týsdagur 9. mai 2006síða 17

Nr. 89 - 9. mai 2006 17 g Eitt felag, har tey menningartarnau kunnu sleppa til orðana skal setast á stovn, og ein bólkur, sum skal fyrireika hetta arbeiði er settur JAVNI Rólant Waag Dam rolant@sosialurin.fo Í vikuskiftinum hevði Javni aðalfund í Miðlahúsinum. Hesin fundurin byrjaði klokk­an trý, men áðrenn tað – longu klokkan 11 – var ein annar fundur í húsinum, sum Javni eisini hevði tikið stig til. Talan var um ein fyri­ reik­andi fund til eitt fel­ag, sum skal stovnast í næst­ um. Hetta felagið skal eft­ ir ætlan vera felagið hjá teimum menningartarnaðu, har tey seta dagsskránna og koma til orðana. Tað er undir slagorðinum „Onki um okkum uttan okkum“ at hetta felagið, sum ætlandi verður stovnað í oktober, skal virka. Ítøkilig uppskot Dagurin byrjaði við morg­ un­mati; rundstykkjum og kaffi. Tað var forkvinnan í Javna, Lis í Niðristovu Ek­lund, sum setti fundin. Nógv fólk vóru møtt upp til fundin – gott og væl hálvthundrað. Lis legði fyri við at bjóða vælkomin, áðrenn hon í stuttum greiddi frá virkseminum hjá Javna. - Javni arbeiðir fyri at betra um korini hjá teimum menn­ingartarnaðu, men vit mangla eitt felag, sum er felagið hjá teimum menn­ingartarnaðu. Eitt felag, sum er teirra felag, og har tey sleppa framat at siga sína hugsan, segði forkvinnan millum annað. Tá Lis hevði sagt tað, sum sigast skuldi, vórðu fund­arluttakararnir skip­að­ ir í bólkar, har tey skuldu kjakast um, hvussu felagið ætlandi skal virka og hvørjum tað skal arbeiða fyri. Í bólkunum vóru bara menningartarnað, meðan hinir fundarluttakararnir bara kundu lurta at tí, sum kjakast var um. Hetta varð gjørt av tí einklu orsøk, at tað eru tey menningartarnaðu burturav, sum skulu mynda nýggja felagið. Tá bólkarnir vóru lidnir at kjakast, vórðu ymsu sjón­armiðini løgd fram fyri fundarfólkinum. Stuttligt var fylgja framløgunum, tí í staðinfyri abstraktar og høgtflúgvandi málsetningar, sum vit ofta kenna frá øðr­um fundum, so komu bólk­arnir við ítøkiligum hugskotum um, hvat felagið skal arbeiða fyri. Fleiri løgdu fram uppskot um, at felagið eigur rútvega sær ein bát, soleiðis at tey kunnu sleppa á flot, og ann­ars bara hugna sær á sjónum. Eitt annað uppskot var, at felagið eig­ur at skipa fyri einum túri við Nor­rønu. Vit hoyra dag­ liga um ungdóms túrar, gosp­eltúrar, vælverutúrar og so framvegis, so hví ikki skipa fyri einum túri fyri menningartarnaðum, har Javni hevði aðalfund, árs­veistlu var og Emma’s Blues­band og Ælabogin spældu? Fyrireikandi bólkurin settur Á fundinum skuldi eisini ein bólkur setast, sum skal gera fyrireikandi ar­beiði fyri felagið, sum skal stovnast seinni. Tí skuldu bólkarnir velja tvey um­boð hvør, sum skulu tosa teirra søk í bólkinum. Í fyrireikandi bólkin vórðu vald Emma Vágoy, Ruborg Haraldsen, Malan Mortensen, Símun Petur Zachariassen, John Joensen og Asbjørn Eidesgaard, og tey ætla sær at byrja bein­ anvegin, soleiðis at felagið kann stovnsetast í oktober í samband við eina Norð­ ur­atlantiska stevnu sum verð­ur. Javni: Stovna nýtt felag Stovningardagur felagsins er 14. mai 1971. Limatalið hevur verið støðugt vaksandi síðani tá, og er í dag komið upp á 1343 limir. Forkvinna í felagnum er Lis í Niðristovu Eklund, og í nevndini eru Maud Wang Hansen, Turid Askham, Anette Olsen, Haldis Matras, Óli Wolles og Bogi Andreasen. Aftrat teimum kemur Liljan D. Jacobsen, sum arbeiðir á skrivstovuni 12 tímar um vikuna, og Annlis Bjarkhamar, sum ar­beiðir sum dagligur leiðari á hálva tíð. Felagið hevur júst fingið nýggja heima­ síðu: www.javni.fo FAKTA UM JAVN Fyrireikandi bólkurin: aftast frá vinstru: Símun Petur, Asbjørn og John. Fremst: Malan, Ruborg og Emma Forkvinnan Lis í Nirðistovu Eklund Annlis Bjarkhamar, dagligur leiðari hjá Javna Bólkaarbeiðið var fyrimyndarligt