týsdagur 18. apríl 2006síða 4

Komandi leygardag kl 17 bjóðar GHM til familjukonsert við kendum Disney- løgum KONSERT Familjukonsertin við Har- moniorkestrinum GHM verður í høllini hjá Tórs- havnar Skipasmiðju. Á skránni eru kend løg úr Disney-teknifilmum, sum Laila Carlsen og Jóannes Lamhauge fara at syngja saman við orkestrinum. Harmoniorkestrið GHM varð stovnað í 1922 og nógv vatn er runnið í ánna síðani tá. Orekstrið telur í dag um 60 spælarar, harav er stórur partur framkomnir musikkskúlanæmingar. Fleiri, sum í dag virka sum tónleikarar og tónleiklærar- ar í Føroyum og uttanlands, hava traðka sínar barna- skógvar í GHM, nevnast kunnu Atli Petersen,Bjarni Berg, Eirikur Skála, Oddur Hentze, Hans Petur í Brekkunum og Anna E Klett. Hesi bæði seinast nevndu hava í vetur eisini verið solistar við orkestri- num. Afturat hesum hava aðrir tónleikalærarar verið knýttir at orkestrinum, eitt nú hevur Kári Bæk í fleiri umførum verið dirigentur hjá GHM. Eisini nýggjar kreftir eru við til at menna orkestrið og her skal nevn- ast klarinettlærarin Peder Riis-Jensen sum í vetur, hevur verið drívmegin í or- kestrinum. Hølið har konsertin verð- ur, er heldur sermerkt, men GHM er orkestrur sum dámar at royna okkurt nýtt. Tórshavnar Skipasmiðja hevur víst GHM tann væl- vilja at lána høllini, sum listafólk brúktu til fram- sýning seinasta heyst, til konsertina. Hettar kom ikki óvart á, tí Skipasmiðjan hevur í gjøgnum nógv ár verið góður stuðul hjá føroyskum tónleikarum. GHM hevur í vetur ar- beitt í verkætlanum og nógvar frálíkar framførslur hava verið. Skráin til ym- isku verkætlaninar hevur verið fjølbroytt, frá klass- iskum verkum við Onnu Klett sum solisti, jólatón- leiki saman við stórum felagskóri til jazz tónleik við Hans Petur í Brekku- num sum solisti. Konsertir- nar hava verið í Tórshavn, á Toftum, í Vestmanna, í Gøtu og í Fuglafirði. Fleiri dirigentar hava eisini staðið fyri orkestrinum, Bernharð- ur Wilkinson, Kári Bæk og Peder Riis Jensen, haraftur- at hava fleiri tónleikalæra- rar hjálpt til í ymisku verk- ætlanunum og her kunnu nevnast Atli Petersen, Bjarni Berg, Eirikur Skála, Katja Volovelskaja, Kjell Orseth, Oddur Hentze, Óla- vur Olsen og Edvard N Debess. Fyri GHM hevur tað sera stóran týdning at hesi dugnaligu fólk eru knýtt at orkestrinum og hettar sæst eisini aftur á framførslunum. Til konsertina leygardag- in 22. apríl verða tveir sangsolistar við, Laila Carl- sen Hansen og Jóannes Lamhauge. Laila Carlsen Hansen er fødd inn í tónleikin, øll familjan fæst við tónleik og fyrstu ferð honn sang á fløgu var hon bert 2 ára gomul. Hon hevur síðani tá sungið saman við nógvum tónleikarum, bæði føroysk- um og harafturat verið við á eina ørgrynnu av fløgum í nógvum ymiskum saman- hangi. Jóannes Lamhauge kenna vit kanska best frá sangleikinum Jósef, har hann hevði høvuðsleiklut- in. Hann hevur seinastu ár- ini verið aktivur á føroyska tónleikapallinum, eitt nú í singer songwriter kapping- ini 2004, har hann var ein av finalistunum og í kapp- ingini ársins songrødd sum hann vann í 2005. Bæði hava eina fortíð sum messingblásarar, Jó- annes í GHM og Laila í Havnar Hornorkestri, men eru til hetta tiltakið við sum sangsolistar. Løgini, vit fara at hoyra á konsertini eru m.a. úr film- unum Aladdin, Klokkarin úr Notre Dame og Lion King. Hettar eru vælskriv- aði, kend løg, sum bæði børnum og vaksnum dáma, og tí ber til hjá allari familj- uni at koma til konsertina, sum varðar í umleið ein tíma. Stuðla konsertvirksemi- num í vetur hava: Tórs- havnar Býrað, Tórshavnar Kvøld og Ungdómsskúli, Norðurlandahúsið og Tórs- havnar Musikkskúli. 4 Nr. 74 - 18. apríl 2006 AutoService Jóannes Lamhauge og Laila Carlsen Hansen verða solistar á konsertini leygardagin Aladdin á Tórshavnar Skipasmiðju