hósdagur 8. juni 2006síða 47

Nr. 108 - 8. juni 2006 53 Puntur nr. 8 Båtservice hevur sein­ astu 59 árini bjóða ferðafólki í Oslo út­­ferðir við báti, og tað, ið byrj­aði sum marknaðarføring av verk­smiðjuni, er nú nógv tann størsti part­ urin av virk­seminum hjá Båt­service Ferðing Ein partur av gerandis­mynd­ ini í havnalagnum í Oslo er bátarnir hjá Båtservice, ið sigla við ferðafólki. Felagið hevur 3 sightseeing bátar og 2 ferjur, umframt eitt seglskip og buss ar. Båtservice bjóðar nógv­ ar ymiskar veitingar til ferðafólk, frá túrum við báti á firðinum til longri ferðir við bæði báti, buss i, ferjum og seglskipi. Millum túrarnar er “Grand Cruise av Oslo”, har tú í samfullar 7 tímar sleppir at uppliva fjørðin, býin, ymisk søvn og sleppur at royna ta til­tikna kalda rækjuborðið um­borð á seglskipinum, ella “Eitt kvøld á firðinum” har tú í lítlum seglskipi siglur mill­ um oyggjarnar í 3-4 tímar, meðan tú sleppur at njóta kalda rækjuborðið, ella bara tann stutta túrin í báti út til innaru oyggj­arnar. Felagið er 60 ár í ár og byrjaði sum bátaverk­ smiðja. Frá byrjanini var avgerð tikin um, at felagið skuldi vera sjónligt í havna­ lagnum, og keypti tí tveir sleipibátar, ið togaðu bátar á verksmiðjuna, til regattaðir o.a. Lønsemið í hesum var tó ikki nøktandi, og hetta virksemið var tí skjótt slept. Men fyri enn at vera sjónligt í umhvørvinum kring havnina, var neyðugt at finna aðra loysn. Tí varð avgjørt at fara undir at sigla við ferðafólki. Sleipi­ bátarnir vóru tí skiftir út við meira hóskandi bátar, ið kundu nýtast til ferða­ fólkaflutning. Á heysti í 1947 byrjaði fyrsti báturin at sigla sokallaðar sightseeing túrar. Hóast fyrsti báturin einans tók 15 fólk, var hetta eitt sera væleydnað tiltak, ið alsamt er voksið sum árini eru fráliðin. Hetta hóast Oslo ikki hevur kanalir og annað, ið plagar at vera karmur um tílíka sigling í øðrum stórbýum. Longu sama vetur var ein 28 fóts bátur keyptur og umbygdur til at taka 28 ferðafólk, og í 1949 bygdi felagið fyrsta serbygda bátin til sightseeing, hesin tók 40 ferðafólk. Við árunum hevur Båtservice bygt fleiri og størri bátar, og virksemið er alsamt voksið. Longu í 1954 hevði Båtservice bygt tríggjar bátar afturat, ið tóku 92, 93 og 100 ferðafólk hvør. Felagið fór eisini seinni undir at skipa fyri buss ferðum. Buss ferðirnar vóru av fyrstan tíð, fyri at hava okkurt at bjóða ferðafólki, tá veðrið ikki var til vildar til at fara í báti. Båtservice byrjaði sum bátaverksmiðja og hetta ar­beiðið røkir Båtservice enn, m.a. verða allir bátar­ nir, segl­skipið og ferjurnar hildnar viðlíka av teirra egnu verksmiðju. Dentur verður lagdur á, at bátarnir altíð eru í so góðum standi sum til ber, tí hetta er teirra upprunaliga handverk, og nakað í Båtservice veruliga setur æru í. Útferð í Oslo við báti