mánadagur 20. mars 2006síða 13

Nr. 56 - 20. mars 2006 13 Eftir at freistin at stilla upp til formansvalið í Sambandsflokkinum var úti sunnudagin, er greitt, at tvey val­evni verða til for­ manssessin. Jóhan Dahl, løgtingsmaður, váttar, at hann hevur latið seg stillað upp í kapping við sitandi floksformann, Kaj Leo Johannesen Formansval Vilmund Jacobsen vilmund@sosialurin.fo Tað er nú greitt, at formaður Sambandsfloksins, Kaj Leo Johannesen, verður ikki afturvaldur uttan atkvøðu­ greiðslu á aðalfundi Sam­ bandsfloksins, sum verður í Læraraskúlahøllini í Havn komandi fríggjakvøld. Fýra limir í Sam­bands­ flokkinum, Poul Martin Ras­ mussen úr Norðoyggjum, Atli Hansen úr Eysturoy, Hans Sigvard Hansen úr Norð­ urstreymoy og Jan Haldansen úr Suðuroy, hava stillað Jóhan Dahl, løg­tingsmann, upp til for­mansvalið. Hetta var greitt eftir, at freist­in at stilla upp til valið var úti sunnudagin. Formaðurin í Sam­bands­ flokkinum er samstundis for­ maður í landsnevnd floksins. Jóhan váttar Jóhan Dahl, løgtingsmaður, váttar, at hann eftir áheitan frá nevndu limum hevur latið seg stillað upp til formansvalið, men hann sigur seg í løtuni ongar viðmerkingar hava til avgerðina. Kaj Leo Johannesen, løg­ tings­limur og verandi floks­ formaður, sigur, at hann í morgun fekk endaliga at vita, at fýra limir í Sam­bands­ flokkinum hava stillað Jóhan Dahl upp til formansvalið, soleiðis at flokkurin nú hevur tvey valevni at velja ímillum á fundinum fríggjakvøldið. Lesið annars viðmerkingar hjá Kaj Leo niðari á hesi síðuni. Eingin viðmerking Atli Hansen, sum er millum stillararnar hjá Jóhan Dahl, sigur seg onga almenna við­ merking hava til málið. – Nei, eg haldi ikki, at eg fari at gera nakrar við­ merkingar til málið. Nú er stillað upp, og eg haldi, tað tænir sakini best, at friður er um málið, til valið verður fríggjakvøldið. Hann vísir á, at sjálvandi er eitt slíkt mál áhugavert fyri fjølmiðlarnar. – Eg havi mínar meiningar um uppstillingina, men eg haldi ikki, at eg fari at úttala meg alment um tað, sigur hann. Atli vísir á, at sam­bært við­ tøkum floksins kunnu limirnir í Sam­bands­flokkinum stilla løgtingslimir upp til for­ mansvalið, og tað er tað, sum hesir fýra limirnir hava gjørt. – Jóhan Dahl hevur játtað at lata seg stillað upp til val­ ið, sigur Atli Hansen. Kaj Leo Johannesen og Jóhan Dahl: Skulu dystast um formanssessin – Eg havi mínar meiningar um uppstillingina, men eg haldi ikki, at eg fari at úttala meg alment um tað, sigur Atli Hansen, sum er ein av fýra, ið hevur stillað Jóhan Dahl, løgtingsmann, upp til formansvalið í Sambandsflokkinum Mynd: Vilmund Jacobsen Fríggjakvøldið verður avgjørt, hvør av hesum báðum, Kaj Leo Johannesen ella Jóhan Dahl, er formaður í Sambandsflokkinum og í landsnevnd floksins, tá ið fundur er lokin FAKTA UM ATKVØÐURÆTT Helgi Abrahamsen, skrivari í Sambands­flokk­ inum, sigur, at skipanin við formansvali á landsfundi Sambandsfloksins er hon, at valfeløgini, sum eru sjey í tali, hava hvør sínar fimm atkvøður, Ungmannafelagið Samband hevur somuleiðis fimm, starvsnevndin hevur 3, og síðan hava løgtings-og landsstýrismenn floksins hvør sína atkvøðu. At enda hevur kassameistarin í Sambandsflokkinum eina atkvøðu. Skrivarin váttar, at tað eru fýra limir í Sambandsflokkinum – og ikki fýra valfeløg, sum hava stillað Jóhan Dahl upp til formans­ valið fríggjakvøldið. Helgi Abrahamsen hevur onga viðmerking til valið, sum verður í flokkinum, men heldur, at tað er óheppið, um formaðurin verður skiftur út ov ofta. Kaj Leo Johannesen hevur sitið sum for­ maður í Sambands­flokkinum og í landsnevnd floksins í tvey ár. – Tað er ein demo­ kratiskur rættur at lata seg stilla upp til formansval í Sam­ bandsflokkinum, og eg renni ikki undan kapping, sigur Kaj Leo Johannesen, sum skal dystast ímóti Jóhan Dahl, løgtingsmanni, um formanspostin í Sambandsflokkinum fríggjakvøldið Formansval Vilmund Jacobsen vilmund@sosialurin.fo – Tá ið tú fert upp í politikk, kennir tú treytirnar. Ein av hesum treytum er, at tú kanst vænta kapping, serliga tá ið tú situr ovast á rókini. Tað sigur Kaj Leo Jo­hannesen, sum hev­ur verið formaður í Sam­bands­ flokkinum og í landsnevnd floksins seinastu tvey árini. Spurdur, um hann er spentur til landsfundin fríggjakvøldið, sigur hann: – Nei, undarligt nokk eri eg ikki serliga spentur enn, men tað man fara at koma. Hetta verður helst, sum til ein fótbóltsdyst. Spenningurin man fara at veksa, so hvørt sum dagarnir ganga, og tá ið dagurin kemur, verður spenningurin helst í hæddini Góður fundur Tað var ikki fyrr enn í morg­ un, at Kaj Leo endaliga fekk at vita, at Jóhan Dahl, løg­tings­ maður, hevur latið seg stilla upp til formansvalið í flokk­ inum. Hann sigur, at Sambands­ flokkurin hevði ein góð­an og konstruktivan lands­nevnd­ arfund næst síðsta leyg­ar­ dag, har valfeløgini vóru um­boðaði. – Tá hevði eg ongan var­ huga av, at limir ella valfeløg vóru ónøgd við formannin og arbeiddu við at stilla ann­ an løgtingslim upp til for­ mansvalið. Kaj Leo sigur, at so­­leið­ is, sum hann skilti lands­ nevndarfundin, hevði hann stóran stuðul í flokkinum sum floksformaður. – Og tó; eg haldi, at tað er í fínasta lagi, at onkur annar vil royna seg sum valevni. Hetta er ein demokratiskur rættur, og eg haldi, at tað er sunt við kapping. Sunt fyri flokkin Spurdur, hvørjar møguleikar hann heldur, at mótvalevnið hevur, sigur Kaj Leo: – Nei, tað dugi eg slett ikki at meta um, tí man veit jú ongantíð, hvør stendur aftanfyri eina slíka avgerð. Floksformaðurin heldur, at eitt spennandi val stendur fyri framman, og hann er til reiðar at taka kappingina upp. – Men á nevnda lands­ nevnd­arfundi merkti eg sum sagt als einki til nakra ónøgd. Tað var heldur tvørtur ímóti. Vit høvdu ein góðan og pos­ it­ivan fund, har vit eisini tosaðu um 100 ára dagin hjá flokkinum, sum verður 18. august í ár. At enda heldur Kaj Leo Johannesen, at tað verð­ur meira spennandi, nú eitt mótvalevnið er til for­mansvalið í flokkinum, sum verður á landsfundinum fríggja­­kvøldið. – Eg eri ikki kendur sum tann, ið rennur undan kapping, og eg haldi, at hetta er bara sunt fyri flokkin, sigur floks­ formaðurin. Kaj Leo Johannesen, floksformaður: – Mær dámar kapping – Eg haldi, at tað er í fínasta lagi, at onkur annar vil royna seg sum valevni. Hetta er ein demokratiskur rættur, og eg haldi, at tað er sunt við kapping