mikudagur 12. apríl 2006síða 13

Nr. 73 - 12. apríl 2006 13 Tann 13. apríl 2006 hevur Ásvør Thomsen, skúlavikarur í Fuglafjarðar skúla, 50 ára starvsdag. Ásvør er ættað av Eiði. Hon er fødd tann 6. juni 1937. Ásvør kom sum heilt ung til Fuglafirðar, og tá hevði hon eftirnavnið Ellingsgaard. Tá ið ein tíð var fráliðin, kom hon at kenna væl ein fittan drong í Fuglafirði. Tey gjørdust góð. Ásvør varð trúlovað, og seinni varð hon gift við Jógvan Thomsen. Tey hava síðan livað saman í góðum hjúnarlagi og eiga trý fitt børn, 2 dreingir og eina gentu. Ásvør hevði preleminer- prógv, og tí fekk hon tann 13. apríl 1956 starv sum vikarur í Fuglafjarðar skúla. Hetta starv hevur hon røkt fyrimyndarliga uttan slit í samfull 50 ár. Ásvør er sera dugnalig, nærløgd, dámlig, samstarvs- hugað, álítandi og stundislig í øllum sínum skúlaarbeiði. Seinni árini hevur hon fyri tað mesta røkt uppgávna sum sjúkravikarur, og hóast skotbráðið ofta er stutt, so er Ásvør í skúlanum, tá ið næmingarnir møta á morgni. Í skúlanum hevur Ásvør eisini víst, at hon leggur stóran dent á at hjálpa teimum børnunum, sum ikki hava so góðar umstøður annars. Hetta vísir, at hjartað er á røttum stað, og tað verður av mær og øðrum virðismett høgt. Tað er tí ikki av tilvild, at Ásvør var limur í Barnaverndarnevndini í mong ár, har hon gjørdi eitt stórt og gott arbeiði. Í Fuglafirði er Ásvør vird av bæði næmingum og foreldrum eins og av starvs- feløgunum á skúlanum. Skúlans vegna vil eg siga Ásvør hjartaliga takk fyri drúgva og trúgva tænastu. Vegna skúlaleiðsluna vil eg siga tær stóra takk fyri sera gott samstarv. Góða Ásvør! Hjartaliga tillukku við stóra starvs- degnum við ynskjum um alt gott í komandi døgum. Súni í Hjøllum, skúlastjóri NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Lítla Ingilín Petursdóttir Poulsen dóttir Ninu og Petur Poulsen, Skopun, andaðist 11. apríl á Landssjúkrahúsinum. Bønarhald verður á Landssjúkrahús- kapellinum hósdagin kl. 14. Jarðarferðin verður lýst seinni. Einar Djurhuus Danielsen, andaðist á Roskilde sjúkrahúsið 7. apríl, 62 ára gamal. Jarðarferðin verður úr Jacabskirken í Roskilde týsdagin 18 apríl kl. 11. Lussi Wolfsen, fødd Justinussen, ættað úr Tórshavn, búsitandi í Svøríki, fer til gravar úr Ivetofta Kyrka, Brom, hósdagin 13. apríl kl. 10.30. Andlát og jarðarferðir 90 ára føðingardagur Fríggjadagin 14. apríl verður Marin Skipanes 90 ára gomul. Føðingardagurin verður hildin á Eysturoyar Røktar- og Ellisheimi kl. 15-17. Okkara kæri beiggi, mammubeiggi og ommubeiggi Einar Djurhuus Danielsen føddur 7. august 1943 andaðist á Roskilde sjúkrahúsi 7. apríl 2006. Jarðarferðin verður úr Jacobskirken í Roskilde týsdagin 18. apríl 2006 kl. 11.00. Vegna tey avvarðandi Gunnvør Djurhuus Hoydal Tøkk Hjartaliga takka vit øllum, sum sýndu samkenslu tá góða mamma, vermamma, omma og langomma okkara Amalia Højsted Langasandur andaðist og varð jarðað. Takk til starvsfólk á sambýlinum. Fyri gávur, blómur og kransar. Og øll tykkum, ið á annan hátt hjálptu til. Familjunnar vegna Aggo, Hans Jacob og Joana Tøkk Hjartaliga takka vit øllum fyri sýnda samkenslu tá kæri maður mín, pápi, verpápi og abbi Leif Nolsøe lærari, Sørvágur andaðist og varð jarðaður. Tøkk til Klaksvíkar sjúkrahús fyri dyggan stuðul. Tøkk til Niels Paula Danielsen prest, fyri góð og troystarrík orð í kapellinum. Tøkk til Dávid Johannesen prest og tøkk til Sørvágs tónleikafelag. Tøkk fyri blómur og kransar. Tøkk til tykkum, sum fylgdu honum til hansara seinasta hvíldarstað. Vegna familjuna Marianna Nolsøe Seinasta heilsan til Marjun – okkara sjúkrasystur Hví Gud, hví? Við eymum kenslum, við sorg vit Teg spyrja, hví skuldi tað nú verða so? Almáttugur ert Tú - altvaldandi Faðir, men Gud vit Teg spyrja: hví Gud? Vit syrgjandi, leitandi, sorgarfullar standa til Tín - kæri Faðir - eina bøn. Biðja í várum hjørtum og drýpa várt høvur, Men Gud, góði svara: Hví Gud? Nú farin hon er heim í bústaðir Tínar vit spyrjandi stara, hví Marjun, hví eisini hon? Vit finna ei troyst hesa syrgjandi løtu og um teirra onkarson. Sum misti sín pápa og nú sína mammu, á Gud! Ger eitt undurverk her, og um Tú ei kanst, vára knø vit oss boyggja. Tín kærleiki steðgar ei her. Hjá onkarsoninum ver! “Í Honum eg orki alt, sum meg styrkir” vit lesa í Bíbliu vár. Sorg, sakn og sút í Tínar hendur vit leggja Tú lekir øll bløðandi sár. Takk góði Gud fyri Marjun á Krákusteini. Starvsfelagarnir á E3 og Pleygudeildini ah Ásvør Thomsen, vikarur 50 ára starvsdag Eg vil loyva mær at siga nøkur fá orð, um tann góða læraran Leif. Leif kom til okkara sum eitt frískligt lot uttanífrá. Ein ungur maður fullur av lívi, hugsjónum og íblástri. Hann lærdi meg danskar bókmentir, soleiðis at teir sum síðani royndu, at læra meg tað sama, bliknaðu. Hann lærdi okkum rok- ning, soleiðis at vit øll í 2. real gjørdust meistarar í rokning, áðrenn vit fóru í annan skúla. Superpedagogiskt, so- leiðis at bæði tann stinni og tann tungi næmingurin, fingu høvi at vísa at tey skiltu. Hann var ókenven- tionellur í orð og tal, og hann var ókonventionellur, tá hann bjóðaði øllum røskum kappum at svimja, úti á sandi ein kavadag. Hann gjørdi ungdóms- orkestrið, har eisini vit ómusikalsku, kendu okkum sum ein part av eini vælljómandi heild. Hann lærdi okkum at spæla sjónleik og ferðast um landið við sýningunum. Hann tók okkum út um landoddarnar, at ferðast víða um í Danmark. Góði Leif, tú brendi títt ljós í báðum endum, fyri tína lívsuppgávu sum kennari. Takk fyri førningin tú gav mær, og hvíl nú í friði. Ærað veri minnið um mín góða lærara Leif Nolsøe. Fyrrv. næmingur Nøkur orð um Leif Nolsøe Tann góði lærarin