mikudagur 22. mars 2006síða 2

2 Nr. 58 - 22. mars 2006 Tyrlan Slag: BELL Helicopter Textron BELL 212 Byggiár: 1974 Størsta longd: 17,4 m Breidd: 2,5 m Hædd: 4,45 m Høvuðsrotor diametur: 14,63 m Vekt (tóm): 3.552 kg. Vekt (fullfermd): 5.080 kg. Lyftimegi (sling): 850 kg Max. ferð: 222 km/t Vanlig ferð: 185 km/t Tal av ferðandi: 10 (13) FAKTA Tað er lítið gott eftir av tyrluni her hon stendur í stóra hangarinum hjá Atlantsflogi. Eldra tyrlan er í løtuni til høvuðseftirlit. Tað er ikki so lítið, sum skal gerast í hesum sambandi, men so fáa vit eisini at kalla eina nýggja 32 ára gamla tyrlu! Tyrla Snorri Brend snorri@sosialurin.fo Flogvøllurin: Hon minnir rættiliga lítið um eina tyrlu í heila tyki: Halin stendur í einum staði og kabinan í einum øðrum, – alt skrellað fyri bæði motorar, innihald og rotorbløð. Inni í kabinuni eru tveir mans í ferð við at passa ann­ an forrútin til. Hetta gongur ikki í fyrstu atløgu, men løtu seinni eru teir nøgdir við úr­slitið. Teir fara nú eftir hin­um rútinum. Teimum við lið stendur ein maður íðin og arbeiðir við eini plátu. Hon skal fíl­ ast til, tí hon skal skiftast út og síðani festast á tyrluna, áðrenn hon sleppur á flog aftur. Atanfyri hann stendur ein annar maður og arbeiðir við sjálvum rotorinum á tyrluni. Hann er tikin úr tyrluni og stendur nú á gólvinum, har hann verður eftirhugdur og allar defektir lutir verða skift­ ir út. Millum hesar menn gongur ein annar maður við eini bók í hondini. Hann steðgar á, spyr teir onkran spurning og skrivar upp í bókina, áðrenn hann fer víðari til tann næsta mannin. Hetta er flogteknikkarin, Jens Eystein í Løði. Hann er maðurin sum hevur dag­liga leiðsluna av hesum arbeið­ inum. Og tað er ikki so lítið, hann skal halda skil á. Sambært áðurnevndu bókini eru einar 125 ymiskar uppgávur, ið hoyra til hetta eftirlitið. Men sum skilst koma altíð aðrar uppgávur fram undir slíkum arbeiði. – Jú, hetta er eitt stórt, men kortini sera spennandi arbeiði, sigur Jens Eystein. Teir báðir menninir við vindeygað rópa á hann. Hann fer yvir til teirra, og løtu seinni verður henda Sum ein nýggj tyrla