mánadagur 10. apríl 2006síða 17

Nr. 71 • mánadagur • 10. apríl 2006 • 80. árgangur • www.sosialurin.fo Stjørnan fer ikki at leingja sáttmála við venjaran Lazar Kurdic, sum leiddi kvinnuliðið til føroyameitaraheitið í ár. Stjørnan ætlar at finna norðurlendskan venjara ístaðin Stjørnan Eyðun Klakstein eydun@sosialurin.fo Um vikuskiftið var avgerðin tikin um, at venjarin hjá besta kvinnuliðnum hjá Stjør­n­uni ikki skal halda fram í starvinum. Serbiski Lazar Kurdic kom til landið í fjør at venja kvinnuliðið og ungdómslið hjá Stjørnuni, og fyri smáum tveimum vikum síðani leiddi hann kvinnurnar til FM- heitið. Stjørnan var eisini í steypafinaluni, men mátti har lúta fyri Neistanum. – Vit hava viðgjørt støðuna væl og virðiliga í felagnum, og vit eru komin til ta niður­ støðu, at vit leingja ikki sátt­­­mála við Lazar, sigur Kristoffur Ragnarsson, for­ mað­ur í Stjørnuni. – Vit eru væl nøgd við ar­beiðið hjá Lazar, men vit ætla okkum at royna nakað nýtt. Vit kundu hugsa okkum at fingið ein venjara, sum var nærri okkum í máli og mentan, sigur hann. Vilja hava norður­ lending Kristoffur Ragnarsson sigur, at Stjørnan hevur ikki funnið avloysaran hjá Lazar Kurdic enn, men felagið fer nú at leita miðvíst eftir einum nýggj­um venjara, og ætlanin er, at tað skal ikki ganga ov long tíð, áðrenn nýggi venj­ arin er funnin. – Vit kundu hugsa okkum at fingið ein norðurlending sum venjara, so at tað gjørd­ ist lættari við tí málsliga, og ein møguleiki er, at vit seta ein føroyskan venjara, sigur Kristoffur Ragnarsson, sum tó ikki vil nevna ítøki­lig uppskot til starvið í Stjørn­ uni. – Tað skulu alla tíðina verða framstig í Stjørnuni, og tað er eisini galdandi fyri spælarahópin og venjaran til næstu kapping, sigur hann. Tað hevur verið upp á tal, at Stjørnan skal fara við í europeiska kapping aftur, men enn er avgerðin ikki tikin um hetta. – Vit droyma um euro­pe­ iskan hondbólt, men enn er ov tíðliga at siga endaligt, um vit fara við í Europa Cup næsta vetur. Møguleikan er til staðar, men vit mugu við­ gera hetta nærri í felag­num, áðrenn vit taka av­gerð­ina, sigur Kristoffur Ragn­ars­son. – Vit hava eitt ættarliðsskifti á veg í Stjørnuni, og tað er um­ráð­andi, at vit ar­beiða mið­víst við hes­um spæl­ ar­um. Teir skulu fáa hósk­ andi avbjóðingar, og tað hevði verið best, um vit eis­ini kundu givið teimum avbjóðingar í útlandinum á hvørjum ári, sigur hann. Claus liðugur fyri hetta kapp­ ingarárið Føroyski landsliðs­ spælarin Claus Bech Jørgensen hevur fing­ið álvarsaman lúskuskaða og spælir ikki aftur í hesum kappingarárinum. Hann verður neyvan tøkur til næsta lands­ dystin hjá Føroyum Fótbóltur Eyðun Klakstein eydun@sosialurin.fo Tað stendur einki til hjá føroyska landsliðs­spæl­ aranum í enska felagnum Coventry. Fyri nøkrum vikum síðani fekk Claus Bech Jørgensen ein skaða í lúskuna, og hóast hann royndi at treiskast ímóti skaðanum í eina viku, gekk tað ikki. – Eg havi ikki vant sein­ astu tríggjar vikurnar, og í løtuni fái eg ikki runnið. Eg rokni ikki við, at eg spæli aftur í hesum kapp­ ingarárinum, sigur Claus Bech Jørgensen. Enska kappingin endar hálvan mai, og tí eru út­lit­ ini fyri meira spælitíð í hesum kappingarárinum døpur hjá føroyska lands­ liðsspælaranum. – Vit vita ikki heilt neyvt enn, hvussu álvarsamur skaðin er, men í løtuni fái eg als ikki runnið, og tí er ikki sannlíkt, at eg spæli aftur næstu vikurnar, sig­ ur hann. – Eg havi fingið tvær sproytur fyri skaðan, men tær hava ikki hjálpt nak­að serligt. Eg skal til viðgerðar hjá einum serfrøðingi í slíkum skað­ um seinni í hesi vikuni, og vónandi fái eg meira vita um útlitini hjá mær tá. Eitt ár afturat í Coventry Claus Bech Jørgensen hev­ ur annars spælt rætti­liga fitt á liðnum hjá Coventry í hesum kappingarárinum. Coventry spælir í næst­ bestu deildini í Onglandi, og har hevur liðið hildið til nøkunlunda miðskeiðis á stigatalvuni alt árið. – Tað gekk sera væl eitt skifti, áðrenn eg varð skaddur, men seinastu dyst­ir­nar hava vit ikki fing­ið tey úrslitini, sum vit ætlaðu okkum, sigur Claus Bech Jørgensen. Hann hevur eitt ár eft­ir av sáttmálanum við Cov­ entry, og hann roknar ikki við at spæla aftur fyri fe­lag­ið, fyrr enn kapp­ing­ in byrjar aftur í august mánaði. Stjørnan letur FM-venjaran fara – Vit eru væl nøgd við arbeiðið hjá Lazar, men vit ætla okkum at royna nakað nýtt. Vit kundu hugsa okkum at fingið ein venjara, sum var nærri okkum í máli og mentan, sigur Kristoffur Ragnarsson, formaður í Stjørnuni