fríggjadagur 28. apríl 2006síða 13

Nr. 82 - 28. apríl 2006 13 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Kistan við Nelly Mortensen, fer úr kapellinum á Suðuroyar Sjúkrahúsi í dag kl. 18. Jarðarferðin verð­ ur úr Tvøroyrar kirkju fríggjadagin kl. 13. Sungið verður úr Sálma­ bókini. Tey, ið vilja minn­ast Nelly, kunna lata eina peningagávu til Tvøroyrar kirkju: konta í peningastovninum. Kistan við Bjarnfríðu Simonsen ferð úr Tingeyrar kirkju leygardagin 29. apríl kl. 14. Andlát og jarðarferðir Tøkk Hjartaliga takk til tykkum øll, sum á ymiskan hátt gjørdi 100 ára føðingardagin hjá mær ógloymandi. Takk til skúlabørnini, lærarir, dagpleygu, barnagarðir og øll onnur sum møtti upp og sungi og spældi fyri mær, fyrapartin. Takk til Vágs Kommuni og hjálparir, sum fyri­reikaði alt so hugnaligt og vakurt og til sangkórið Ljómur, Landstýrismenn, Løg­ tingsmenn, Ríkisumboði, røðarar og til tykk­um øll í møtti upp í VB húsinum og heiðraði meg. Takk fyri heilsur, blómur og gávur og til familjuna fyri stóra hjálpsami tykkara. Bestu heilsanir Johanna Maria Olsen, Toftalíð, Vágur Tøkk Hjartaliga takka vit fyri sýndu samkenslu við deyða og jarðarferðina hjá elskaðu mammu, vermóður, ommu, langommu og oldurommu okkara Anna Maria Mikkelsen Mia á Støðini Syðragøta Tøkk fyri heilsanir, blómur, kransar og gávur til Filadelfia. Tøkk fyri troystarrík orð og tøkk til tykkum, sum hjálptu til við jarðarferðina. Tøkk til tykkum mongu, sum fylgdu henni til seinasta hvíldarstaðið. Familjunnar vegna Tórur, Katrin og Marjun Kunngjørt verður fyri ætt og vinum, at elskaða kona mín, mamma, vermamma, omma og langomma okkara Karolina Clementsen av Sandi andaðist í heiminum hósdagin 27. apríl, 65 ára gomul. Jarðarferðin verður lýst seinni. Familjunnar vegna Herman Lis, Eyðbjørn og Eyðfinn v/fam. Tøkk Hjartaliga tøkk fyri sýnda samkenlu og hjálpsemi, tá kæra mamma, vermamma, omma og langomma okkara Lisa Haraldsen Sørvági (ættað úr Vági) so brádliga andaðist og varð jarðað. Tøkk fyri blómur, kransar og peningagávur til Sørvágs missiónshús. Tøkk til tykkum mongu, ið fylgdu henni til hennara seinasta hvíldarstað. Tøkk til øll tykkum, ið á ymiskan hátt hjálptu til í sambandi við jarðarferðina. Tøkk til Ingu Poulsen Dam fyri góð og troystarrík orð. Tøkk til Noomi, sangarar og urguleikara, ið gjørdu sangin í kirkjuni til nakað heilt serligt hendan dagin. Ein serlig tøkk til heimahjálpirnar, ið vóru um hana tey seinastu 10 árini. Harrin signi arbeiði tykkara. Familjunnar vegna Harald, Sanna, Svenn og Jonna Mánadagin 24. apríl fylti Thomas Michael Smith málarameistari í Havn 70 ár. Thomas Michael er ættaður úr Vági sum næstelstur av teimum 11 børnunum hjá Mariu, f. Strøm, sum var ættað úr Trongisvági, og William Smith úr Vági. Systkini eru: John (sáli), Thomas Michael, Jens Erik (sáli), Heri (sáli), Ruth, Marjun, Marita, William, Sonne, Josefina og Hanna Maria. Smith familjan er kend fyri síni listarligu evnir bæði innan tónleik og máln­­ingalistina og ikki at gloyma málarayrkið. Thomas Michael bregðar ikki burtur úr ætt. Hann hevur verið í málarayrkinum síðan hann var 14 ára gam­ al, tá hann fór í læru sum málari hjá pápanum, og síðan hevur hann arbeitt sum málarameistari. Eitt skifti rak hann málinga- og tapethandilin “Ælabogan” í Havn fyri donsku mál­ inga­fyritøkuna Sadolin & Holmblad. Hann er kendur sum ein góður handverkari. Hann hevur sett lit á fleiri kirkjur kring landið og er ein av teimum heilt fáu, sum dugir at æðramála. Eisini er hann spesialistur í at prýða kirkjurnar við blaðgulli. Í 2002 gav hann út bók­ ina “Málarasøgur”, sum er ein áhugaverd bók um málarameistarar og mál­ara­ yrkið sum heild. Tann sum lesur bókina leggur skjótt til merkis, at høvundurin veit havt hann skrivar um og er ein spesialistur á økinum. Í mong ár var hann faklærari hjá málaralærlingunum á Tekniska skúla. Thomas Michael er eisini kendur frá tónleikabólkinu Ad Libitum, har hann spælir mandolin. Eitt av frítíðarítrivunum hjá Thomas Michael er gaml­ ar motorsúkklur. Hann er limur í Føroya Ellisakførum og hevur tvær motorsúkklur, eina BSA frá 1947 og eina Honda frá 1982. Hann er við í øllum “treffum” hjá felagnum. Thomas Michael er giftur Hervør, f. Wang, úr Havn. Tey eiga børnini Magnus og Anniku. Eisini eigur hann abbadøturnar Miu og Fíu. Thomas Michael Smith 70 ár