mikudagur 19. apríl 2006síða 27

Nr. 75 • mikudagur • 19. apríl 2006 • 80. árgangur • www.sosialurin.fo SÍF rundar 100 Tað eru í ár liðin 100 ár, síðan Sandavágs Ítrótt­ arfelag, SÍF, varð stovnað. Felagið hátíðarheldur føðingardagin við ymsum tiltøkum gjøgnum ár­ið. Tað fyrsta verður leyg­ ardagin 22. apríl. Tá skipar Sandavágs Ítróttarfelag fyri serligum ítróttardegi á og kring ítróttarøkið á Valloyruni. Á skránni eru eldri og nýggjari spøl, eins og ítróttarkappingar verða millum eldri sum yngri ítróttarfólk. Fyri­ reikararnir leggja dent á, at tiltakið er alment, bæði bygdar- og avbygdarfólk eru hjartaliga vælkomin at luttaka ella bara hyggja at og hugna sær. Lagt verður fyri við morg­unmati fyrrapartin, og síðan byrja kappingar og spøl og halda á til út á seinnapartin. Nógv á skránni SÍF ger nógv burtur úr degnum leygardagin, og skráin fyri tiltakið er hendan: Kl. 10:00: SÍF bjóð­ar morgunmat í SÍF-hús­ inum – øll eru hjartaliga vælkomin! Kl. 11:00: Ítróttarfólk frá fimti- og sekstiárunum ganga skrúgongu frá SÍF-húsinum og umvegis. Gamlaveg oman á hond­ bóltsvøllin Kl. 11:30: Hondbólts­dyst­ ur millum Søljugentur frá fimti- og sekstiárunum Kl. 12:30: Fótbóltsdystur millum SÍF leikarar frá fimti- og sekstiárunum Kl. 13:30: Ymiskir ítróttar- og frítíðaraktivitetir fyri øll á Valloyruni, m.a. • gjarðarrenning • kasta kongar • lakka paradís • lofta við bóltum • hoppa band og elastik • rógva við rógvimaskinu • kasta og skjóta í mál (ferðmátari mátar skotstyrkina) • Petanque (kúluspæl) • “Melda kríggj” • “Hávurin kemur” Kl. 15:30: SÍF tiltakið endar Forsetin fyri Olymp­ isku nevnd­ina hevur sent Ítróttarsambandi Føroya skriv, har hann boðar frá, at Føroyar ikki kunnu fáa limaskap í IOC, fyrr enn Føroyar eru blivnar stjálvstøðugt land. ÍSF-forsetin ætlar sær als ikki at góðtaka svarið Olympiskir leikir Eyðun Klakstein eydun@sosialurin.fo Ítróttarsamband Føroya fekk nú um dagarnar skriv frá forsetanum í International Olympic Committee, Jaq­ ues Rogge, har hann avvísir føroysku umsóknini um lima­skap í Olympisku leik­ unum. Jaques Rogge sigur í skriv­ inum, at Føroyar og Grøn­ land kunnu ikki sleppa við til Olympisku leikirnar, fyri enn tey eru blivin sjálvstøðug lond. – Hetta skrivið tykist verða heldur løgið, tí vit hava als ikki biðið um nak­ að úttalilsi frá Jaques Rogge. Vit hava umvegis danska mentamálaráðharran biðið um ein fund við IOC um okkara umsókn um limaskap, men nú fáa vit alt í einum hetta skrivið frá honum, sigur Heðin Mortensen, for­ seti í ÍSF. – Eg ælti mær ikki at góð­ taka hetta svarið, og vit fara at viðgera skrivið frá Rogge á næsta stjórnarfundi í ÍSF, sigur hann. Vilja ikki flokkast saman við Grønlandi Føroyar sendu fyrst í áttati­ árunum umsókn um limaskap til IOC. Hetta var áðrenn felagsskapurin staðfesti, at bert sjálvstøðug lond sleppa við til Olympisku leikirnar. Síðani hava Føroyar tvíhildið um hesa umsókn, sum ongan­ tíð er endaliga svarað øll árini síðani. Seinastu tíðina hevur ÍSF roynt at skunda undir viðgerðina av umsóknini, og umvegis danska menta­ málaráðið hevur ÍSF roynt at fingið fund í lag við leiðsl­ una í IOC. Føroyar hava eisini staði­ liga viðmerkt, at tær vilja ikki flokkast saman við Grønlandi í hesum saman­ hanginum, tí Føroyar eru í heilt aðrari støðu enn Grøn­ land. – Okkara umsókn er frá fyrst í 80’unum, og vit hava fingið limaskap í øllum øðr­um aljtóða ítróttar­felags­ skapum síðani. Tað er bara IOC, sum ikki hevur givð okkum limaskap enn, sigur Heðin Mortensen. Stríðið heldur fram Hóast ovasti leiðarin fyri IOC nú hevur givið sína hugsan til kennar um før­ oyska limaskapin í Olymp­ isku leikunum, so fer ÍSF- forsetin ikki at gevast á hond­um. – Vit hava ikki biðið um per­són­ligu meiningina hjá Jaques Rogge, og tað er um­ráðandi at leggja dent á, at tað er ikki IOC-felags­ skapurin formliga, sum við hesum avvísir okkara um­sókn. Vit hava ongantíð fingið eitt nei ella eitt ja frá IOC-felagsskapinum til okkara umsókn, sigur Heðin Mortensen. – Eg haldi, at Jaques Rogge misskilir fullkomiliga føroysku støðuna, og tað vilja vit royna at greiða honum frá. Vit fara at arbeiða víðari fyri at fáa ein formligan fund við IOC-leiðsluna um okkara umsókn, sigur hann. Olympiski forsetin vil halda Føroyar uttanfyri Danir vilja hjálpa Føroyum Danmarks Idræts Forbund (DIF) er sinnað at hjálpa føroyskum og donskum ítróttarfólkum við til Olympisku leikirnar, skrivar TV2. DIF hevur júst gjørt eina eftirmeting av Olympisku vetrarleikunum í Torino, og felagsskapurin er sinnaður at lurta eftir sjónarmiðum úr Føroyum og Grønlandi. Ætlanin er, at DIF nú fer at taka fundir við føroyskar og grønlendskar myndugleikar um málið. – Tað skal viðgerast, um vit í størri mun skulu lata undantøk til eitt nú føroysk og grønlendsk ítróttarfólk, sigur Jesper Frigast Larsen, elituleiðari í DIF, við TV2. Ovasti leiðarin fyri Olympisku leikirnar sigur, at Føroyar kunnu ikki sleppa við til leikirnar, fyrr enn Føroyar eru blivnar sjálvstøðugt land. Harvið eru ikki útlit fyri, at føroysk ítróttarfólk kunnu skifta Oyggjaleikirnar út við Olympiskar leikir, men ÍSF æltar ikki at gevast á hondum