mikudagur 10. mai 2006síða 33

17 [ Nr. 90 - 10. mai 2006 ] Nr. 90 • mikudagur • 10. mai 2006 • 80. árgangur • www.sosialurin.fo Norska felagið Start spælir í kvøld ímóti Arendal í steypa­kappingini. Todi Jóns­son verður helst við á liðnum hjá Start til hendan dystin. Heimasíðan hjá Start skrivar, at viðgerðin av einum skaða hjá Toda í fótliðnum hevur ging­ið væl, og Todi kann spæla við fullari ferð. Sunnu­ dagin spældi Todi allar 90 minuttirnar í dystinum hjá Start ímóti Lillestrøm. Ingi Højsted hevur eftir øll­um at døma ikki slitið kross­bandið, sum annars varð roknað við. Ein lækni við kunnleika til slík­ar skaðar kannaði Inga í gjár, og hann heldur, at krossbandið er toygt. Ingi fekk skaða í dyst­in­ um ímóti HB fyri tveimum vik­um síðani, og í fyrstu syftu vóru boðini til Inga, at krossbandið var slitið. Men Ingi sleppur við skelk­inum. Gongur tað væl, kann Ingi Højsted spæla fótbólt aftur um nakrar vikur. Ingi skal nú í holt við at venja spakuliga aftur. Heimasíðan hjá B36 skriv­ ar, at í fyrstu syftu skal hann renna, og so skal hann vita, hvussu skaðin í knænum fer at laga seg. Ingi slapp við skelkinum Gjáramorgunin varð tað staðfest, at Jón Rói Jac­ obsen hevur slitið kross­ band í knænum, og hann kann tí ikki spæla fótbólt aftur í ár. Tí hevur landsliðs­venj­ arin Jógvan Martin Olsen tikið Mortan í Hørg út til landsdystin ímóti Póllandi sunnudagin. 25 ára gamli Mortan í Hørg hevur spælt 4 landsdystir fyri Føroyar. Mortan aftur á landsliðnum Tað gekst væl, tá fýra før­ oy­ingar um vikuskiftið tóku lut í Tårnby Games, sum er kapping í frælsum ítrótti. Rannvá Djurholm, Bjørk Herup Olsen, Regin Joen­sen og Rúni Seloy vóru føroysku umboðini, og tey fingu framúr úr­slit. Millum annað setti Bjørk nýtt føroyskt met á 1500 metra teininum við 5.11,96, meðan Regin Ol­sen vann gull á 800 metra teininum. Met og gullmerki Todi klárur at spæla Tað kostaði HB sig­ urin í steypadystinum ímóti VB/Sumba, at ein spælari ikki hevði sítt spæliloyvi í lagi. Í annaðkvøld spæla HB og VB/Sumba aftur dyst ímóti hvørjum øðrum HB-VB/Sumba Eyðun Klakstein eydun@sosialurin.fo HB fær í annaðkvøld vitj­an av VB/Sumba í Formula­ deildini. Tá ið feløgini sein­ast spældu ímóti hvørj­um øðrum, var tað í steypakappingini, og tá vann HB trygt. Eftirspælið hevði tó við sær, at HB varð dømt at tapa dystin, tí eitt spæliloyvi hjá teimum var ikki í lagi. Nú spæla feløgini aftur ímóti hvørjum øðrum, og hesaferð verður dysturin avgjørdur á vøllinum. HB hevur fingið styrk í enum nýggjum serbiskum spælara, sum fyrstu ferð var við sunnudagin. Hóast hann bert spældi ein hálvleik í Klaksvík, sannførdi Panic øll um, at hann verður ein fongur fyri HB-liðið. Roknað verður við, at Panic verður á vøllinum frá byrjan í kvøld. Jákup á Borg hevur verið eymur í lúskuni eftir dystin í Klaksvík, og málmaðurin Bárður Johannesen hevur ein snudd í knænum, men teir verða báðir tøkir til dystin í morgin. Hjá VB/Sumba er lagið munandi betur nú, enn tað var fyri tveimum vikum síðani. Ein­asta Suðuroyarliðið í Formuladeildini hevur vunn­ið sínar tveir seinastu dystir, og hóast uppgávan í Gundadali í morgin verður strævin, hava teir gott mót. VB/Sumba fer fullmannað til Havnar at dystast við HB. Spennandi Panic-loysn í HB – Ágangurin á okkara fótbóltsdómarar er alsamt vaksandi, og veruligur vandi er fyri, at neyðugt verður at niðurleggja partar av fótbóltskappingini, sigur FSF-forsetin, Óli Holm, í eini óvanligari áheitan á spælarar, áskoðarar og onnur. Hann heitir á fólk um at gevast við at hótta, illtonkja og spilla dómararnar út Fótbóltur Eyðun Klakstein eydun@sosialurin.fo Tað hava verið óvanliga nógv­ar sjónligar illstøður millum spælarar, dómarar, venjarar og áskoðarar í bestu mansdeildini í fótbólti í hesum kappingarárinum. Rok í Havn, rok í Klaks­ vík, rok í Vági, ja, hvørt um­far hevur havt sínar sam­anbrestir, reyðu kort og tvídráttir, og í bløðunum hava hvøss lesarabrøv borið brenni til bálið. Hetta fær nú FSF-forsetan, Óla Holm, at koma við ein­ ari óvanligari áheitan á spælarar, leiðarar, áskoðarar og onnur. – Eins og í 2005 er ágang­ urin á okkara fótbóltsdómarar alsamt vaksandi, og vit kunnu staðfesta, at tað veruliga er vandi fyri, at neyðugt verð­ ur at niðurleggja partar av landskappingini, um ikki vend kemur í, sigur Óli Holm í sínari áheitan. Miðlarnir eiga sín lut FSF-forsetin heldur, at tað ger ikki støðuna betur, at fjøl­miðlarnir fylgja væl við í øllum tí, sum fer fram á vøllinum, tá ið dystir í Formuladeildini verða spældir. – Tað bøtir tíverri ikki um støðuna, at ávísir fjølmiðlar alsamt tykjast leggja seg eftir at draga fram støður, har sáddur verður ivi um førleika og døming hjá dómarunum í síni heild, heldur enn at seta fótbóltsspælið í miðdepilin, sigur Óli Holm. – Dómararnir hava eina torføra uppgávu á vøll­in­um, og vit ivast onga løtu í, at teir døma eftir síni sannføring. Og er tað av størsta týdningi fyri fót­bóltin, at øll gera sær greitt, at meting dómarans í hvørjum einstøkum føri er galdandi; teirra avgerð á vøllinum er endalig og eigur og má góðkennast, óansæð um ein er samdur ella ikki. Stuðla heldur enn at háða Óli Holm heldur, at atburð­ urin hjá summum spælarum, venjarum og áskoðarum er á heilt skeivari leið, og atburðurin er til vanda fyri fótbóltskappingina í Før­ oyum. – Dómarar verða ikki betri dómarar við at verða útspiltir, háðaðir, illtonktir, hóttir og at rópt verða ókvæmisorð eftir teimum, nei teir – sum vit øll onnur – hava brúk fyri stuðli til tað arbeiða, sum teir eru settir til, og sum teir fyrst og fremst gera av áhuga fyri fótbóltspælinum, sigur Óli Holm – Vit í Fótbólts­samband­ in­um hava kenslu av, at út­spilling, happing, til­ einkisgerðing av dómarunum hevur tikið yvirhond, og at tað, sum støðan er í løtuni, ikki er tespiligt hjá okkara dómarum at døma dyst ella at ferðast i hesum landi, og tað kann aldri vera rætt. – Skal tað veruliga vera so, at dómarar okkara skulu hava løgreglu- og ella aðra trygdarverju fyri at røkja dómaragerningin eins og fyri at hava eitt rímuligt privatlív, tí at fólk føla trongd at gera seg inn á teir, spyr FSF- forsetin. – Fótbóltssambandið vil tí staðiliga heita á fjølmiðlar, áskoðar, leiðarar, leikarar og annars øll, sum vilja før­oyskum fótbólti væl, um at sláa ring um okkara dómarar og geva teimum tað viðurkenning og tann stuðul, sum teir náttúrliga hava brúk fyri – soleiðis at vit kunnu halda fram við fót­bóltskappingini á ein virðiligan og siðiligan hátt, sigur Óli Holm. Fótbólturin er í vanda – Skal tað veruliga vera so, at dómarar okkara skulu hava løgreglu- og ella aðra trygdarverju fyri at røkja dómaragerningin eins og fyri at hava eitt rímuligt privatlív, tí at fólk føla trongd at gera seg inn á teir, spyr Óli Holm, FSF-forseti. Hann stúrir fyri, at partar av føroysku fótbóltskappingini mugu steðga, tí fólk fara so illa við dómarunum Mynd: Álvur Haraldsen