mikudagur 14. juni 2006síða 27

28 Nr. 112 - 14. juni 2006 - Vit hava standard til 4 stjørnur, men av tí at vit ikki hava skeinkiloyvi fáa vit bert tríggjar. - Men tað ætla vit okkum ikki at broyta uppá, sigur stjórin, Andreas Andreasen Gisting Snorri Brend snorri@sosialurin.fo Runavík: Tað er nógv at gera á Hotel Runavík mánamorgunin í hesi vik­ uni. Uttanfyri síggjast bilar úr fleiri ymiskum londum – Føroyum, Danmark og Hollandi. Serliga hetta seinasta land­ ið er vorðið ein rættiliga áhugaverdur marknaður hjá hotellinum: Ein góð marknaðarføring hevur nevniliga givið tað úrslit, at gestir úr Hollandi koma higar hvørja einastu viku nú í summar. – Vit gjørdu eitt upp­ søkjandi arbeiði og fingu fatur á eini ferðaskrivstovu í Hollandi. Og henda hev­ur gjørt eitt sera gott arbeiði fyri okkum, sigur hotellstjórin. Úrslitið av hesum arbeiði er, at fólk í Hollandi, Belgi­ en og Luxemburg í dag kenna hotellið í Runavík. Og í summar er avtalan hon, at teir senda eitt fast tal – í hesum føri 10 fólk við bilum – higar hvørja einastu viku. Tá Andreas hyggur í kalendaran fyri teir komandi mánaðirnar, kann hann bara við einum brosi staðfesta: Øll kømrini eru upptikin restina av mánaðinum. Tá vit vitjaðu á hotellinum mánadagin var nakað av fólki inni, men seinnapartin skuldu koma 20 fólk sum luttakarar á einum skeiði hjá kristna felagsskapinum Agape. Fult hotel Sum víst aðrastaðni á síð­uni eru íalt 19 kømur við 37 sengrum á einasta hotellinum í sunnara parti av Eysturoynni. Hóast hetta talið kann tykjast stórt í hesum økin­ um, so hevði hotelstjórin fegin kunnað ynskt sær at havt eini 10 til 15 kømur aftrat um summarið, tá flestu gestirnir vitja. Í dag er støðan hon, at onkur hendinga song er at fáa í summar, men ikki í samanhangandi dagar. – Vit hava tíverri verið noydd at siga nei til nógv fólk í seinastuni, av teirri einfaldu orsøk at hotellið er fult. – Vit hava ístaðin víst teim­ um til hotellini í Klaksvík, Eiði og aðrastaðni, sigur Andreas. Hagtølini fyri gistingar og virksemið annars á hotellinum vísa, at tað er framgongd í mun til í fjør. Í dag koma millum 30 og 100 fólk til døgurða á hotellinum, meðan talið liggur um 80 ein vanligan sunnudag. Hækka støðið Tað eru nú gingnir 15 mán­aðir síðani Andreas gjørdist stjóri. Hann hevur hesa tíðina framt ymiskar broytingar soleiðis at støðið á hotellinum er hækkað. Eitt av hesum arbeiðum er m.a. at marknaðarføra hetta gistingarstaðið, sum áður bar heitið Sjómansheimið í Runavík, men sum síðani hevur broytt navn til Hotel Runavík. Ein partur av hesi marknaðarføring er gjørdur umvegis heimasíðuna hjá hotellinum, sum hevur ver­ ið væl vitjað. Ein partur av hesi markn­ aðarføringini hevur verið snøgt sagt at hækka støðið á teimum tilboðum, sum teim vitjandi standa í boði: Í matstovuni er altíð dag­ sins rættur, og sum verður kunngjørdur hvønn morgun millum sendingarnar á Rás 2. Eisini ber til at bíleggja mat eftir matarskránni. Hinvegin hava nógvar fyri­tøkur og onnur nýtt frálíka og framkomna møgu­leikan at hava skeiðir á hotell­inum. So seint sum í farnu viku varð hildin ein stór­ur vinnudagur á Hotel Runa­ vík. Og sum skilst vóru luttakararnir sera væl nøgdir við umstøðurnar og ikki minst við tann matin, sum borðreiddur var teimum. – Jú, vit hava góðar vónir fyri framtíðina, sigur Andreas Andreasen. Hotellið er ov lítið Fleiri fyritøkur og stovnar gera brúk av fasilitetunum til ráðstevnur og fundir á Hotel Runavík. Stjórin, Andreas Andreasen kann bara fegnast um at hotellið er fult av ferðafólki summarmánaðirnar Mynd: Jens Kr. Vang Hotel Runavík Hotell ið hevur 14 dupultrúm, 4 einkultrúm og eina suitu. Øll rúm hava sjónvarp, bað og telefon. Matstovan bjóðar middagsbuffet og náttverða hvønn dag. Opið er hvønn dag til kl. 22 Átta fulltíðarstørv eru á hotellinum um summarið. FAKTA Stutt sagt Mentan í menning Runavík: At ætlanir eru frammi um at byggja eitt mentanarhús í Runa­ vík kemur ikki av ong­ um. Hesi seinnu árini hev­ur mentanarlívið í komm­ununi staðið í blóma, og meiri og meiri sæst eisini til ymisk­ar lista­greinir og nýggj lista­fólk. Í samband við stóra vinnustevnu í Runavík í fjør heyst varð hildin ein mentanarvika í komm­ununi, og ætlanin er at endurtaka hetta aft­ ur í heyst. Men teir røttu karm­ arnir til eina enn størri menning av mentanini vanta. Tí hevur Mentan­ ar­húsfelagið sett sær fyri at fáa eitt slíkt hús upp á beinini. Sum skilst skal hesin bygningurin standa frammi við Løkin, og var ætlanin at samantvinna ætlanina við ein nýggj­ an skúlabygning á øki­ num. Hvussu verður við hesum ætlanum er ikki greitt enn. Men helst fer ein avgerð at verða tikin í hesum máli rættiliga skjótt. sb. Fimleikur í 40 ár Støkk: Í november ár eru liðin 40 ár síðani fimleikafelagið Støkk varð stovnað. Tá er ætlanin at skipa fyri ymiskum tiltøkum og eini gallaveitslu. Sam­stundis við hetta kunnu limirnir í fe­lag­ num sleppa til fim­ leikafagnaðin sum verð­ ur um sama mundið. Evnið í ár verður “Ein ferð kring jørðina” og er ætlanin at lýsa hetta við rørslum, ljóði og ljósi. – Vit ætla at gera alt fyri at vinna. Vinna vit, so fáa vit steypið til ognar, verður sagt frá felagnum. Støkk fer eisini at síggjast á Eystan­stevn­ uni, tá limir í fe­lag­ num fara at hava ein heldur øðrvísi fim­ leikaframsýning saman við Trølla-pæturi og Omm­uni. Ætlanin er m.a. at læra ommuna at gera estetiskan fimleik, með­ an Trøllapætur skal royna seg við amboðs­ fimleiki. sb.