týsdagur 4. apríl 2006síða 14

14 Nr. 67 - 4. apríl 2006 Tað er onki samsvar ímillum tað, sum Løgmaður og samgongan vilja og okkara veruligu støðu, sigur Høgni Hoydal Politikkur Áki Bertholdsen aki@sosialurin.fo – Vit taka fult undir við Løgmanni, tá ið hann sigur, at tað ber ikki til hjá Føroyingum at isolera seg her úti í Norðuratlantshavi, men at vit mugu taka lut í altjóða samfelagnum Tað sigur Høgni Hoy­dal, formaður tjóðveldis­floks­ ins. Og á flokstinginum hjá tjóð­veldisflokkinum um vikuskiftið, segði hann, at løgmaður skuldi takast upp á orðið. Men samstundis staðfestir formaður tjóðveldisfloksins, at fyri hvønn dag, sum gong­ ur, verður tað sjónskari og sjónskari, at onki samsvar er ímillum tað, sum løgmaður og samgongan sigur seg vilja og ta politisku støðu og tey politisku amboð, vit hava til taks at menna okkum í heiminum. – Løgmaður segði, at utt­anríkispolitiska heim­ild­ arlógin fór at geva okkum møguleikan at undirskriva nýggju handilsavtaluna við Ísland. Men tað var beint øvugt. Hevði Íslands­sátt­málin ikki longu verið á borð­inum, áðrenn nýggja lógin kom í gildi, hevði hann als ikki kunnað verið staðfestur. – Somuleiðis segði løg­ maður, at uttanríkis­pol­it­ iska lógin fór at geva okk­ um limaskap í EFTA og í Norðurlandaráðnum uttan at tað var neyðugt at spyrja danir eftir. Eisini hetta var tað bera bluff og nú, eitt ár seinni, sigur løgmaður, at hann hevur biðið danska utt­anríkisráðharran arbeiða við onkrari loysn um EFTA – og í Norðurlandamálinum hevur landsstýrið ongi stig tikið. Mangla atgongu­ merkið út í heim­ Høgni Hoydal sigur, at Tjóðveldisflokkurin vil eisini hava limaskap í EFTA. – Men forðingin er, at vit eru ikki eitt sjálvstøðugt land tí kunnu vit heldur ikki verða sjálvstøðugur limur í EFTA og øðrum altjóða felagsskapum. Høgni Hoydal staðfestir nevniliga, at fullveldið er sjálvur lykilin til ta altjóðagerð, sum føroyingar sóknast eftir. – Tað er okkara atgongu­ merki til tað altjóða sam­ felagið. Hann sigur, at sjálvandi ber tað til at finna onkrar serligar loysnir mótvegis EFTA og øðrum felagsskapum. – Men nú verður tað Dan­ mark, sum skal vera limur í EFTA vegna Føroyar. Men hetta fer politiska skipanin í Danmark ikki at góðtaka, tí danskir politikarar meta tað sum heilt ómøguligt, at Danmark bæði verur limur í EFTA og í ES fyri síðani at gera av avtalu við seg sjálvt um EBS. – Høgni Hoydal sigur, at tað einasta, hetta førir til, er at vit noyðast at brúka eina ófatiliga orku upp á eina loysn, sum í besta føri eru sera torførar at umsita og ikki serliga góðar fyri Føroyar. Løgmaður má tora Hann heldur, at hetta er at fara yvir um ánna eftir vatnið. – Vil løgmaður veruliga gera Føroyar til ein part í altjóða sáttmálanum, eigur hann eisini at tora at taka tað neyðuga stigið og tað er at taka fullveldið, tí tað er okkara atgongumerki út í heim. Formaður tjóðveldis­floks­ ins staðfestir nevniliga, at tað er ikki fullveldi, sum fer at isolera seg. – Fullveldið er júst tað øvugta. Tað er okkara ríkis­ sættarliga støða, sum útihýsir okkum frá øllum altjóða fel­ ags­skapum. Verða Føroyar eitt sjálvstøðugt land, kunnu vit samstarva, har vit vilja. OG vil Løgmaður veruliga gera Føroyar til ein part í altjóða samfelagnum, má hann eisini tora at avgreiða ríkisrættarligu støðuna, sigur Høgni Hoydal. – Men sum støðan er nú, hevur meirlutin í Løg­ting­ inum samtykt, at nú kunnu vit onki gera uttan í samráð við Danmark so í veruleikanum eru vit enn meiri avmarkað nú, enn vit hava verið, tí fyrr hava vit kunnað sprongt heimastýriskarmin, men tað hava vit frásagt okkum. Høgni Hoydal leggur kort­ini afturat, at tjóð­veld­is­ flokkurin er sinnaður at lata tað standa sína roynd og tí hevur flokkurin lagt uppskot fyri Løgtingið um at søkja um limaskap í EFTA. – So fáa vit at síggja, hvørju krøv EFTA setir og, hvat úrslitið av tí verð­ur, sigur formaður tjóð­veldis­ floksins. Karsten vann á Annitu Fríggjakvøldið vórðu Heini O. Hein esen og Tórbjørn Jacobsen valdir í starvsnevndina í Tjóðveldis­ flokkinum Politikkur DagfinnOlsen dagfinn@sosialurin.fo Tað eydnaðist ikki Annitu á Fríðriksmørk at vinna á Karsteni Hansen í kapp­ingini um at verða politiskur næstformaður í Tjóðveldisflokkinum. Á flokstinginum hjá tjóð­veldisflokkinum um vikuskiftið, stillaði Annita á Fríðriksmørk upp ímóti Karsteni Hansen tá ið politiskur næstformaður skuldi veljast. Ment á ið avtornaði, fekk Karsten Hansen 24 atkvøður, og Annita á Fríðriksmørk fekk 19 atkvøður. Undan flokstinginum var Heidi Petersen umboð fyri tingmanningina í starvsnevndini. Nú hev­ ur tingmanningin valt Tór­bjørn Jacobsen í henda sessin. Heini O. Heinesen er nývaldur í starvsnevndini, sum er víðkað við einum limi. Hallur Ellingsgaard, for­ maður í aðalstjórnini er organisatoriskur næst­ formaður. Áki Jacobsen er kassameistari, og Áki Andreassen er skriv­ari. Formaðurin í Tjóð­veld­ isflokkinum eitur fram­ vegis Høgni Hoy­dal. Karsten Hansen er framvegis næstformaður í tjóðveldisflokkinum Løgmaður skal takast upp á orðið Løgmaður hevur stórar ætlanir, men torir ikki at taka neyðuga stigið, halda tjóðveldisfólk