mánadagur 13. mars 2006síða 30

30 Nr. 51 - 13. mars 2006 Fýra feløg stríðast í løtuni um fjórða og seinasta plássið í Champions League komandi kapp­ing­ar­ ár, og tað sær út til at gerast ein dystur til seinasta blóðsdropa. Arsenal styrkti um vikuskiftið sína støðu í stríðnum við arvafíggindarnar úr Tottenham, men Bolton og Blackburn liggja og lúra beint aftanfyri Premier League Stefan í Skorini Nú meistaraheitið so at siga er avgjørt, eru øll eygu vend ímóti dystinum um plássini í Champions League, og tað er líkt til, at hesin dystur kann gerast sera spennandi móti endanum av kappingini. Í løtuni er tað Tottenham, ið situr á fjórða plássinum, men trý lið eru beint í hølunum, og kappingin harðnar í hvørjum. Tottenham var leygardagin á vitjan hjá Chelsea á Stam­ ford Bridge. Hetta gjørdist ein sera tættur dystur, men sum ikki einaferð var tað Chelsea, ið fór við øllum, tá avtornaði. Michael Essien legði heima­­liðið framum tíðliga í dystinum, tá hann skoraði sítt fyrsta mál fyri Chelsea. Men beint undan steðginum javnaði Jermain Jenas fyri Tottenham. Henda støða helt sær eisini næstan til síðsta bríksl, men verjuleikarin Willi­ am Gallas hevði aðrar ætlanir. Gallas hevði leitað sær fram av vinstra bakki, tá hann dróg inneftir úr vinstru og langaði bóltin upp í handara horn. Hetta gjørd­ist eisini sigursmálið, og Chel­sea er harvið eitt fet nærri meis­t­ara­ heitinum, sum óivað aftur í ár endar á Stamford Bridge. Henry søkti Liverpool Á Highbury møttust Arsenal og Liverpool. Bæði liðini høvdu tørv á einum sigri. Arsenal roynir at seta ein endaspurt í verk fyri at náa fjórðaplássinum, meðan Liver­pool roynir at fanga Manchester United á øðrum plássi. Tað gjørdist Arsenal, ið fór við sigrinum eftir eitt grovt mistak frá Steven Gerrard, ið spældi mótstøðumannin Thierry Henry púra leysan, soleiðis at hann lættliga kundi skora sigursmálið til 2-1. Henry hevði annars lagt Arsenal framum miðskeiðis í fyrra hálvleiki, og tað var eisini Arsenal, ið átti yvir­ takið. Men eitt korter fyri leiklok javnaði Luis Garcia, tá Lehmann ikki megnaði at halda einum skoti frá Ger­ rard. Síðani fekk Xabi Alonso tvey gul kort innanfyri seks minuttir, og hann varð tískil rikin av vølli. Tveir minuttir eftir útvísingina fekk Liverpool mønustingin, tá Gerrard gav Henry ein møguleika at skora, og frans­maðurin takkaði fyri og sendi Liverpool heimaftur við ongum. Hetta var ein týdn­ingar­ mikil sigur hjá Arsenal, ið nú av álvara kann hótta Tottenham í dystinum um fjórða plássið. Bert tvey stig eru nú millum Tottenham og Arsenal. Munurin millum Liverpool og Manchester United øktist aftur hetta vikuskiftið, og Liverpool skal nú ansa sær, at teir ikki spæla sær av við triðja plássið. Bolton sum outsidari Ein vandamikil outsidari til tað fjórða og seinasta Champions League plássið er Bolton. Liðið hevur leikt tveir dystir færri enn kappingarneytarnir, og um teir fáa fulla úrtøku burturúr hesum dystunum liggja teir brádliga á fjórða plássið. Bolton hevur fyri fyrstu ferð í søgu felagsins luttikið í evropeiskum kappingum í hesum kappingarárinum, men Marseille vísti seg sum stinnara liðið, tá hesi bæði liðini møttust fyri stuttum, og harvið fekk luttøkan hjá Bolton ein enda. Líkt er tó til, at Bolton hevur fingið blóð á tonna, tí tað fyrrverandi elevator-liðið er aftur í ár við í kappingini um plássini í Evropa. Bolton vann leygardagin heili 4-1 á West Ham, ið eisini var við í kappingini um eitt pláss í Evropa, men uppflytararnir hava helst spilt sín møguleika á hesum sinni. Kollveltingin í Blackburn Tað eru nøkur ár síðani, at Blackburn seinast luttók í evropeiskum kappingum, men í ár hevur Mark Hughes ført liðið upp í ovaru helvt av stigatalvuni, har tað er stuttligt at vera. Hetta vikuskiftið vann Black­ burn 2-0 á heima­vølli ímóti Aston Villa. Andy Todd og Craig Bellamy skoraði málini hjá Blackburn, ið hevur verið serliga sterkt á heimavølli í ár. Blackburn liggur í løtuni á sætta plássið, bert eitt stig aftanfyri Arsenal. Venjarin Mark Hughes hev­ur veruliga funnið eina góða blanding av leikarum á Ewood Park, og tað sæst eisini aftur á stigatalvuni, har Blackburn nú av álvara dyrgir eftir einum plássi í Champions League ella UEFA Cup, sum fimtapláss gevur atgongd til. Danska Sas-ligan v t d v - j - t mál mál +/- stig 1 FCK (M) 21 15 - 4 - 2 40 16 24 49 2 Brøndby (S) 21 15 - 3 - 3 43 17 26 48 3 Viborg 21 11 - 4 - 6 40 27 13 37 4 OB 21 10 - 5 - 6 32 22 10 35 5 AaB 21 7 - 7 - 7 30 27 3 28 6 Esbjerg 21 7 - 5 - 9 28 30 -2 26 7 FC Nordsj. 21 6 - 7 - 8 29 29 0 25 8 Silkeborg 21 6 - 5 - 10 20 34 -14 23 9 FCM 21 5 - 6 - 10 27 41 -14 21 10 AC Horsens 21 3 - 11 - 7 16 28 -12 20 11 AGF 21 3 - 8 - 10 28 42 -14 17 12 SønderjyskE 21 3 - 5 - 13 27 47 -20 14 Føroyskir leikarar: Johan Byrial Hansen (AC Horsens), Súni Olsen og Jón Rói Jacobsen (Aab) Enska Premier League v t d v - j - t mál mál +/- stig 1 Chelsea 29 24 - 3 - 2 58 18 40 75 2 Man. Utd. 28 18 - 6 - 4 56 28 28 60 3 Liverpool 29 16 - 7 - 6 34 19 15 55 4 Tottenham 29 13 - 10 - 6 41 28 13 49 5 Arsenal 29 14 - 5 - 10 45 23 22 47 6 Blackburn 29 14 - 4 - 11 38 34 4 46 7 Bolton 27 12 - 9 - 6 37 28 9 45 8 Wigan 29 13 - 4 - 12 34 36 -2 43 9 West Ham 28 12 - 6 - 10 42 40 2 42 10 Man. City 29 12 - 4 - 13 39 34 5 40 11 Everton 29 12 - 4 - 13 24 37 -13 40 12 Newcastle 29 11 - 6 - 12 29 32 -3 39 13 Charlton 29 11 - 6 - 12 34 38 -4 39 14 Aston Villa 29 8 - 10 - 11 33 37 -4 34 15 Middlesbr. 28 9 - 7 - 12 37 46 -9 34 16 Fulham 29 9 - 5 - 15 38 46 -8 32 17 WBA 29 7 - 6 - 16 26 43 -17 27 18 Birmingham 28 6 - 6 - 16 23 39 -16 24 19 Portsmouth 29 5 - 6 - 18 20 49 -29 21 20 Sunderland 29 2 - 4 - 23 19 52 -33 10 Føroyskir leikarar: Ingi Højsted (Birmingham) Enska League Championship v t d v - j - t mál mál +/- stig 1 Reading 38 27 - 9 - 2 80 24 56 90 2 Sheff Utd. 38 22 - 9 - 7 64 39 25 75 3 Leeds 37 20 - 10 - 7 53 31 22 70 4 Watford 38 19 - 12 - 7 67 43 24 69 5 Crystal Palace 36 17 - 9 - 10 53 36 17 60 6 Wolverhampt. 38 14 - 16 - 8 42 30 12 58 7 Preston 36 13 - 18 - 5 45 25 20 57 8 Cardiff 38 15 - 10 - 13 51 45 6 55 9 Coventry 38 13 - 12 - 13 51 54 -3 51 10 Ipswich 37 13 - 12 - 12 43 49 -6 51 11 Norwich 38 14 - 8 - 16 47 54 -7 50 12 Luton 38 14 - 6 - 18 57 60 -3 48 13 Plymouth 38 11 - 14 - 13 33 40 -7 47 14 QPR 37 12 - 11 - 14 42 51 -9 47 15 Stoke 36 13 - 5 - 18 38 50 -12 44 16 Leicester 38 10 - 13 - 15 43 51 -8 43 17 Burnley 37 12 - 7 - 18 41 50 -9 43 18 Southampton 37 8 - 18 - 11 35 38 -3 42 19 Derby 38 8 - 18 - 12 48 54 -6 42 20 Hull 38 10 - 11 - 17 42 49 -7 41 21 Sheff Wed 38 8 - 11 - 19 28 48 -20 35 22 Millwall 38 6 - 15 - 17 29 51 -22 33 23 Brighton 38 5 - 15 - 18 32 58 -26 30 24 Crewe 37 5 - 13 - 19 42 76 -34 28 Føroyskir leikarar: Claus Bech Jørgensen (Coventry) Stríðið um meistaradeildina harðnar Young-Pyo Lee hjá Tottenham iðrar seg eftir 2-1 tapið móti Chelsea. Bæði hann og liðfelagarnir kunnu tó framvegis troysta seg við, at liðið enn liggur á fjórða plássinum, sum gevur atgongd til Champions League milliónirnar Mynd: Reuters