mánadagur 22. mai 2006síða 22

22 [ Nr. 97 - 22. mai 2006 ] Toppuppgerðin varð útsett, og trý tey næstu fingu øll fulla úrtøku í 9. umfari, tá ið AB gjørdi orduligan vørr í Sørvági 1.DEILD Jóannes Hansen Veðrið var so vánaligt í Leirvík leygardagin, at tað ikki bar til at spæla fótbólt. B71, sum er næstovast á støðutavluni, vitjaði LÍF, sum er ósigrað oddalið. Teir royndu at spæla, men tá ið fyrra umfarið var hálvleikt, gjørdi dómarin, Jónleif Frederiksen, av, at tað ikki bar til at spæla. Í staðin fyri at spælararnir stýrdu bóltinum, so var vindurin høvuðsleikarin, og tað bar ikki til. Tá ið dómarin blásti av, var einki mál komið í Leirvík. Toppdysturin verður spældur í hesi vikuni. Hóast tey hava spælt ein dyst færri enn hini feløgini, so eru LÍF og B71 ovast á støðutalvuni. FS Vágar04, AB og TB fingu fulla úrtøku, og harvið løgdu tey eitt sindur av trýsti á toppliðini. FSVágar 04-KÍ 3-1 Síðstu ferðirnar hevur tað gingið sum eftir ánni hjá FSV04. Tað gjørdi tað eisini leygardagin, tá ið teir næstbestu í KÍ vitjaðu. Heimaliðið slerdi tónan ann beinanvegin í keðiligu líkindunum. Eftir horna úr vinstru var Jákup G. Joensen, ið var komin úr útlondum at hjálpa til, hægstur, bólturin støkk í klaksvíking og fór í málið. Bara fýra minuttir seinni var 2-0. Elfinn Ørvarodd, sum í fjør royndi at vinna sær pláss á besta KÍ liðnum, smekkaði til úr høgru og nakað uttanfyri brotsteigin. Málverjin tóktist hava tak á, men hann misti bóltin í málið og so var 2-0. Eftir at heimaliðið hevði økt um leiðsluna, dovnaði spælið hjá teimum nakað. KÍ kom meiri við, og tá ið stórur hálvur tími var farin, minkaði ágrýtni Jósup Henriksen um munin til 2-1. Undan steðginum økti Birgir Joensen um munin til 3-1. Hann sneiddi framvið fleiri, áðrenn hann sendi bóltin í málið. Í 2. hálvleiki kom einki mál. Báðir partar spældu seinna partin av 2. hálvleiki við tíggju monnum. Serliga klaksvíkingar hildu, at seinna gula kortið, sum teirra útvísti maður fekk, var bíligt. SÍ-AB 0-5 Argjamenn kendu framvegis sviðan av mistu stigunum móti FSV04 á heimavølli, tá ið teir fóru til Sørvágs. AB hevur fingið nýtt álopspar. Dion Jacobsen og Tony Rasmussen staðfestu við tveimum málum í part, at tað er dugur í teimum. Dion Jacobsen setti hol á í 12. minutti, eftir at Allan Mørkøre hevði lagt innfyri. Tony Rasmussen økti til 2-0 stutt undan steðginum, eftir at Dion Jacobsen við høvdinum hevði spælt hann leysan. Eftir steðgin var tað bara ein spurningur um, hvussu stórur AB sigurin skuldi verða. Tony Rasmussen økti til 3-0 eftir innlegg úr høgru og eitt sindur av aftur og fram, Dion Jacobsen økti til 4- 0 eftir uppspæl í vinstru, og liðformaðurin Allan Mørkøre staðfesti rimmar 5-0 sigurin, eftir at Dion Jacobsen hevði spælt hann leysan. Royn-HB 1-5 Havnarmenninir hildu seg vera illa mannaðar, tá ið teir fyrrapartin leygardagin fóru suður við Smyrli. At tað kortini eydnaðist teimum at vinna 5-1 sigur eisini nakað um, hvussu støðan er við fótbóltinum í Hvalba. Uni Arge var sannur brandur í HB álopinum. Uni setti hol á miðskeiðis í 1. hálvleiki, og tað var hann, sum stutt undan steðginum tiltuskaði sær brotssparkið, sum Jan C. Dam, ið saman við John Eystberg hevur ábyrgdina av næstbesta HB liðnum, umsetti. Átta minuttir eftir steðgin var Uni Arge aftur upp á spæl. Tveir minuttir seinni sendi Jens Kristian Joensen hornaspark beinleiðis í HB málið. Bárður Mittelstein økti til 4-1, og Uni Arge kroysti ein heimamann at gera sjálvmál, tá ið tveir minuttir vóru eftir. VB/Sumba-TB 0-2 Veðrið var gott á Vágseiði, men spælið var einki at reypa av. Undan steðginum vóru fáir møguleikar, og tá kom einki mál. Síðsta korterið fekk TB tvey mál. Tað fyrra skoraði Einar Petersen. Av miðjuni royndi hann seg við frísparki. Málverjin, sum eitt sindur óskiljandi leyp út úr málinum, fór skeivur av bóltinum, sum sigldi í málið. Seinna málið skoraði innskifti Búi Mortensen. Bólturin varð lagdur inn um verjuna, har Búi Mortensen rann frá verjuni og lyfti bóltin í bleytum boga upp um VB málverjan, tá ið hesin var á veg úr málinum. Súni stóð seg væl í Brøndby Súni Olsen spældi við frá byrjan, tá ið AaB spældi á útivølli ímóti Brøndby í Viasat Cup í gjár. AaB var betra liðið stóran part av dystinum, og tað var eisini liðið úr Aalborg, sum legði seg á odda eftir 20 minuttir. Súni Olsen varð við í uppspælinum til málið, sum Poul Hubertz skoraði. Súni Olsen hevði løtu seinni eina naska roynd. Tá ið 12 minuttir vóru eftir, varð Súni Olsen skiftur út, og tá ið fimm minuttir manglaðu av dystinum, javnaði Brøndby til endaliga úrslitið 1-1. Michael Laudrup gevst í Brøndby Í felags tíðindaskrivi í gjárkvøldið boðaði danska fótbóltsfelagið Brøndby og núverandi venjararnir hjá teimum, Michael Laudrup og John Faxe Jensen, at tað ikki hevur eydnast at koma ásamt um nýggjan sáttmála, og at samstarvið tí heldur uppat 30. juni, tá sáttmálin er úti. Bæði felag og venjarar siga seg vera kedd um, at tey ikki kundu koma ásamt um eina semja. Nevndarformaðurin Ejvind Søvndal sigur við Berlingske Tidende, at nevndin er væl nøgd við arbeiðið hjá Laudrup og Jensen, og tí hevði nevndin í felagnum fegin vilja longt sáttmálan. Seinastu vikurnar hevur Laudrup verið settur í samband við starvið sum nýggjur venjari í Real Madrid. Úrslitini í 1. deild FS Vágar 04-KÍ 3-1 (3-1) 1-0: sjálvmál 4. 2-0: Jack Johansen 8. 2-1: Jósup Henriksen 32. 3-1: Birgir Joensen 44. Reytt kort: Hans Mikael í Mittúni, KÍ (2 gul), 65., og Elfinn Ørvarodd, FSV04 (2 gul) 67. SÍ-AB 0-5 (0-2) 0-1: Dion Jacobsen 12. 0-2: Tony Rasmussen 41. 0-3: Tony Rasmussen 67. 0-4: Dion Jacobsen 79. 0-5: Allan Mørkøre 80. Royn-HB 1-5 (0-2) 0-1: Uni Arge 26. 0-2: Jan C. Dam br 44. 0-3: Uni Arge 53. 1-3: Jens Kristian Joensen 55. 1-4: Bárður Mittelstein 86. 1-5: sjálvmál 88. VB/Sumba-TB 0-2 (0-0) 0-1: Einar Petersen 76. 0-2: Búi Mortensen 82. LÍF-B71 útsettur Talan gjørdist um tryggan útisigur, tá HB var á vitjan í Hvalba hjá framvegis stigaleysa Royn Mynd: Áki Bertholdsen Trýst verður lagt á oddaliðini