týsdagur 14. mars 2006síða 19

Nr. 52 - 14. mars 2006 19 Elin Hammer, ið sein­ astu 18 árini hevur rikið Kaffivognin á kaiini sigur, – Eg havi selt fleiri hundrað plattar av pylsum og kaffi­ pakkum. Tað er av­gjørt við sorgblídni, eg sigi farvæl, men eg havi brúk fyri at taka mær av løttum í eina tíð Lív Højsted Horsdal horsdal@sosialurin.fo Elin Hammer hevur sein­ astu 18 árini starvast í Kaffi­ vogninum á Kaiini. Í dag er seinasti arbeiðsdagurin hjá henni, og í morgin taka nýggju eigararnir, Rannvá Leonson og dótturin Leona Nielsen, við at reka Kaffi­ vognin. Tað var ein heldur syrgin Elin Hammer, ið Sosialurin hitti í Kaffivogninum á kaiini í morgun. Á borðinum stóð ein risastór lagkøka við tekstinum: ‘takk fyri góð og hugnalig ár’, ið Elin av sínum eintingum hevði keypt til allar teir 70 kaffivinirnar, ið dagliga hava sína gongd í Kaffivogninum: – Kaffivognurin á kaiini hevur verið mítt lív seinastu 18 árini. Eg havi verið her, síðan eg var 10 ára gomul. Nú eri eg troytt av tí, og havi hug til at royna okkurt nýtt. Í fyrstu atløgu havi eg ikki nakrar stórvegis ætlanir. Eg fari bara heim at slappa av, vera um mannin og njóta summarið, greiðir Elin frá.. Og hon ásannar somu­ leiðis, at hesi árini í Kaffi­ vogninum hava verið stræv­ in: – Eg havi jú verið bundin 100 % at Kaffivognum sjey dagar um vikuna. Um eg onkuntíð veruliga havi ynskt at havt frí eitt vikuskiftið, havi eg verið noydd at ríma av landinum. Men hóast Elin Hammer ikki angrar, at hon hevur selt kaffivognin, veit hon tó við vissu, at hon fer at leingjast eftir trygga og góða arbeiðsplássinum á kaiini, – Eg fari at sakna kaffi­vogn­ in og fittu, prátingarsomu arbeiðsmenninar sera, sera nógv. Eg kenni allar teir um­leið 70 menninar, ið trú­ fastir koma hvønn tann ein­ asta morgun til kaffi. Ongin teirra nýtist at siga, hvat teir skulu hava – teir koma bara inn um hurðina og seta seg niður. Eg veit akkurát, hvat hvør einstakur vilja hava. Tíðarskeiðið Elin hevur arbeitt í Kaffivogninum hev­ur havt ómetaliga stóran týdning fyri hana: – Eg eri at kalla uppvaksin her. Hesi árini eri eg eisini komin at kenna nógv fólk og havi fingið nógvar sera góðar vinir fyri lívið. Hetta er eitt einastandandi umhvørvi, ið eg fari at sakna ovurhonds nógv. Men nú má tað verða mín túrur at drekka kaffi her um morgnarnar, sigur Elin at enda. Sorgblítt farvæl við Kaffivognin Seinastu nógvu árini hava áleið 70 arbeiðsmenn og pensjonistar hvønn morgun havt sína dagligu gongd í Kaffivogninum á kaiini og fingið sær kaffi frá Elini Fólkalív Lív Højsted Horsdal horsdal@sosialurin.fo Pensjonistarnir Tórólvur Fagradal og Kristin Gærdbo koma trúfastir, hóast tað er kavi, vindur ella regn, í Kaffivognin hvønn morgun at fáa sær kaffi. Teir harmast báðir um, at Elin Hammer nú gevst at arbeiða í Kaffi­ vogninum: – Elin hevur altíð verið góð við okkum og veitt góða tænastu. Vit fara avgjørt at sakna hana, men vóna, hon kemur at vitja okkum av og á. Tórólvur og Kristin hava havt sína dagligu gongd í Kaffivogninum síðan 1965. Tá stóð Kaffivognurin mitt á parkeringsøkinum á Farstøðini: – Vit eru nógvir, ið savn­ ast her hvønn morgun. Vit sita her í um 1-2 tímar og drekka kaffi, práta um politik, arbeiði, konufólk og annað. Síðan hitta vit eisini arbeiðsmenninar, ið fortelja okkum dagsins tíðindi, áðrenn vit fara út til dagsins verk, ið vanliga er at geva kríatúrum, at pumpa bát og annað húsarbeiði. Tórólvur og Kristin vóna, at Kaffivognurin fer at halda á fram at vera eins hugnaligur, og hann er nú: – Hetta er eitt gott um­hvørvi at vera í. At kalla rættiliga familjukent, tí øll kenna hvønn annan. – Vit fara at sakna Elina Vit hava havt okkara dagligu gongd í Kaffivogninum síðan 1965. Tá hann stóð mitt á parkeringsøkinum á Farstøðini. Tað siga pensjónistarnir Tórólv Fagradal og Kristin Gærdbo. Við borðið sita eisini Elin Hammer, vinstrumegin, og starvsfelagi hennara, Maria Sivertsen Mynd: Jens Kristian Vang – Takk fyri góð og hugnalig ár, stendur á lagkøkuni, ið Elin Hammer hevði keypt til allar kaffivinirnar hjá sær Mynd: Jens Kristian Vang