mánadagur 8. mai 2006síða 9

Nr. 88 - 8. mai 2006 9 Eitt ferðsluóhapp í Leirvíkartunlinum leygarmorgunin kundi havt álvarsligar fylgir við sær, um verri vildi til Ferðsla Vilmund Jacobsen vilmund@sosialurin.fo Óhappið hendi, tá ið ein ung kvinna, sum hevði verið í Gøtu og keypt morgunbreyð, var á veg heimaftur gjøgnum tunnilin til Leirvíkar. Tá ið hon nærkaðist end­ anum av tunlinum leirvíkar­ megin, møtti kvinnan einum mótkoyrandi bili, sum hon helt koyrdi í skeivari síðu – og ímóti henni. Í eini roynd at umgangast samanstoyt, snaraði hon til vinstru. Í ferðini misti kvinnan tamarhaldið á bil­ inum og rendi inn í tunn­ ils­veggin í vinstru síðu og slongdist síðan omanaftur í tunnilsveggin í høgru síðu. Slapp væl Sosialurin var av tilvild á staðnum stutt eftir, at óhappið var hent. Unga kvinnan hevði fing­ ið ilt í høvdið og kom undir læknahond. Annars hevði hon eingi sjónlig av hendingini. Bilførarin í bilinum, sum koyrdi ímóti kvinnuni, steðg­ aði ikki, og tí veit eingin – uttan bilførarin sjálvur, um – og hví – hann fór skeivur á breytini og koyrdi í øvutari síðu. Hendingin kundi fingið álvarsligar fylgir, um verri vildi til. Sat í seðlum Løgreglan í Runavík sigur, at unga kvinnan sat í seðlum, og at hetta avgjørt var ein orsøk til, at hon slapp so væl burtur úr hendingini. – Vit vita ikki rættiliga, hvussu hendingin er farin fram, og vit hava ongan tikið í hesum sambandi. Vit hava tískil bara frágreiðingina hjá kvinnuni at halda okkum til, sigur løgreglan í Runavík. Óhapp í Leirvíkartunlinum kundi endað við stórskaða Tað var stutt inni í tunlinum leirvíkarmegin, at ferðsluóhappið hendi leygarmorgunin Mynd: Vilmund Jacobsen – Eg haldi, at stevnu­ økið var hugnaligt, og festivalurin var væl fyriskipaður, sigur Birgir W. Høgnesen, sum er maðurin, ið tók stig til fyrsta bátafestivalin í nýggjari tíð Festivalur Vilmund Jacobsen vilmund@sosialurin.fo Birgir W. Høgnesen er upp­ havsmaðurin til tiltøkini við bátafestivalum. Hann er ættaður úr Klaksvík, men hevur í mong ár búð í Vestmanna, har hann eis­ ini tók stigið til fyrsta báta­ festivalin fyri fimm árum síðan. Sosialurin hitti Birgir við bátahylin á Toftum leyg­ ar­­dagin, tá ið teir út við fimmti bátarnir stevndu av Flesjunum og heim í Oyr­ arnar. Tað er bróðir Birgir, Høgni W. Høgnesen, sum er primus-motorurin aftanfyri bátafestivalin á Toftum, sum nú hevur tvey ár á baki. Høgni hevur búð á Toftum í nógv ár. Góð fyrireiking Birgir W. Høgnesen heldur, at góð fyrireiking liggur aftanfyri bátafestivalin á Toftum. – Hetta sær bara heilt gott út. Eg havi hugt út á stevnuøkið, og eg haldi, at tey, sum standa aftanfyri til­takið, hava dugað væl at skapt eitt hugnaligt og áhugavert umhvørvi rundan um festivalin. Hann heldur eisini, at Báta­felagið í Nes kommunu hevur dugað væl at lagt eina áhugaverda skrá, har okkurt er til tey flestu, bæði ung og tilkomin. Tiltakið væleydnað Formaðurin í Bátafelagnum í Nes kommunu, Høgni W. Høgnesen, sigur í morgun, at enn er ikki gjørt upp, hvussu nógv vitjandi hava verið á festivalinum. – Men eg haldi, at nakað meira av fólki hevur verið hesaferð enn seinasta ár, sum var okkara fyrsta. Hann sigur, at nevndin í felagnum ikki hevur eftir­ mett tiltakið, og tí dugir hann heldur ikki at siga, hvussu verður komandi ár. – Vit fara at bátafestivalin og taka støðu til, hvussu verð­ ur framyvir, sigur Høgni. Undan tiltakinum, segði nevndin í Bátafelagnum, at ætlanin er, at bátafestivalurin á Toftum skal verða eitt aft­ ur­vendandi árligt tiltak, sum eisini skal seta kommununa í fokus. Gjørdi bart... Sosialurin hevur skilt, at Heilsu­føðiliga Starvsstovan seint leygarkvøldið kravdi, at hølini hjá Landingar­mið­støð­ ini, har ætlaði dansurin skuldi verða, lótu aftur. Tí noyddust fyrireikararnir at flyta dansin við Dansiorkestrinum niðan á Svangaskarð, meðan DJ- Showið, sum var fyri tey ungu, var í tjaldinum á stevnu­økinum. Høgni W. Høgnesen sig­ ur seg onga viðmerking hava til, at neyðugt varð at flyta dansin, tí hetta í fyrsta lagi er ein spurningur millum Heilsufrøðiligu Starvs­stovuna og Landingar­ miðstøðina. – Vit hava ongar viðmerk­ ingar til hesa avgerð, sigur hann at enda. Væl fyriskipaður bátafestivalur - Eg haldi, at bátafestivalurin á Toftum var væl fyriskipaður, og umhvørvið rundan um stevnuøkið var hugnaligt, sigur Birgir W. Høgnesen Mynd: Vilmund Jacobsen Harmonikuspælarar settu sín serstaka dám á, meðan bátsfólkið fekk feska suppu Mynd: Vilmund Jacobsen