gust­inus­ sen, VB: Tá, eg ikki kundi vel­ja meg sjálva, valdi eg Rannvá;-) Rannvá er góð, skjót og dugir væl at lesa spælið. Hon skjýtur ikki óneyð­ ugt og brenn­ir sjál­dan. Eisini hev­ur hon rætta lið­andan og kemp­ ar allan dystin. Ann­ars er Rannvá ikki av størstu spæl­arum, eins og Ása á Neystabø, og manglar eitt sindur av ‘búffum’. Men hetta kemur kanska eisini hjá henni við tíðini. Á strikuni Una Olsen, Stjørnan: Vit hava fleiri góðar strikur í Før­ oy­um. Eg kundi t.d. eisini valt Krist­ inu Holm, tí Una og hon eru líka góð­ar. Men nú, Jo­an er á miðjuni, seti eg Unu á stri­ kuna. Una myndar ómeta­liga stóra hond­bóltsgleði, er krútsterk bæði í álopi og verju, ‘screen­ar’ væl og fer heilhjartað gjørgn­um verjuna. Eis­ini sermerkir tað Unu, at hon stríð­ist og kempar all­an dystin. - Heldur »vinnaratypu« enn fitta gentu Dream Team