týsdagur 16. mai 2006síða 3

Nr. 93 - 16. mai 2006  Niels Egelund, pro­fessari á Dan­ marks Pæd­a­gog­ iske Universitet og flogskipari hjá At­­lantic Airways, og Mal­ene Rohde, som­ u­ leiðis flogskipari, gift­ ust í Tindhólmi sum tey fyrstu nakrantíð Giftarmál Lív Højsted Horsdal liv@sosialurin.fo Fyri fyrstu ferð í søguni hevur eitt par gift seg í Tind­ hólmi. Hetta hendi leyg­ar­ dagin, tá Niels Egelund og Malene Rohde lótu seg víga í hjúnaband í Tindhólmi. Niels Egelund hevur flogið fyri Atlantic Airways í 15 ár og hevur somuleiðis verið flog­ovasti eitt tíðarskeið fyrst í 1990’unum. Malene Rohde er eisini flogskipari og hevur flogið í Føroyum í nøkur ár, tá Maersk Air fleyg til Føroya. Leygardagin avgjørdi par­ ið so at gifta seg í Tind­ hólmi: - Eg var í Føroyum fyri at kunngera Pisa-kanningina, og tí hildu vit, at tað var eitt frálíkt høvi at giftast nú, sigur Niels Egelund. Ferðalagið fór við báti út í Tindhólm fyrrapartin leygardagin, og klokkan trý giftist parið í yvir hundrað ára gamla húsinum í Tind­ hólmi. Sýslumaðurin úr Sør­vági, Regin Jespersen, vígdi par­ið, og tvey vitni skriv­að­u und­ir. Eftir vígsluna gledd­ist brúðar­ par­ið sam­an við vitnunum og sýslumanninum við sjam­panju og leskiligari krans­a­køku, ið varð gjørd til høvið. Seint seinnapartin legði ferðalagið leiðina aft­ ur til Sørvágs, har lítið gildi varð stáplað á beinini, og Jørgen Niclassen greiddi frá Tindhólmi og spældi brúð­arvísuna á klaveri. - Tindhólmur hevur altíð verið nakað heilt serligt fyri okkum bæði. Sjálvur havi eg flog­ið uppi yvir Tindhólmi seinastu 15 árini, og Malene hev­ur flogið til Føroya fyri Maersk Air eitt tíðarskeið. Tí var tað heilt ótrúligt at uppliva Tindhólm so nær. - Eitt satt kærleiksævintýr og harafturat eitt stórfingið upplivilsi, greiðir Niels Eg­e­ lund frá. Upprunaliga kom hug­skot­ ið til giftarmálið hjá Nielsi Egelund og Malene Rohde fyri um einum ári síðani, tá Niels Egelund helt sín 60 ára føðingardag: - Eg og Malene sótu og prátaðu um, at tað hevði verið stuttligt at gift okkum eitt serligt stað, har eingin annar hevði gift seg áður. Og so kom Tindhólmur bara av sær sjálvum sum eitt gott boð, sigur Niels Egelund at enda. Magni Arge, stjóri hjá Atlantic Airways, heldur, tað er ótrúliga stuttligt og romantiskt, at Niels Eg­e­ lund og Malene Rohde hava gift seg í Tindhólmi: - Vit hava verið sera glað um at samstarva við Niels frá fyrsta degi av, og eg ynski teimum báðum hjarta­ liga til lukku við gift­ar­ málinum, sigur Magni Arge í stuttari viðmerking. Niels Egelund og Malene Rohde: Giftust í Tindhólmi - Her stendur parið uttan fyri yvir hundrað ára gamla húsið í Tindhólmi. Um eina lítla løtu skulu Niels og Malene vígast í hjúnalag av sýslumanninum, Regini Jespersen. - So var stundin komin til at skriva undir vígsluváttanina. Og síðan skuldu vitnini somuleiðis vátta hjúnalagið. - Eftir vígsluna gleddist brúð­ ar­parið saman við vitnun­um báðum og sýslumannin­um við sjampanju og leskilig­ari kransa­køku, ið varð gjørd til høvið - Sólin skein av tí fagrasta, og bert okkurt lítið lot var í Tind­ hólm­i, tá ástir runnu saman leygardagin. Her stendur nýgifta par­ið framman fyri Tindhólmi í regnklæðum og heitum klæðum - Á middegi var farið út í Tindhólm við báti. Hóast umstøðurnar ikki vóru tær somu í Tindhólmi leygardagin, eins og til eitt sokallað »vanligt brúdleyp«, hevði Malene ikki gloymt at fingið sær eina vakra brúðarbukett við hvítum rósum og liljum