mikudagur 17. mai 2006síða 4

4 Nr. 89 - 9. mai 2006 Frá hósdegi til leygardag er umhvørvismarknaður í gongugøtuni. Har verður mangt og hvat, m.a. nógv góð tiltøk fyri børn. Meyla og Knøttur skemta og syngja hósdagin, fríggjadagin frá kl. 16.30-17.00 og leygar- dagin frá kl. 13.30-14.00. Margarinfabrikkin hevur ein bás við undirhaldandi og upplýsandi tilfari, har børn sleppa at skilja burturkast. Verkstaður fyri børn, har tey sleppa at gera listarverk úr burturkasti. Til teirra, ið vilja sleppa at sita og práta og hugna sær, hava vit vistfrøðiligar vaflur, kaffi, køkur og saft. Vistfrøðilig nútíð – bjørt framtíð Í miðbýnum 18. til 20. mai Á tíðindafundi í høvuðsskrivstovuni hjá Føroya Sparikassa kunngjørdi Marner Jacobsen, stjóri í Sparikassanum, at bankin hevur keypt 25% av fyritøkuni Ejendomsvækst A/S BANKI Heini S. Kristiansen heinik@sosialurin.fo – Hetta er ein týðandi liður í vakstrar- og váðaspjaðingaætlanini hjá Føroya Sparikassa, segði Marner Jacobsen í morgun. – Við hesum keypinum føra vit nakrar av teimum ætlanunum, sum vit hava sett okkum út í lívið. Keypið varð fullført 15 mai. Føroya Sparikassi keypir 25% og hevur ein optión uppá 10% afturat. Heimliga kappingin hørð Føroya Sparikassi staðfestir, at kappingin í Føroyum er sera hørð, og tað er tí torført at økja um marknaðarpartin og inntøkurnar í Føroyum. Føroya Banki hevur framt nógvar rationaliseringar, og teir eru nøgdir við teirra marknaðarpart í Føroyum. – Okkara mál er nú at koma út á ein størri marknað. Danmark hevur ein stóran marknað, og tí undrar tað meg, at føroyingar ikki troyta hann meira, sigur Marner Jacobsen. – Øll tosa um EFTA og ES, men tað er upplagt, at vit keypa okkum inn í tann danska marknaðin. Málið hjá Føroya Sparikassa er, at í 2006 skulu meira enn helvtin av inntøkum bankans verða uttanlands. Í 2005 komu 1/3 av inntøkum bankans frá uttan fyri Føroyar. Við hesum keypinum og væntaða yvirskotsvøkstrinum hjá Eik Bank, sum er dótturbanki hjá Føroya Sparikassi, vænta teir, at málið verður rokkið í ár. Fastognarvirksemi Ejendomsvækst A/S bjóðar ráðgeving til íløgur í fastogn. Felagið arbeiðir í nógvum londum. Fastognarvirksemið, sum felagið fæst við, vinnur meira og meira fram í Evropa. Handlar og fyritøkur hava ikki longur so stóran áhuga í at eiga stórar bygningar. Tær vilja heldur leiga seg inn. Arbeiðs- og sølumarknaðurin er í støðugari menning, og tí er neyðugt, at fyritøkurnar eru fleksiblar og dynamiskar. Tí velja tær ofta at leiga høli heldur enn at keypa. Ejendomsvækst A/ S leggur dent á at fáa sterkar leigarar og langar leiguavtalur. Tað verður ikki hugsað so nógv um eina virðisøkin av fastognini, men íløgan skal geva eitt yvirskot yvir eitt ávíst áramál. Yvirskotsfelag Felagið fekk eitt ársúrslit uppá 90 milliónir í 2005, og væntandi verður yvirskotið enn størri í 2006. – Hetta er eitt felag í vøkstri, og tað passar væl til okkara filosofi. Vit vænta okkum nógv gott burturúr samstarvinum, sigur Marner Jacobsen. Sparikassin keypt 25 prosent av Ejendomsvækst Marner Jacobsen, stjóri í Føroya Sparikassa, hevur staðið á odda fyri arbeiðinum at keypa partabrøvini í Ejendomsvækst